ئەنگىلىيەنىڭ تېلگراف شېركىتى Wodafone نىڭ بىر پارچە ئىچكى قىسىمدىكى ئېلخەتتە كېيىنكى ئەۋلاد iPhone نىڭ بۇ يىل 9- ئاينىڭ 18- كۈنى زاكاس قوبۇل قىلىدىغانلىقى، 9-ئاينىڭ 25-كۈنى بازارغا چىقىدىغانلىقى ئېيتىلغان. بۇ ۋاقىت ھەريىلى كېيىنكى يېرىم يىللىق ئالما يېڭى مەھسۇلات ئېلان قىلىش يىغىنىنىڭ ۋاقتى بىلەن ئىنتايىن توغرا كېلىدۇ.

  ھازىرغىچە ئىگىلىگەن خەۋەرلەرگە ئاساسلانغاندا، iPhone 6S سەپلىمە جەھەتتە iPhone6 گە قارىغاندا ئۆرلەش كۆرۈنەرلىك بولۇپ، ئەڭ يېڭى A9 مەركىزىي بىر تەرەپ قىلغۇچ سەپلەنگەن، ئىچكى ساقلىغۇچ 2GB گە كۆتۈرۈلگەن، ئاساسىي كامېراسىمۇ 12 مىليون پىكسېلغا كۆتۈرۈلگەن، بۇنىڭ ئىچىدە 5.5 دىيۇملىق Plus نۇسخىسىغا Force Touch ئىقتىدارىمۇ قوشۇلىشى مۇمكىن.

    ئەپسۇسلىنارلىقى شۇكى iPhone 6S ئېكرانىنىڭ ئېنىقلىق دەرىجىسى ھازىرقى ئۆلچەمنى داۋاملىق قوللىنىدۇ. بۇ 4.7 دىيۇملىق 1334*750 پىكسىل ۋە 5.5 دىيۇملىق 1080P ئېنىقلىقتىكى ئىككى خىل ئېكراننى ئۆز ئىچىگە ئالىدۇ.