تارىم بلوگى

ئەسسالامۇ ئەلەيكۇم ھۆرمەتلىك ئۇستازلار، بايرىمىڭلارغا مۇبارەك بولسۇن. ئۇلۇغ ئاللا تېنىڭلارغا سالامەتلىك، تۇرمۇشۇڭلارغا خاتىرجەملىك، ئائىلەڭلارغا بەخت ئاتا قىلسۇن.

ئۇستاز ئابدۇشۈكۈر مۇھەممەتئىمىن ھىكمەتلىرىدىن:

ئوقۇتقۇچى ـــ ھۆرمەتلىك نام. شۇڭىمۇ بۇ نام توغرىسىدا مەدھىيە يازمىغان، ھېكمەت پۈتمىگەن مۇتەپەككۇرلار بولمىسا كېرەك. چۈنكى ئوقۇتقۇچى ئىنسان قەلبىگە تۇنجى مەرىپەت نۇرىنى ئېلىپ كىرگۈچى مەشئەل! ئۇ ئىنسانىيەت مەدەنىيەت تارىخىنىڭ ئاسمىننى يورۇتقۇچى قۇياش! مىللەتنىڭ باغۋىنى، دۆلەتنىڭ مۇرەببى. «ئىنسانىيەت روھىنىڭ ئىنجىنېرى»!

ئوقۇتقۇچى ـــ ياش ئەۋلادلارنىڭ ئىلىم- پەن دۇنياسىدىكى تۇنجى ھامىيسى! ئۇ، بىلىم خەزىنىسىنىڭ ئالتۇن ئىشكىنى ئاچقۇچى، ئەقىل دۇردانىلىرىنى چاچقۇچى. ھېكمەت قامۇسىنىڭ مەنىلىرىنى يەشكۈچى، تارىخ بىلەن ماكان، تىلسىم بىلەن زامان ئارىسىدا پەرۋاز قىلىپ، مۇتەپەككۇرلار بىلەن سۆھبەتلەشكۈچى، ھەقىقەت مەرۋايىتلىرىنى تەشكۈچى زەكى ئۇستاز ـــ پىداكار جەڭچى، مېھرىبان، ساپ قەلب ئىگىسى.