سىنا يانفون تورى خەۋىرى، نۇر تورى تەرجىمىسى:
ئالما شىركىتىنىڭ يېڭى نۇسخىلىق مەھسۇلاتى iPhone6 نىڭ ئېلان قىلىنىشقا پەقەت بىر ھەپتە ۋاقىت قالغان پەيتتە، 5.5 دىيوملۇق iPhone6 نىڭ كەينى قېپىنىڭ سۈرەتلىرى يەنە ئاشكارىلىنىپ چىقتى. بۇ قېتىم ئاشكارىلانغان خەۋەرلەردە دىيىلىشىچە، 5.5 دىيوملۇق iPhone6 نىڭ ھەقىقى مەھسۇلات نامى يېقىنقى خەۋەرلەردە دىيىلگىنىدەك  ”iPhone6L“ بولماستىن بەلكى ئىلگىرىكى تارقالغان خەۋەرلەردە دىيىلگىنىدەك  ”iPhone6 Air“ بولىدىكەن.
فىرانسىيە ئاخبارات ۋاستىسى Nowhereelse.fr يېقىندا 5.5 دىيوملۇق iPhone6 نىڭ كەينى قېپى ھەققىدە يەنە خەۋەر بەرگەن بولۇپ، ئوخشاشلا كەينى قاپ ئۈستىگە LOGO دىگەن خەت بېسىلمىغان، شۇڭا نۆۋەتتىكى ئەھۋالدا LOGO دىگەن خەتنىڭ ھەقىقى قىياپىتى يەنىلا بىزنىڭ دىققەت قىلىشىمىزغا ئەرزىيدۇ.
iPhone5s、iPhone6、iPhone6 Air قاتارلىق يانفونلارنىڭ كەينى قېپىنى سېلىشتۇرۇش ئارقىلىق شۇنى كۆرۈۋالالايمىزكى،  بۇ ئۈچ خىل نۇسخىدىكى يانفونلارنىڭ ۋېنتا تۆشۈكى ئورنىدا ئازراق پەرق مەۋجۇت، بۇ پەرىقلەر ئاساسلىقى يانفون ئېكرانىنىڭ چوڭ-كىچىكلىكىنىڭ ئوخشىماسلىقى ۋە ئاساسى توك يولى تاختىسىنىڭ ئوخشىماسلىقى سەۋەبىدىن كېلىپ چىققان. ئەلۋەتتە ئىچكى تۈزۈلۈشىنىڭ قانداق بولىشىدىن قەتئىينەزەر iPhone6 نىڭ ھەقىقى نۇسخىسىنىڭ سىرتقى كۆرۈنۈشىلا بىزنىڭ كۆڭۈل بۆلۈشىمىزگە ئەرزىيدۇ. بۇ مەسىلىمۇ 9-ئاينىڭ 10-كۈنى بېيجىڭ ۋاقتى سەھەر سائەت بىردە ئايدىڭلىشىدۇ.