نۇرغۇن كىشىلەرگە نىسبەتەن، Windows 95 نىڭ قوزغىلىش مۇزىكىسى ھېلىھەم قۇلاق تۈۋىدىن كەتمىگەندەك بىلىنىدۇ، بۇ مۇزىكا ئەنگلىيەلىك مۇزىكانت Brian Eno نىڭ قولىدىن چىققان بولۇپ، يەنە «مىكروسوفت ئاۋازى» دېگەن نامىمۇ بار، Eno ئۆزىمۇ كېيىن داڭلىق ئويۇن Spore نىڭ مۇناسىۋەتلىك مۇزىكىسىنى ئىشلەشكە قاتناشقان…

يېقىندا چەتئەل ئاخبارات ۋاستىلىرى Eno نىڭ 2009-يىلى BBC نىڭ زىيارىتىنى قوبۇل قىلغانلىقى ھەققىدىكى بىر پارچە فىلىمنى قولغا چۈشۈرگەن بولۇپ، Eno مەزكۇر زىيارەتتە Windows 95 نىڭ قوزغىلىش مۇزىكىسىنىڭ ياسىلىشىنىڭ كەينىگە يوشۇرۇنغان بىر كىچىك مەخپىيەتلىكنى ئاشكارىلىغان، بۇ بىر بۆلەك قىسقىغىنە مۇزىكا ئالما شىركىتىنىڭ Macintosh كومپيۇتېرىدا يېزىپ پۈتتۈرۈلگەن ئىكەن.

Eno ئەسلەپ مۇنداق دېگەن، مىكروسوفت ئەينى چاغدا ناھايىتى ئۇزۇن بىر تىزىملىكنى ئۇنىڭغا تاپشۇرغان بولۇپ، ئەڭ ئاخىرىدا پۈتۈپ چىققان قوزغىلىش مۇزىكىسى ئۇلارنىڭ تەلىپىگە لايىق بولۇشى كېرەك ئىكەن، ھالبۇكى بۇ تەلەپ تەخمىنەن 150 كە يېقىن سۈپەتلەش سۆزىنى ئۆز ئىچىگە ئالغان بولۇپ، «كىشىنى روھلاندۇرىغان»، «تەنناز»، «ھاياجانلاندۇرىدىغان»، «سېغىندۇرىدىغان»، «قايغۇرتىدىغان» دېگەندەك سۆزلەر بار ئىكەن. بۇ بىر پەقەت نەچچە سكونتلۇق قىسقىغىنە مۇزىكىغا نىسبەتەن، ھەقىقەتەن مەزمۇنى مول بولغان بىر تەلەپ ھېسابلىنىدۇ.

BBC ئۇنىڭدىن بۇ مۇزىكىنى Windows قاچىلانغان PC دا ئىشلىگەن ئىشلىمىگەنلىكىنى سورىغاندا، Eno مۇنداق جاۋاپ بەرگەن: «ياق، مەن بىر دانە Mac كومپيۇتېردا يېزىپ چىقتىم، مەن بۇ ئۆمرۈمدە ئەزەلدىن PC ئىشلىتىپ باقمىدىم، مەن ياقتۇرمايمەن.» بۇ جاۋاپ ئېنىقكى مىكروسوفتنى ئوڭايسىزلاندۇرماي قالمايدۇ.

Windows 95 نىڭ قوزغىلىش مۇزىكىسى: