WWDC2015 يىغىنىغا يەنە بىر قانچە كۈن قالدى، يىغىندا iOS 9 ئېلان قىلىنىدۇ، شۇنداقلا يەنە بىر بۆلۈك ئەقلىي ئىقتىدارلىق ئائىلە مەھسۇلاتلىرى ئېلان قىلىنىدۇ، ھالبۇكى كېيىنكى ئەۋلاد iPhone ھەققىدىكى قىياسلار ئىزچىل توختاپ قالمىغان بولسىمۇ، iPhone 6s بىلەن iPhone 6c نىڭ قارىسى كۆرۈنمەي تۇرۇپ iPhone 7c نىڭ خەۋىرى كەلدى. ئەڭ يېڭى خەۋەرلەردە دېيىلىشىچە، ئالما شىركىتى كېيىنكى ئەۋلاد iPhone دا قايتىدىن 4 دىيۇملۇق ئېكران ئىشلەتمەكچى ئىكەن. نامى iPhone 7c بولۇپ، كېلەر يىلى ئېلان قىلىنىدىكەن.

چەتئەل تاراتقۇلىرىنىڭ بىلدۈرۈشىچە، نۆۋەتتە ئېلان قىلىنغان بىر تۈرلۈك دوكلاتتا كۆرسىتىلىشىچە، ئالمىنىڭ ئېكران ياساش شىركىتى AUOptronics تۆت دىيۇملۇق ئالما ئېكرانى ياساشقا قاتناشقان بىر قانچە شىركەتنىڭ بىرى ئىكەن، AUO دىن باشقا، 4 دىيۇملۇق iPhone تەتقىقاتىغا قاتناشقان شىركەتلەردىن يەنە جۇڭگو چوڭ قۇرۇقلۇقى، تەيۋەن ۋە كورىيە شىركەتلىرى بار ئىكەن. مەزكۇر ئېكران ئەڭ بالدۇر بولغاندا كېلەر يىلى بىرىنچى پەسىلدە ئىشلەپچىقىرىلىدىكەن.