مۇخبىرنىڭ شىنجاڭ خەير-ساخاۋەت باش جەمئىيىتىدىن ئىگىلىشىچە، 20-ئاپرېلدىن 24-ئاپرېلغىچە بولغان ئارىلىقتا شىنجاڭ خەير-ساخاۋەت باش جەمئىيىتى جەمئىيەتتىكى ھەرقايسى ساھەلەر ئىئانە قىلغان ئۈچ مىليون يۈەن پۇلنى تاپشۇرۇۋالغان، بۇنىڭ ئىچىدە ئىئانە قىلىنغان پۇل بىر مىليون 930 مىڭ يۈەن، ئىئانە قىلىنغان ماددىي بۇيۇملارنى خەلق پۇلىغا سۇندۇرۇپ ھېسابلىغاندا بىر مىليون 70 مىڭ يۈەن بولغان. نۆۋەتتە، تۇنجى تۈركۈمدىكى ئىئانە پۇل سىچۈەن ئۆلكىسىنىڭ ئاپەت رايونىنىڭ ھېساباتىغا كىرگەن.

    20-ئاپرېل سىچۈەن ئۆلكىسى لۇشەن ناھىيەسىدە يەر تەۋرىگەن ئاشۇ دەقىقىدىن باشلاپ، ئاپەت رايونىدىكى پۇقرالار شىنجاڭدىكى ھەر مىللەت خەلقى ۋە كادىرلىرىنىڭ قەلبىگە تەسىر كۆرسىتىپ كەلدى، ئۇلار ھەرخىل يوللار ئارقىلىق ئاپەت رايونىغا ياردەم قىلىپ كەلدى. ئاپتونوم رايونلۇق خەلق ھۆكۈمىتى ئىشخانىسىنىڭ ھۆججىتىنىڭ تەلىپى بويىچە، تۇنجى تۈركۈمدە بىر مىليون 730 مىڭ يۈەن نەق پۇل ھېساباتقا كىردى، 26-ئاپرېل چۈشتىن بۇرۇن بارلىق پۇللار ئاپەت رايونىنىڭ ھېساباتىغا كىرىپ بولدى.