ئۈرۈمچى كەچلىك گېزىتى خەۋىرى:

ئوزوقشۇناسلارنىڭ قارىشىچە، پېدىگەندە ياغ، ئىسسىقلىق مىقدارى تۆۋەن بولۇپ، تەركىبىدە ۋىتامىن E ۋە ۋىتامىن C بىر قەدەر مول ئىكەن ئۇ ئوكسىدلىنىشقا قارشى تۇرۇپ بەدەندىكى ئارتۇقچە ئەركىن رادىكاللارنى تازىلايدىكەن، ياشانغانلارنىڭ بەدىنىنى قۇۋۋەتلەپ، ساغلاملىقىنى ئاشۇرىدىكەن. تېخىمۇ مۇھىمى، پىدىگەننىڭ شۆپۈكى تەركىبىدە ئانتوكىسانتىن مول بولۇپ، تۇز مىقدارىمۇ تۆۋەن ئىكەن. 

پېدىگەن بىلەن كۆك پۇرچاقنىڭ ساپىقىنى ئېلىۋېتىپ، پىدىگەننى توغراپ قۇم قازاندا قورۇپ، مۇۋاپىق مىقداردا سۇ قۇيۇپ ئىستېمال قىلسا، قان تومۇرلارنى قوغداپ، قان تومۇرنىڭ ئىلاستىكىلىقىنى ئاشۇرۇپ، قاننى جانلاندۇرۇپ، قان بېسىمنى تۆۋەنلەتكىلى بولىدىكەن. ئۆسمىنىڭ ئالدىنى ئالىدىكەن. پېدىگەننىڭ تەبىئىتى سوغۇق بولۇپ، ئاسانلا ئىچ سۈرۈشنى كەلتۈرۈپ چىقىرىدىكەن، بولۇپمۇ پېدىگەننىڭ تەركىبىدە سولانىن بولغاچقا، پېدىگەننى سۇس ئوتتا پىشۇرۇپ يېيىش كېرەك ئىكەن.