دىئابىت كېسىلى بارلارنى كالا سۈتىدىن چەكلەشكە بولمايدۇ، ئەمما ئۇلار كالا سۈتىنى كۈندۈز ئىچكىنى ياخشى، چۈنكى كالا سۈتىدىكى سۈت شېكىرىنىڭ ھەزىم قىلىنىش سۈرئىتى ناھايىتى ئاستا، سۈت ئاقسىلىمۇ تاماقنىڭ ھەزىم قىلىش سۈرئىتىنى ئاستىلىتىۋېتىدۇ. ئۇنىڭدىن باشقا، كالا سۈتىنى تاماق بىلەن ماسلاشتۇرۇپ ئىچىش زۆرۈر. مەسىلەن: كالا سۈتى بىلەن دانلىق زىرائەت يېمەكلىكلىرىنى بىلەن بىللە ئىچسە، ئارىلاشما يېمەكلىكلەرنىڭ قان قەنتىگە كۆرسىتىدىغان ئىنكاسىنى تۆۋەنلىتىدۇ؛ تىلغا ئالمىسا بولمايدىغان نۇقتا شۇكى، ئەگەر ئىسسىق كالا سۈتىگە سۇلۇ سېلىپ ئىچسە، تاماقتىن كېيىن قان قەنتىنىڭ ئۆرلەپ كېتىش نىسبىتىنى مۇددەتتىن بۇرۇن تۆۋەنلەتكىلى بولىدۇ.
مۇتەخەسسىسلەر مۇنداق دەيدۇ:« دىئابىت ئاغرىقلىرى ئومۇمىي ئىسسىقلىق مىقدارىنى خاتىرىلەش ئادىتىنى يېتىلدۈرگىنى ياخشى. بەزى دىئابىت ئاغرىقى ئۇخلاشتىن بۇرۇن كالا سۈتى ئىچىشكە ئادەتلەنگەن، ئەگەر ئۇلار كەچتە تاماق يەپ، ئارقىدىن كالا سۈت ئىچسە، بەدەنگە كىرگەن ئېنېرگىيە ئۆلچەمدىن ئېشىپ كېتىدۇ، شۇڭا ئۇلار كالا سۈتىنى كۈندۈزى ئىچكىنى ياخشى. ئەگەر كەچلىك تاماق ۋاقتىدا ئىنسۇلىن ئۇرسا ياكى كېچىدە قان قەنتى تۆۋەنلەش ئەھۋالى كۆرۈلسە، ئۇنداقتا كالا سۈتىنى ئۇخلاشتىن ئاۋۋال ئىچسە بولىدۇ. بۇنىڭدىن باشقا، كالا سۈتىنى 250 مىللىلىتىردىن ئاشۇرۇۋەتسە بولمايدۇ».
«ئۈرۈمچى كەچلىك گېزىتى» دىن ئېلىندى
