توخۇنىڭ ئۈچىيىنى پاكىز يۇيۇپ، ئۇششاق توغراپ، تۆمۈر قازان ياكى ساپلىقتا پىششىق قورۇغاندىن كېيىن قۇرۇتۇپ ھەم تالقانلاپ، كۈندە ئىككى ۋاخ بىر چىمدىمنى ئىلمان قايناقسۇ بىلەن ئىچۈرۈپ بەرسە، ئۈنۈمى ئالاھىدە بولىدۇ.
توشقاننىڭ بېشىنى ئۈكلەپ پاكىزلىغاندىن كېيىن، قوقاسقا كۆمۈپ پىشۇرۇپ يىگۈزۈپ بەرسە، بۇ كېسەل تېزلا ساقىيىدۇ.
بەش تال توخۇمدىن تۇخۇم يېغى چىقىرىپ، ئۇنىڭغا تالقانلانغان بىر تال جۆيۈزنى قوشۇپ، كۈندە كەچتە ئۇخلاشتىن بۇرۇن دوۋسۇن، بەل ۋە بۆرەك ئەتراپى ياغلانسا، بالىلاردىكى سىيگەكلىك بارا-بارا ساقىيىدۇ.
سىيگەكلىك كېسىلى بار بالىنى قەرەللىك ئويغىتىپ كىچىك تەرەت قىلىشقا ئادەتلەندۈرسە، ئاخشىمى ئۇخلاشتىن بۇرۇن سوغۇق يىمەك-ئىچمەكنى بەرمىسە، بۇ خىل كېسەل تەدرىجىي ساقىيىدۇ.
ئۈرۈمچى كەچلىك گېزىتىدىن ئېلىندى.
