ئەلداۋا ساغلاملىق ئۇچۇر مۇلازىمەت چەكلىك مەسئۇلىيەت شىركىتىنىڭ لىدىرى ئەلقەم ئىلھام يۈكسەل ئەپەندىدىن ئىگىلىشىمىزچە، 28-نۆۋەتلىك دۇنيا ئەيدىز كۈنى مۇناسىۋىتى بىلەن ئەلداۋا شىركىتى ئۇيۇشتۇرغان، شىنجاڭ ساداقەت بىيو پەن-تېخنىكا تەرەققىيات چەكلىك شىركىتى ئالاھىدە قوللىغان تۇنجى نۆۋەتلىك «ئەلداۋا-ساداقەت ئەيدىز بىلىملىرى زېھىن سىناش مۇسابىقىسى» تۈنۈگۈن كەچ ئۈرۈمچى ۋاقتى سائەت 8 دە رەسمىي باشلانغان.

بۇ پائالىيەتنى شىنجاڭ ساداقەت بىيو پەن-تېخنىكا تەرەققىيات چەكلىك شىركىتى ئالاھىدە قوللىغاندىن باشقا، يەنە ئوتتۇز ئوغۇل شىركىتى، بايرام تور سودا شەھەرچىسى، ئوكيان خەلقئارا سودا چەكلىك شىركىتى، تادۇ بىئوپەن-تېخنىكا چەكلىك شىركىتى، قابىس خەلقئارا سودا چەكلىك شىركىتى، لەيلىفەر خەلقئارا سودا چەكلىك شىركىتى، ئەزكا شىركىتى، خوتەن ئەرشى ئۇيغۇر تېبابەتچىلىكى قاتارلىق 9 كارخانا-ئورۇن يېقىندىن قوللاپ قۇۋۋەتلىگەن بولۇپ، تەسىس قىلىنغان ئومۇمىي مۇكاپات سوممىسى 35 مىڭ يۈەنگە يېتىدىكەن، بۇندىن باشقا يەنە 500 مىڭ يۈەن قىممىتىدىكى بايرام پۇلىنى تارقىتىش مۆلچەر قىلىنىپتۇ.مەزكۇر پائالىيەت ئەلداۋا ساغلاملىق ئۈندىدار سالونىدا ئۆتكۈزۈلىدىغان بولۇپ، 2015-يىلى 12-ئاينىڭ 1-كۈنىدىن 12-ئاينىڭ 3-كۈنىگىچە ئۇدا 3 كۈن داۋام قىلىدىكەن. تورداشلار  ئۈندىدار ئىزدەش نومۇرى eldawa نى قوشۇش ئارقىلىق ياكى تۆۋەندىكى ئىككىلىك كودىنى ئۈندىدارىغا ئوقۇتۇش ئارقىلىق ئەلداۋا  سالونىغا مۇشتەرى بولسا بولىدۇ.