ماي بايرىمى يېتىپ كېلىش ئالدىدا، ئۈرۈمچى شەھەر ئاھالىسىنىڭ بايرامدىن بۇرۇن ئەرزان كۆكتات سېتىۋېلىشىغا قولايلىق يارىتىش ئۈچۈن، 24-ئاپرېلدىن 27-ئاپرېلغىچە ئۈرۈمچىدە شەھەر دەرىجىلىك زاپاس كۆكتات بازارغا سېلىنىدىكەن.

    ئىگىلىنىشىچە، بۇ نۆۋەت 2156 توننا زاپاس كۆكتات بازارغا سېلىنىدىغان بولۇپ، ئۇنىڭ ئىچىدە يېسىۋېلەك، سەۋزە، تۇرۇپ، چاقما كاۋا، پىياز، تەكىيە كاۋا قاتارلىق يەتتە تۈرلۈك كۆكتات بار ئىكەن.

    بۇ نۆۋەت بازارغا سېلىنىدىغان زاپاس كۆكتاتلار ئۈرۈمچى شەھىرىدىكى ھەرقايسى كۆكتاتنى بىۋاستە سېتىش نۇقتىسىدا سېتىلىدىكەن. زاپاس كۆكتانىڭ باھاسى ئەرزان بولغانلىقتىن، تىجارەت خاراكتېرلىك كارخانىلارنىڭ كۆپلەپ سېتىۋېلىشىنىڭ ئالدىنى ئېلىش ئۈچۈن، ھەربىر ئاھالە ھەر كۈنى كۆپ بولغاندا پەقەت 10 كىلوگىرام كۆكتات سېتىۋالالايدىكەن، ئۇنىڭ ئىچىدە يېسىۋېلەكتىن پەقەت بىر تۈپلا سېتىلىدىكەن.