ئامېرىكىدىكى تەتقىقاتچىلار ئىشلىگەن بىر تۈرلۈك تەتقىقاتتىن مەلۇم بولۇشىچە، ئائىلىسىدە تاماكا ئىسىنىڭ تەسىرىگە كۆپرەك ئۇچرىغان بالىلاردىكى جىم تۇرالماسلىق، ئۆگىنىش نەتىجىسى تۆۋەن بولۇش قاتارلىق ئەھۋاللار بۇنداق تەسىرگە ئۇچرىمىغان بالىلارغا قارىغاندا كۆرۈنەرلىك ئېغىر بولىدىكەن.

بۇ تەتقىقاتنى ئامېرىكا خارۋارد ئۇنىۋېرسىتېتى بىلەن ئىرېلاندىيەدىكى تاماكا چەكلەش ئورگىنىدىكى تەتقىقاتچىلار بىرلىكتە تاماملىغان بولۇپ، بۇنىڭدا 12 ياشتىن تۆۋەن 55 مىڭ بالا تەتقىقات ئوبيېكتى قىلىنغان.

تاماكا چېكىلىدىغان ئائىلىدە ياشايدىغان بالىلاردا يۇقىرىقى خەتەرلەرنىڭ كۆرۈلۈش نىسبىتى تاماكا چېكىدىغان ئادەم بار ئائىلىلەردىكى بالىلارنىڭكىدىن %50تىن كۆپرەك يۇقىرى بولىدىكەن، بولۇپمۇ توققۇز ياشتىن 11 ياشقىچە بولغان بالىلاردا بۇنداق ئەھۋالنىڭ كۆرۈلۈشى تېخىمۇ يۇقىرى بولىدىكەن.

تەتقىقاتقا قاتناشقان بالىلار مۇتەخەسسىسى ھېللېر ئالبېرتنىڭ دېيىشىچە، بالىلار ئۆسۈپ يېتىلىش مەزگىلىدە تاماكا ئىسى بىلەن كۆپ ئۇچراسسا، چوڭ مېڭىسىگە ئېلىپ كېلىدىغان زىيىنى چوڭلارغا قارىغاندا تېخىمۇ ئېغىر بولىدىكەن، بالىلارنىڭ پىسخىك جەھەتتىن يېتىلىشىگىمۇ تەسىر كۆرسىتىدىكەن، بۇ يەنە بالىلارنىڭ نەپەس يولى كېسىلىگە گىرىپدار بولۇشى، بوۋاقلارنىڭ تۇيۇقسىز ئۆلۈپ كېتىشىدەك خەتەرلەرنى پەيدا قىلىشىمۇ مۇمكىن ئىكەن.

ـــ ماتېرىيالدىن

مەنبە: تەڭرىتاغ ئۇيغۇرچە تورى