ئاچا-ئىنى ئوتتۇرىسىدىكى چىن ھىسسىياتنى ئىپادىلەپ بەرگەن ئۇيغۇرچە مىكروكىنو -ئىمتىھان نەتىجىسى

سەھىپە:بىز كۆرگەن فىلىملەر
| باھا:17
| زىيارەت: 2,494 قېتىم ئوقۇلدى
| خەتكۈچ: ، ئۇيغۇر, فىلىم, كىنو

netije0_副本

چەت بىر يېزىدا بىر ئاچا-ئىنى بار ئىكەن، بۇ ئىككىسى ئاتا-ئانىسىدىن ئايرىلىپ ياشايدىكەن، بىر-بىرىگە شۇنداق كۈيۈنىدىكەن، ئاچىسى شۇنچە تىرىشىپ ئىنىسىنى ئوقۇتىدىكەن، ئەمما ئىنىسى سەل ئويۇن قېپى بولغاچ ئۆگىنىش نەتىجىسى ئانچە ياخشى ئەمەسكەن. شۇڭا چارەكلىك ئىمتىھان نەتىجىسى چىققاندا ئىنىسى ئاچىسىغا يالغان گەپ قىلىدىكەن، ئەمما ئىنىسىنىڭ يالغانچىلىقىنى بىلىپ قالغان ھەدىسىنىڭ ئاچچىقى كېلىدىكەن. كېيىن بىر قانچە ئىش تۈپەيلى ئىنىسى ناھايىتى تىرىشىپ ئوقۇيدىكەن، ئەمما ئاخىرىدا تولىمۇ ئېچىنىشلىق بىر ۋەقە بولىدىكەن، بۇ ۋەقە نېمىدۇ؟ زادى قايسى ئىشلار ئىنىسىنى تىرىشىشقا ئۈندىگەندۇ؟ داۋامىغا قىزىقسىڭىز دىققىتىڭىز مەزكۇر مىكروكىنودا بولسۇن!

فىلىمخانا

مىكروكىنو دېگەن ئاتالغۇ ھەققىدە

يېقىندا مىكروبلوگ، مىكروفون دېگەنلەرگە ئەگىشىپ مىكروكىنو دېگەن ئۇقۇممۇ مەيدانغا كېلىشكە باشلىدى. مىكروكىنو دېگەن نامدىنلا بۇ خىل ئاتالغۇنىڭ كىنوغا ئالاقىدار ئىكەنلىكىنى بىلىۋالىمىز. مىكروكىنو – ئادەتتە تولۇق بىر ۋەقەلىك بولغان، سۆرەتكە ئېلىنىش ۋاقتى قىسقا(بىر كۈندىن يەتتە كۈندە)، فىلىمنىڭ ئۇزۇنلىقى قىسقا(ئادەتتە 15 مىنۇتتىن 30 مىنۇتقىچە)، مەبلەغ ئاز كەتكەن(نەچچە مىڭدىن نەچچە تۈمەنگىچە) ۋە كىنودا بولۇشقا تىگىشلىك ئېلىمېنتلارنىڭ ھەممىسى تەل بولغان قىسقا فىلىملەرنى كۆرسىتىدۇ.

ئاپتور: ئۇيغۇربەگ

ئىسمىم ئۇيغۇربەگ،ئەركىلەتمە ئىسمىم «بىگىم»، يېقىنلار بولسا «قازاقبەگ»،«خەنسوبەگ»دەپمۇ چاقىرىشىدۇ،كەمىنە ۋوردپرېسكە ئاجايىپ ئىشتىياق باغلىغان بالىمەن. قىسقىچە تەرجىماھالىمنى بۇ يەردىن كۆرۈڭ، مىكروبلوگلىرىم : ئەلكۈيى مىكروبلوگى | شىنلاڭ مىكروبلوگى | QQ مىكروبلوگى | رېن رېن تورى

توختاڭ، تۆۋەندىكى يازمىلارغىمۇ ئىشتىھايىڭىز بولۇشى مۇمكىن

17 باھا يېزىلىپ بوپتۇغۇ؟ سىزلا يازمىغان ئوخشايسىز ...

يارۇق | 2012.09.29 جاۋاب

كىنو ياخشى چىقىشى ياخشى چىقىپتۇ. بىراق مېنى مۇنداق ئىككى نەرسە تەئەججۈپلەندۈردى:
1. فىلىم خېتىدە ئۇيغۇرچە خەت يوق.
2. كۆرۈنۈش تېگىدىكى ئېنگىلىزچە-خەنزۇچە تەرجىمىسىدە، كىشى ئىسىملىرى ئېنگىلىزچىغا ئۇيغۇرچىنى ئاساس قىلىپ ئەمەس، خەنزۇچىنى ئاساس قىلىپ تەرجىمە قىلىنىپتۇ.
بۇ ياش رېژىسسورەنىڭ بۇندىن كېيىن مۇشۇ نۇقتىلارغا بەكرەك دىققەت قىلىشىنى تەۋسىيە قىلىمەن.
شەربەت | 2012.09.29 جاۋاب

مۇشۇنداق كىنونى كۆرگەندىكىنلا ئاشۇ چەت يېزىلىرىمىزدىكى باللىلارنىڭ سىماسى كۆزۈمنى چىرماپ تۇرىۋالىدۇ.
كۆك-تاش | 2012.09.29 جاۋاب

قېنى كىنو؟
نۇرنىجات | 2012.09.29 جاۋاب

ئاچىسىنىڭ ئۆلۈپ كېتىش سەۋەبى مېنى ئانچە قايىل قىلالمىدى!چۈنكى ھارۋا ھەيدەپ كېتىۋېتىپلا،مۇسبەت بۇلۇۋاتقان ۋاقىتقا ئۆتۈپ كەتتى!بەزى دىئالوگلىرى بەكلا سۈنئىي بۇ مېنىڭ بۇ فىلىمنى بولماپتۇ دېگىنىم ئەمەس!ھەمدە كىنو ئىشلەشنىڭ نەقەدەر تەسلىكىنى بىلىمەن!بۇنىڭدىن مۇشۇ تۈردىكى فىلىملەر ئىشلىنىپ قالسا تۈزىتىلسە دېگەن ئۈمىدتىمەن!
پاسىبان | 2012.09.29 جاۋاب

ۋەقەلىكتە 2 نوقتا ماڭا تۈزۈك ياقمىدى.
1. ئاچىسىنىڭ ئۆلۈپ كېتىشى بەك تۇيۇقسىز بوپقاپتۇ. سەۋەبىمۇ تازا قايىل قىلارلىق ئەمەس. بەلكى مىكرو دېگەن گەپنى قوشىۋالغاچقىدۇر… لېكىن ئاچىسىنىڭ ئۆلۈمى مۇشۇ كىنونىڭ ئەڭ يارقىن نوقتىسى بولىشى كېرەك. ئەمما بۇ يارقىن نوقتىغا سەل قارالغان.
2. ئاچىسى ئۇكىسىنىڭ ئىمتىھان قەغىزىنى يۈتتۈرۈپ قويدۇم دېگىنىگە ئىشەنمەي ئۇنى ئەيىبلىگەندە ئۇكىسى ناھايىتى تېزلا سۈكۈتكە چۈشۈپ كېتىپتۇ. بۇ جۇڭگو كىنوچىلىقىدا كۆپ ئۇچرايدىغان «ئۇۋال بولىدىغان» كۆرۈنۈش. ئۇۋال بولغۇچى بۇ چاغدا گەرچە ئۇنىڭ يوللۇق بولسىمۇ ئۆزىنى كۆپ ئاقلاپ كەتمەيدۇ. ئومومى جەھەتتىن ئېيتقاندا رېژىسسورنىڭ ۋە سىنارىستنىڭ جۇڭگو كىنوچىلىقى ئىسكەنجىسىدىن چىقالمىغانلىقىنى يەنە بىلگىلى بولىدىكەن.
ئۇنىڭدىن باشقا كۆرۈنۈش ۋە ئارتىسلارنىڭ ئورۇنلاش ماھارىتى جەھەتتە، ئاۋۇ ئوقۇتقۇچىنىڭ دىئالوگى باشلانغۇچ مەكتەپنىڭ باللىرىنىڭكىدەكلا بەكلا ياسالما بوپقاپتۇ. بۇ پەقەت ئوقۇش پۈتتۈرۈش ماقالىسى بولغانلىقى ئۈچۈن بەلكى شۇنداق بولغاندۇ. نېمىلا دېگەن بىلەن كەسپىي سەنئەتچىلەر ئەمەستە بەرىبىر.
ئۇنىڭدىن باشقا يېزا تۇرمۇشىدىكى يېزىلىق پۇراق كەمچىل. بۇ پىرسوناژلارنىڭ تەلەپپۇزىدا ئەڭ روشەن ئىپادىلىنىپ قاپتۇ. بۇلارنىڭ ھەممىسى ئۈرۈمچى تەلەپپۇزىدا سۆزلەشتى.
تالانتلىق رېژىسسورلار مانا مۇشۇنداق ئىنچىكە ئىشلارغىمۇ بەك ئېتىۋار بېرىدۇ. ئۇلارنىڭ نۇرغۇن كۈچ سەرپ قىلىپ سىنغا ئالغان بەزى ئىنچىكە نوقتىلىرىنى كۆپ قىسىم كىشىلەر بايقاپمۇ بولالماسلىقى مۇمكىن. لېكىن ئۇ رېژىسسورلار بۇنى كۆپ ئادەم بايقىمىغاندىكىن دەپ قىلماي قالمايدۇ.

ئەمدىلا ئوقۇشىنى پۈتتۈرگەن بالا رېژىسسورغا نىسبەتەن ئېيتقاندا، فىلىمنىڭ ئىشلىنىشىدىن كەسپتە ئوقۇغان بىرەيلەننىڭ ئىشلىگەنلىكىنى كۆرۈۋالغىلى بولىدىكەن. مېنىڭچە تەجرىبىسىنىڭ موللىشىىپ بېرىشىغا ئەگىشىپ بۇ نوقتىلار تەبىئىيلا تۈزىلىپ كېتىدۇ ئەلۋەتتە…
- پرېستان | 2012.09.30
  
  يۇقۇرقى پىكىرنى قوللايمەن.
- ئۇيغۇربەگ | 2012.10.3
  
  ھەقىقەتەن سىلى دېگەندەك مەسىلىلەر مەۋجۇد. فىلىمدىكى ۋەقەلىكلەرنىڭ بايان قىلىنىش شەكلى جەھەتتىمۇ ھەم شۇنداق چوڭ كەمچىلىكلەر مەۋجۇد. ئەمما فىلىم تۇتقا قىلغان مەنە بىلەن فىلىمدىكى قۇيۇق مىللىي پۇراقنى ئېتىراپ قىلىشقا شۇنداقلا ماختاشقا ئەرزىيدۇ دەپ قارايمەن. مەزكۇر ياش رېژىسسورنىڭ كىيىنكى ئەسەرلىرىدە تورداشلار بايان قىلغان كەمچىلىكلەرنى تۈزۈتۈپ مېڭىشىغا ئىشەنچىم كامىل.
تەشنايى | 2012.10.2 جاۋاب

بۇ مەركىزىي تىياتېر ئىنىستوتى ئوقۇغۇچىلىرىنىڭ ئوقۇش پۈتتۈرۈش لايىھەسى ئۈچۈن ئىشلىگەن فىلىمى ئىكەن. يۇقاردا دىيىلگەندەك بەزى مەسىلىلەر مەۋجۇت، ئەمما بۇ فىلىمنىڭ رىژسورلىقى نىسبەتەن ياخشى ئىشلەنگەن دەپ قارايمەن. ئاۋاز بېرىش مەسىلىسىگە كەلسەك، ئۇلار كەسپىي ئاۋاز ئارتىسلىرى بولمىغاچقا سۈنئىيلىكتىن خالىي ئەمەس، يەنە كىلىپ فىلىم ئەسلى نۇسخىسى خەنزۇچە ئىشلەنگەن، ئۇيغۇرچە ئاۋازى كىيىن بېرىلگەن… كۆپچىلىك نېمىلا بولمىسۇن قوللاپ قويايلى! فىلىم ئىشلىگۈچىلەرنىڭ مىللىيچە پۇراق چىقىرىش ئۈچۈن قانچىلىك تىرىشقانلىقىنى فىلىم مەزمۇنىدىنلا كۆرىۋالغىلى بولىدۇ….
- ئۇيغۇربەگ | 2012.10.3
  
  قوللايمەن…
لوپنۇرى | 2012.10.4 جاۋاب

مېنىڭچە،بۇ فىلىمدە ئاچىسى ئەمەس،ئۇكىسى يۈتۈپ كەتكەن ئىمتىھان قەغىزىنى « تاپىمەن»دەپ پاجىئەگە يولۇققان بولسا،ئاچىسى ئۇكىسىغا ئىشەنمىگىنى ئۈچۈن،قاتتىق پۇشايمان قىلغان،ئۇكىسى بىلەن ئۆتكەن كۈنلىرىنى ئەسلەپ ياش تۆككەن بولسا كىنونىڭ تېمىسى ھەقىقىي تۈردە يۇرۇتۇلارگەن. بۇ مېنىڭ شەخسىي قارىشىم.
- ئۇيغۇربەگ | 2012.10.25
  
  مەنمۇ مۇشۇنداقراق ئىشلەنسە تېخىمۇ ياخشى چىقاركەن دەپ ئويلىدىم…
ئالپبەگ | 2012.10.7 جاۋاب

ما بەگ بەك تاشيۈرۈككەن جۇمۇ .كىچىككىنە بالىنى ئۆلتۈرۈپ قوياتتىكەن ماۋۇ كىنونى ئىشلىگەن بولسا…
مەلەك | 2012.10.9 جاۋاب

قويۇق مىللى پۇراققا ئېگە ، بەك ياخشى سۈرەتكە ئېلىنىپتۇ ، تورلاردىمۇ خېلى داۋراڭ قوزغىيالىدى ، بۇنى بىر مۇۋاپىقىيەت دەپ قارايمەن
مەلەك | 2012.10.9 جاۋاب

ماۋۇ ئاچىسى ھېلىقى شاڭخەيدىكى چى باۋ ئوتتۇرا مەكتىپىدىكى شىنجاڭ سىنىپ ئوقۇغۇچىلىرى تەسۋىرلەنگەن قېرىنداشلار دېگەن فىلىمدە باش رول ئالغان قىزكەن ، نېمانچە تونۇش چىرايكىن دېسەم ، ئىشقىلىپ بۇ فىلىمنى ياقتۇردۇم
- ئۇيغۇربەگ | 2012.10.25
  
  شۇمىكەن؟ مەنمۇ بىر خىل تونۇش چىراي ھىس قىلغان ئىدىم…
شر | 2012.10.18 جاۋاب

مومكىن بولسا چۇشۇرۇش ئادىرسىنى يوللاپ قويسىڭىز
دون_ئەپەندى | 2012.10.19 جاۋاب

فىلىمگە نېمىشكە خەنچە ھەم خەنچە خەتلەردىن باشقا
ئۇيغۇرچە يېزىق كىرىشتۈرۈلمىگەندۇ….