ئەسسالامۇ ئەلەيكۇم مۆھتىرەم تورداش، بلوگىمغا قەدەم تەشرىپ قىلغىنىڭىزنى قىزغىن قارشى ئالىمەن. تارىم بلوگى ماتېماتىكا ۋە كومپيۇتېر بىلىملىرىنى ئاساس قىلغان ئۇنۋېرسال بلوگ.

    <<  لوگارىفمىلىق تەڭلىمىلەرنى يېشىش ئۇسۇلى || باش بەت || Eot ئايلاندۇرۇش قورالىنى چۈشۈرۈۋېلىڭ  >>

  • تارىم بلوگىنىڭ بىر يىللىق تەرەققىيات ئەھۋالىدىن قىسقىچە دوكلات - [ئۇنىڭدىن -بۇنىڭدىن]







    مەزكۇر يازمىنى ئىشلەتمەكچى بولسىڭىز، مەنبەسى «تارىم بلوگى» ۋە ئادرىسى: نى ئەسكەرتىشنى ئۇنۇتماڭ. كۆچۈرمىكەشلىك نومۇس!!!...

    تارىم بلوگى 2008-يىل 4-ئاينىڭ 14-كۈنى قۇرۇلغاندىن بۇيان ھازىرغىچە توپ توغرا بىر يىل بولدى. بۇ بىر يىل جەريانىدا بلوگ يوقلۇقتىن بارلىققا كېلىپ، تەدرىجى تەرەققىي قىلىپ تورداشلارنىڭ ئېتىراپ قىلىشىغا ئېرىشكەن، ئۇيغۇرچە بلوگلار ئىچىدىكى نوپۇزلۇق بلوگلاردىن بىرى بولۇپ قالدى. تارىم بلوگىنىڭ قىسقىغىنە بىر يىل ئىچىدە بۇنچىلىك زور تەرەققىياتلارغا ئېرىشىشى پۈتۈنلەي تورداشلارنىڭ قىزغىن قوللاپ قۇۋۋەتلىگەنلىكىنىڭ نەتىجىسىدۇر. شۇ ماناسىۋەت بىلەن تورداشلارغا چوڭقۇر ئېھتىرام بىلدۈرىمەن!

    بلوگ قۇرۇلغان بۇ بىر يىلدىن بۇيان نۇرغۇن ئىشلار بولۇپ ئۆتتى. ئەسلىدە بۇ بىر يىلدىكى بلوگنىڭ تەرەققىيات ئەھۋالىدىن تورداشلارغا تەپسىلىي دوكلات بەرسەم بولاتتى، بىراق دۇنيادا ئەڭ خوشۇم يوق ئىش مۇشۇ پىلان، خۇلاسە، دوكلات دىگەندەك نەرسىلەرنى يېزىشكەن. شۇڭا ئارتۇق گەپنى قويۇپ تورداشلارغا پايدىسى تەككۈدەك نەق گەپنى قلاي.

     بۇ بىر يىلدىن بۇيان جەمئىي 175 پارچە تېما يوللاندى. ئەھمىيەتسىز، ۋاقتى ئۆتكەن، تەكرار يوللانغان، ئىملا خاتالىقى ئېغىر بولغان بىر قىسىم ئىنكاسلار ئۆچۈرۈلگەندىن كېيىن ھازىر بار بولغان ئىنكاس سانى جەمئىي 417 پارچە.

    ئەڭ بۇرۇن يوللانغان تېما

     

    بلوگ ھەققىدە

     

    ئەڭ بۇرۇن ئىنكاس يازغان 10 نەپەر تورداش

     

    يۈكسەل، ئارامگاھ، بوغلان، دۇنياقارا، دەۋر، بۇلاق، 时代博客 ، ئىدىقۇت، ئەنقا، بىلىملىك بلوگ (ئىنكاس يازغان ۋاقىت تەرتىۋى بويىچە تىزىلدى).

     

    ئەڭ كۆپ ئىنكاس يازغان 10 نەپەر تورداش:

     

    ئىنكاس يازغان قېتىم سانىنىڭ ئاز كۆپلىكى بويىچە تىزىلدى:

    1.ئىلىم-پەن         38 قېتىم

    2. دۇنياقارا          31 قېتىم

    3. چەكمەن           17 قېتىم

    4. ئۇيغۇرتېكىن      

    5. دەۋر                

    6. بايلىق              

    7. ئۆتمۈش            

    8.  math-man   

    9. ئاناتىلىم           

    10. يۈكسەل          

     

    ئەڭ كۆپ كۆرۈلگەن 10 تېما

     

    1.      بلوگ ھەققىدە

    2.      بلوگ ئۇيغۇرچىلاشتۇرۇشتىكى يەنە بىر ھۈنەر

    3.  يەنە بىر ئۇيغۇرچە يېڭى ئۇسلۇپ تارقىتىلدى

    4.  بىلىك، ئىنتىل،شەبنەم، دىيارىم ۋە ئىزدىنىشتىكى يېڭى تېمىلارنى بلوگدا كۆرسىتىش

    5.  ئىنكاس رامكىسىغا بىۋاستە ئۇيغۇرچە خەت كىرگۈزۈش ئۇسۇلى

    6.  بلوگدا ھازىرقى زىيارەت سانىنى كۆرسىتىش ئۇسۇلى

    7.  بلوگ باشقۇرۇش تىزىملىكىنى ئۇيغۇرچىلاشتۇرۇش ئۇسۇلى

    8.  بلوگدا تېما ماۋزۇسىنىڭ چوڭ-كىچىكلىكى ۋە رەڭگىنى ئۆزگەرتىش ئۇسۇلى

    9.  تۆۋەندىكى تور بەتلەردىن ئۆزىڭىزگە لازىملىق دەرسلىكلەرنى چۈشۈرۈۋېلىڭ

    10.  ھەركەتچان خەت ئۈنۈمى ھاسىل قىلىش كودى-1

     

    ئەڭ كۆپ ئىنكاس چۈشكەن  تېمىلار

     

    1.  بلوگ ھەققىدە  (32 ئىنكاس)

    2. يەنە بىر ئۇيغۇرچە يېڭى ئۇسلۇپ تارقىتىلدى  (15 ئىنكاس)

    3.  بلوگبۇس تەرجىمە ھۆججىتىنى يېڭىلىۋېلىڭ   (13 ئىنكاس)

    4. ئىنكاس رامكىسىغا بىۋاستە ئۇيغۇرچە خەت كىرگۈزۈش ئۇسۇلى  (13 ئىنكاس)

    5.  بلوگ ئۇيغۇرچىلاشتۇرۇشتىكى يەنە بىر ھۈنەر  (11 ئىنكاس)

    6.  «ئۇيغۇرلاردىكى 10 چوڭ بلوگ (2008)» نى باھالاش نەتىجىسى ئېلان قىلىندى  (10 ئىنكاس)

    7. Blogbus 六周年庆典 ناملىق ئۇسلۇپ تەرجىمە قىلىندى  (10 ئىنكاس)

    8.  ئۈچبۇلۇڭنىڭ بەش مەركىزى  (9 ئىنكاس)

    9.  ھەركەتچان خەت ئۈنۈمى ھاسىل قىلىش كودى-2   (9 ئىنكاس)

    10. كۆچۈرۈشنى چەكلەش كودى  (9 ئىنكاس)

     

    تەۋسىيەلىك تېمىلار

     

    1.   ئۇيغۇر يېزىقىدىكى ماقالىلارنى ئوخشىمىغان كومپيۇتېرلاردا بىر خىل خەت نۇسقىسىدا بېسىش

    2.   QQ ئۇچۇرلىرىنى چەكلەش ئۇسۇلى

    3.   PPt غا Flash قىستۇرۇش

    4.  PPt غا Flash قىستۇرۇشنىڭ ئاددىي ئۇسۇلى

    5.  بلوگقا رەسىم يوللاشنىڭ ياخشى ئۇسۇلى

    6.  SWF  نى FLA غا ئايلاندۇرۇش دېتالى

    7.  تولۇق ئوتتۇرا ماتېماتىكا يېڭى دەرسلىكىنىڭ كونسىپىكى

    8.  eot  سىز تور بەت كۆرۈش

    9.  بلوگدا ئۇيغۇر مۇنازىرە مۇنبەرلىرىدىكى يېڭى تېمىلارنى كۆرسىتىش

    10. QQ خاتىرە دەپتىرىنى ئىشلىتىش ئۇسۇلى

     

    تارىم بلوگى تەرجىمە قىلىپ تارقاتقان ئۇيغۇرچە ئۇسلۇپلار

     

    1. «گۈزەل كېچە» ئۇسلۇبى تارقىتىلدى

    2. يەنە بىر يېڭى بلوگ ئۇسلۇبى «ئالتۇن كۈز» تارقىتىلدى

    3. «1982» ناملىق ئۇسلۇپ تەرجىمە قىلىپ تارقىتىلدى

    4.  بۈگۈن يەنە Higt! Green City دىگەن ئۇسلۇپنى تەرجىمە قىلدىم

    5. بلوگىمنىڭ ئالدىنقى كۈنلەردە ئىشلىتىپ يۈرگەن ئۇسلۇبىنى تارقاتتىم

    6. Blogbus六周年庆典 ناملىق ئۇسلۇپ تەرجىمە قىلىندى

    7.  暗色节奏 ئۇسلۇبى تەرجىمە قىلىندى

    8.  يەنە بىر ئۇيغۇرچە يېڭى ئۇسلۇپ تارقىتىلدى

    9.  8-bit ئۇسلۇبى تارقىتىلدى

     

    ئەمدى بلوگنىڭ ئارتۇقچىلىق ۋە يېتەرسىزلىكلىرى ھەققىدە تورداشلارنىڭ پىكرىنى ئاڭلاپ باقاي. قىزغىن تەكلىپ پىكىرلەرنى بېرىشىڭلارنى ئۈمىد قىلىمەن.

    قوشۇمچە: يېڭى قۇرۇلغان بلوگلارنىڭ كۆپىيىشىگە ئەگىشىپ، دوستانە ئۇلىنىشقا قوشۇلىۋاتقان بلوگلار بارغانسىرى كۆپەيمەكتە. نەتىجىدە بلوگىمنىڭ ئوڭ يان بۆلىكى ھەددىدىن زىيادە ئۇزىراپ كېتىپ، بلوگنىڭ كۆرگەملىكىگە تەسىر يېتىۋاتىدۇ. ئۇنىڭدىن باشقا يان تەرەپكە يەنە تەۋسىيىلىك تېما، كۆپ كۆرۈلگەن تېما دىگەندەك تۈرلەرنى قوشماقچى. مۇشۇنى كۆزدە تۇتۇپ دوستانە ئۇلىنىشقا پەقەت بلوگزار، كۆزنەك، يۈكسەل ئۇلىنىشلىرى، ئۇلىنىش سىن ، جەمگاھ  قاتارلىق ئۇلىنىش توربەتلىرىنىلا قويماقچى. بۇنى توغرا چۈشىنىشىڭلارنى ئۈمىد قىلىمەن. بۇ جەھەتتىمۇ تەكلىپ پىكىرلىرىڭلارنى ئايىمىغايسىلەر.

     


    收藏到：Del.icio.us




    خەتكۈچ:تارىم بلوگى Matematika ماتېماتىكا 数学
    ئادرىسى:
    ئاپتورى: تارىم يوللىغان ۋاقتى: 01:38:13 | تەھرىرلەش | 分享　0 |

    • ۋاي-ۋۇي!!!!........  تورداشلار بىرمۇنچە ئىـنـكــاس يېزىپ بوپتىغۇ!  مەنمۇ يازايچۇ تازا !



      评论

    • تارىم ئەپەندى بلوگىڭىزنىىڭ بىر ياشقا كىرگەنلىكىگە مۇبارەك بولسۇن! يىڭى بلوگگىرلار ئۈچۈن ئىرىنمەي جاۋاپ يازغان قولىڭىزغا خۇدايىم دەرت بەرمىسۇن! (قۇرۇق رەھمەت دەۋەرمەي ئىلانلىرىڭىزنى بىر چىكىۋىتەيچۇ)
      تارىم回复ئازغۇن说：
      سىزگە كۆپ رەھمەت.
      2009-04-23 20:16:15
      ئازغۇن | 发表于2009-04-23 15:14:32 [回复]
    • بلوگىڭىزنىڭ بىر ياشقا كىرگەنلىكىنى چىن دىلىمدىن قۇتلۇقلايمەن! يېڭى بىر يىلدىكى بارلىق ئىشلىرىڭىزنىڭ ئوڭۇشلۇق بولۇشىنى، بلوگىڭىزنىڭ تېخىمۇ نادىر تېمىلار بىلەن مەيلىمىزنى تارتىشىنى، ئۇيغۇر بلوگچىلىقىدا يېڭى سەھىپە يارىتىپ، سەركىلىك رولىنى جارى قىلدۇرۇشىنى ئۈمىد قىلىمەن.
      تارىم回复Boghlan说：
      ياخشى تىلەكلىرىڭىزگە كۆپ رەھمەت.
      2009-04-19 23:56:49
      Boghlan | 发表于2009-04-19 23:13:08 [回复]
    • ئەسسالامۇ ئەلەيكۇم ، تارىم ئەپەندىم ، ئالدى بىلەن يۈزىمنى داپتەك قىلىپ تارىم بلوگىنىڭ 1 يىللىقىنى قىزغىن تەبرىكلەيمەن . مەنمۇ بۇ خەۋەرنى ھازىر كۆرۈشىم ، شۇڭا ھاسىراپ -ھۆمىدەپ كەلسەم ، تورداشلار مەندىن چاققان چىقىپ مەنلا ھەممەيلەننىڭ ئارقىسىدا قالغان ئوخشايمەن .... ھەي ، مۇشۇ ئوقۇشنى زە .. قاچانمۇ تۈگەر بۇ ئوقۇش .... قاچانلا قارىسا ئۆگىنىش ، مەكتەپ دەپلا ئالدىراش يۈرگەن ، ئازراقمۇ بىكار ۋاقىت يوق ... كىچىكىپ كەلگىنىمنى ئەپۇ قىلغايلا . تارىم بلوگىنىڭ كۈندىن-كۈنگە تېخىمۇ تەرەققىي قىلىشىغا ۋە يۈكسىلىپ ئۇيغۇرلار بلوگچىلىقىدىكى چولپان بلوگقا ئايلىنىشىغا تىلەكداشمەن !
      تارىم回复Xadlik说：
      ۋەئەلەيكۇم ئەسسالام. ياخشى تىلەكلىرىڭىزگە رەھمەت.
      2009-04-18 01:19:04
      Xadlik | 发表于2009-04-18 01:11:34 [回复]
    • ئەسسالامۇ ئەلەيكۈم تارىم بۇرادەر ! تارىم بىلوگىنىڭ 1 ياشقا كىرگەنلىكىنى قىزغىن تەبرىكلەيمەن. بۇندىن كىيىنكى يىڭى بىر يىلدا نادىر ۋە پايدىلىق تىمىلار بىلەن تىخىمۇ يۈكسىلىپ راۋاجلىنىشىغا تىلەكداشمەن. مىنىڭ تەكلىۋىم : بىلوگنىڭ ئۇسلۇپ يىڭلايدىغان ۋاقتى بولۇپ قالدىمىكىن دەپ ئويلايمەن .
      تارىم回复ئىشتىياق说：
      ۋەئەلەيكۇم ئەسسالام. رەھمەت. بلوگىم قۇرۇلغاندىن بۇيان ئىزچىل مۇشۇ ئۇسلۇپنى ئىشلىتىپ كېلىۋاتىمەن. بلوگىم ماتېماتىكا بىلىملىرىنى ئاساس قىلغان بلوگ، بەزى ماتېماتىكىلىق بەلگىلەرنى بلوگقا بىۋاستە كىرگۈزۈشكە بولمىغانلىقتىن، ماتېماتىكىغا دائىر تېمىلارنى رەسىم ھالەتتە يوللاشقا توغرا كېلىدىكەن. بۇنىڭ ئۈچۈن ئاۋال ۋوردتا يېزىپ تەييارلىۋېلىپ ئاندىن رەسىمگە ئايلاندۇرۇپ يوللىغاندا، بلوگنىڭ ھازىرقى تەگلىك رەڭگى ۋوردنىڭ تەگلىك رەڭڭى بىلەن بىر خىل بولغاچقا، يوللىغان رەسىم قەتئىي چانمايدىكەن. مەن مۇشۇنى دەپ بۇ ئۇسلۇپنى ئىزچىل ئىشلىتىپ كېلىۋاتىمەن. ئەگەر ھازىرقىدىنمۇ ياخشىراق بىرەر ئۇسلۇپ ئۇچراپ قالسا (ئەلۋەتتە تەگلىك رەڭگى ھازىرقىدەك ئاق رەڭلىك بولسا) ئۇ چاغدا ئۇسلۇپ ئالماشتۇرۇشنى ئويلىشىپ باقىمەن. ياخشى تەكلىپ بەرگىنىڭىزگە كۆپ رەھمەت. يەنە تەكلىپلىرىڭىز بولسا ئايىمىغايسىز.
      2009-04-17 00:44:23
      ئىشتىياق | 发表于2009-04-17 00:18:13 [回复]
    • ئەسسالامۇ ئەلەيكۇم ، تارىم بلوگىنىڭ بىر ياشقا تولغان قۇتلۇق تۇغۇلغان كۈنىنى قىزغىن تەبرىكلەيمىز !
      نەچچە كۈندىن بۇيان سەل ئالدىراش بولۇپ قېلىپ تۇغۇلغان كۈن باغىقىڭىزنى كېچىكىپ كۆرۈپتىمەن . ئەپۇ قىلغايسىز .
      تارىم بلوگىنىڭ بۇنىڭدىن كىيىن ئىلمىي تەرەققىيات قارىشىدا چىڭ تۇرۇپ ، دەۋر بىلەن تەڭ ئىلگىرلەپ ، ئۆزلۈكسىز يېڭىلىق يارىتىشىنى ئۈمىد قىلىمىز . ھاھا ھا ...
      تارىم回复TAWLAN说：
      ۋەئەلەيكۇم ئەسسالام. ياخشى تىلەكلىرىڭىزگە كۆپ رەھمەت. ئىسمىڭىزنى كۆرمىگەن بولسام، ئىنكاسىڭىزنىڭ ئاخىرىسىدىكى سۆزلەرگە قاراپ، بلوگىمغا بىزنىڭ سېكرىتار كىرگەن ئوخشايدۇ دەپ قالاركەنمەن، ھى، ھى، ھى، .......
      2009-04-16 22:13:53
      TAWLAN | 发表于2009-04-16 10:31:05 [回复]
    • ۋاي مەن ۋاقتىدا كىرەلمەي بۇ قۇتلۇق ئىشدىن تاس قاپتىمەن خەۋەرسىز قالغىلى . بىلوگىڭىزنىڭ تۇغۇلغان كۈنىنى مۇبارەكلەيمەن . بۇنىڭدىن كېيىن بىلوگىڭىزنىڭ تېخىمۇ راۋاجلىنىپ تەرەققىي قىلىشىنى ، نادىر تېمىلارنىڭ ئۈزۈلمەي يوللىنىپ تۇرشىنى ئۈمۈد قىلىمەن . شۇنداقلا ئىشلىرىڭىزنىڭ ئۇتۇلۇق ، تىنىڭىزنىڭ سالامەت بۇلۇشىنى تىلەيمەن .
      تارىم回复ئىلىم-پەن说：
      ياخشى تىلەكلىرىڭىزگە كۆپ رەھمەت. بلوگىمنىڭ سىزگە ئوخشاش ئىخلاسمەن ئوقۇرمەنلىرى بولغاچقىلا، بۈگۈنكىدەك ياخشى نەتىجىلەرگە ئېرىشتى. مۇشۇ پۇرسەتتىن پايدىلىنىپ بلوگىمنى ئىزچىل قوللاپ كېلىۋاتقان بارلىق دوستلارغا سەمىمىي رەھمەت ئېيتىمەن.
      2009-04-16 22:09:00
      ئىلىم-پەن | 发表于2009-04-16 10:19:18 [回复]
    • تارىم بلوگىنىڭ قۇرۇلغانلىقىنىڭ 1 يىللىقىنى ئەڭ قىزغىن ئالقىشلىرىمىز بىلەن قۇتلۇقلايمىز. يېڭى يىلدا يەنىمۇ شانلىق نەتىجىلەرنى قولغا كەلتۈرۈشىگە تىلەكداشمىز. ماڭا ئەڭ تەسىر قىلغىنى تارىم ئەپەندىدىكى سەمىمىيلىك ۋە باشقىلارغا خوشاللىق بىلەن ياردەم قىلىش روھى! مۇشۇ خىل روھلا بولىدىكەن تارىم بلوگىنىڭ ئىستىقبالى پارلاق. مەن ھازىر كەم دېگەندىمۇ 15 كە يېقىن تورداشقا بلوگ نەشىر قىلىشتا تارىم بلوگىدىن ئۆرنەك ئېلىش ۋە تارىم ئەپەندىدىن تەلىم ئېلىشنى تەۋسىيە قىلدىم. ئۇلار تارىم ئەپەندىنىڭ مىننەتسىز ياردىمى ئارقىلىق بلوگىرلار سېپىگە قوشۇلدى. تارىم بلوگى يەنىمۇ يۈكسەلگەي!
      تارىم回复يۈكسەل说：
      يۈكسەل ئەپەندىنىڭ ياخشى تىلەكلىرىگە كۆپ رەھمەت. بەك ماختىۋېتىپسىز ئادەمنى خىجىل قىلىپ.
      2009-04-16 22:03:54
      يۈكسەل | 发表于2009-04-16 02:00:54 [回复]
    • مۇبارەك بولغاي! يىڭى بىر يىلىدا تىخىمۇ نادىر يازمىلارنى يېزىشىڭىزنى ئۈمىد قىلىمەن.
      مەنمۇ بىلوگىمنىڭ تۇغۇلغان كۈنىنى ئۆتكۈزۈپ بەرسەم بولغۇدەك جۇمۇ! ھەممىڭلارنى تەكلىپ قىلىمەن جۇمۇ، خۇدايىم بۇيرۇسا جۇمۇ يەنە، بۇيرۇماي قالسا ئامال يوق.
      تارىم回复abral1说：
      رەھمەت.
      بلوگىڭىزنىڭ تۇغۇلغان كۈنى بولمىسىمۇ بېرىپ يوقلاپ تۇرىۋاتىمىز، تۇغۇلغان كۈنى بولغاندا تەكلىپ قىلمىسىڭىزمۇ بېرىۋالىمىز.
      2009-04-16 01:48:21
      abral1 | 发表于2009-04-16 01:20:18 [回复]
    • ئەسالامۇ ئەلەيكۇم ، تارىم ئەپەندى ، تارىم بىلوگىنىڭ بىر يىللىقىنى قىزغىن تەبرىكلەيمەن . تارىم بلوگى بلوگلىرىمىز ئارىسىدىكى كۆزگە كۆرۈنگەن بىرىگە ئايلاندى ھەم داڭلىق بلوگلار قاترىغا كىردى . بۇ بلوگنىڭ شۆھرىتىنى دەلىلەپ تۇرۇپتۇ . تارىم بلوگىنىڭ يەنىمۇ تەرەققىي قىلىشىنى ۋەBlogbus ھەققىدە تېخىمۇ ئۈنۈملۈك نەتىجىلەرنى ۋە سىرلارنى ئېچىپ بلوگ تەرەققىياتىغا يەنىمۇ تۆھپە قوشۇشىنى سەمىمىي ئۈمىد قىلىمەن .
      كامالىي ئىھتىرام بىلەن : ئۇيغۇرتېكىن ئەپەندى
      تارىم回复ئۇيغۇرتېكىن说：
      رەھمەت. پات-پات كىلىپ تۇرۇڭ. بلوگىڭىزنىڭ يېڭى ئۇسلۇبىغا مۇبارەك بولسۇن.
      2009-04-15 22:46:51
      ئۇيغۇرتېكىن | 发表于2009-04-15 21:35:20 [回复]
    • تارىم بلوگى قۇرۇلغانلىقىنىڭ بىر يىللىقىنى تەبرىكلەيمەن!
      تارىم回复dunyakara说：
      رەھمەت.
      2009-04-15 22:44:49
      dunyakara | 发表于2009-04-15 18:11:39 [回复]
    • مەنمۇ بىر قىسىم بىلوگقا ئائىت بىلىملەرنى مۇشۇ بىلوگدىن ئۈگەنگەن . مىنىڭ بىر تەكلىپىم بار ، يان تىزىملىك رامكىسىنىڭ (sidebar) خېتىنى سەل - پەل كىچىكرەك قىلسىڭىز تېخىمۇ كۆركەم كۆرىنەرمىكىن دەيمەن .
      تارىم回复سەيياھ 说：
      بۇرۇنغۇ سەل كىچىكتى. تورداشلارنىڭ كۆزى چارچاپ قالمىغاي دەپ ئازراق چوڭايتىپ قويغانتىم. ئەمىسە سەل كىچىكلىتىپ قوياي. يەنە تەكلىپ-پىكىرلىرىڭىز بولسا ئايىمىغايسىز.
      2009-04-15 22:44:18
      سەيياھ | 发表于2009-04-15 14:41:56 [回复]
    ئۇيغۇرچە بىلەن لاتىنچە يېزىقنى ئالماشتۇرماقچى بولسىڭىز Ctrl+k نى بېسىڭ. يېزىق يۆنۈلۈشىنى ئۆزگەرتمەكچى بولسىڭىز Ctrl+t نى بېسىڭ.

    بلوگبۇس ئابونتى بولمىغان زىيارەتچىلەر سەمىگە:

    ئەگەر ئىنكاس يازماقچى بولسىڭىز، ئاۋۋال ئىنكاس رامكىسىنىڭ ئۈستىدىكى «نامسىز ئىنكاس يېزىش» دېگەن خەتنى چېكىڭ، ئاندىن «ئىسمى» دېگەن خەتنىڭ ئاستىدىكى كاتەكچىگە خالىغان ئىسىمدىن بىرنى يېزىڭ. «ئېلخەت» ۋە «ئادرىس» دېگەن خەتلەرنىڭ ئاستىدىكى كاتەكچىلەرگە ھېچنىمە يازمىسىڭىزمۇ بولىۋېرىدۇ. ئاخىرىدا ئىنكاس يېزىش رامكىسىغا ئويلىغانلىرىڭىزنى يېزىڭ-دە، «يوللاش» دېگەن كۇنۇپكىنى بىر قېتىم باسسىڭىزلا ئىش پۈتىدۇ.