ئەكەلدىم بازاردىن بىر ھارۋا ئوتۇن ،
قار-مۇزلار ئىلكىدە قالغاندا جاھان .
سوغۇقتا بىرىدۇ قۇياش تەپتىنى ،
مەش ئوتى –ئالتۇن رەڭ چېچەكلەيدىغان .
ئوتۇننى رەتلىدىم ۋە بايقىدىمكى ،
ھەممىسى قۇرۇق شاخ ئەمەسكەن بىراق .
شاخلارنىڭ ئىچىدە بار ئىدى بىر تۇپ –
ياش ۋە ھول ،يىڭىلا كېسىلگەن توغراق ،
ئۇ مىنىڭ ئالدىمدا ياتاتتى جانسىز ،
ئولۇم ئازابىدىن ئاچچىق تولغۇنۇپ .
ئانارنىڭ سۇيىدەك قانلىق كۆز يىشى ،
كېسىلگەن جايىدا قاپتۇ مۇز بولۇپ .
مەن غالىپ ۋاقىتقا باغلىدىم ئىشەنىچ ،
ۋاقىت ھەل قىلىدۇ كوپ مۇشكۇلاتنى .
ئۇ ياشنى قىرىتىپ ،ھولنى قۇرۇتۇپ ،
كۆيگۇدەك قىلىدۇ سانسىز ھاياتنى .
ھول توغراق ھويلامدا ياتتى قىش بويى ،
قەھرىتان سوغۇقلار مۇزلاتتى ئۇنى .
قىش ئۆتتى ۋە ئۇنى قويدى زەربىدە ،
باھارنىڭ بورانلىق جۇدۇن –چاپقۇنى .
ياز كىلىپ باشلاندى ئىسسىق كۇنلەرمۇ ،
بۇ توغراق ئاپتاپتا ياتتى ھالسىراپ .
ئويلۇدۇم ،ھۆللىكى يوقالدى بەلكى ،
ئاپتاپ ۋە شامالدا قۇرۇپ –قاغجىراپ .
لىكىن كىم ئويلاپتۇ ؟مەن ھەيران قالدىم ،
توغراقنىڭ ئاداققى ،مەغرۇر ئىشىدىن .
تومۇزدا نوتىلار چىقتى بىخ سۇرۇپ ،
ئۇنىڭ غول ۋە كېسىك بېغىشلىرىدىن .
دۇنياغا كوز ئاچقان بۇ يىڭى بىخلار ،
كېسىلگەن توغراقتىن تاپقان ئىدى جان .
نۇرلىنىپ تۇراتتى ئۇلار ياپ –يىشىل ،
باھاردا ئويغانغان مايسىدەك يۇمران .
ۋە ھەممە ھاياتلىق بوغۇنلىرىدەك ،
كوزگە تاشلىناتتى بۇدرۇق ھەم ئوماق .
سەبى بىر نەزىردە بىقىپ جاھانغا ،
كۇلەتتى بۆشۇكتە كۇلگەندەك بوۋاق .
تۇغۇلغان بۇ بىخلار ئاپتاپ قوينىدا ،
تەلپۇنۇپ تۇراتتى ئەركە ھەم ئويناق .
قەيسەر بىر ھاياتنىڭ ئولمەس كۇچىنى ،
نامايەن قىلاتتى كىسىلگەن توغراق .
بىلدىمكى ،جاڭگالنىڭ بۇ نەۋقىرانى ،
تېخى تىز پۇكمىگەن ئولۇم ئالدىدا .
ئۆلمىگەن ،ئۆتسىمۇ شۇنچە ۋاقىتلار ،
ئانا يىلتىزىدىن بولسىمۇ جۇدا .
ئويغاتتى پىكرىمنى قايناق كۇچ بىلەن ،
كىسىلگەن توغراقتا ياشنىغان نىھال .
توغراقنىڭ تەقدىرى توغىرلىق مەندە ،
قوزغالدى ئىلھاملىق ،ئەركىن بىر خىيال .
ئويلۇدۇم: مىتالنىڭ قاتتىقى پولات ،
تاۋلىنىپ چىقىدۇ يالقۇنلۇق ئوتتا .
قارغاينىڭ قامىتى ۋە يىشىللىقى ،
دۇنياغا كىلىدۇ قاتتىق سوغۇقتا .
شۇ كەبى توغراقنىڭ تەبىئىيتىنى ،
تاۋلىغان جاڭگالنىڭ جەۋرۇ –جاپاسى .
بوستانلار ماكانى ئەمەس ئۇنىڭكى ،
ۋەتىنى بىپايان قۇملار دۇنياسى .
ئۇ ئانا تۇپراقتىن تىپىپ ھاياتلىق ،
كەڭ چۆللەر باغرىدا ئوسەر تۇغۇلۇپ .
بىر زامان دەريالار ئاققان ئىزلاردا ،
ياشايدۇ باراقسان بىر ئورمان بولۇپ .
ياز پەسلى ئالىدۇ ئۇنى قوينىغا ،
قۇياشنىڭ يالقۇنى، چۆل بورانلىرى .
قىش كۇنى سوقىدۇ ئۇرۇپ ئاياۋسىز ،
تىنىمسىز جەزىرە شىۋىرغانلىرى .
دەريالار قىلمايدۇ ئاڭا غەمخورلۇق ،
ۋە ھىچكىم چۆل ئارا سۇزارماس ئۇنى .
ئېسىگە يەتكەندە يوقلايدۇ پەقەت ،
ياز كەلكۇنلىرىنىڭ قىسقا تاشقىنى .
لېكىن ئۇ بەك ئۇزاق ئەسىرلەر بويى ،
ئۆسمەكتە چۆللەردە يامراپ ھەر ياققا ،
ئۇزلۇكسىز كۆپەيتىپ يېشىل نەسلىنى .
دەھشەتلىك زەربىلەر ،ياۋايى ئىقلىم ،
يوق قىلىپ كىتەلمەس دۇنيادىن ئۇنى .
ئۇ ھامان ئوسىدۇ ،بېسىپ كەلسىمۇ
ئېقىندەك ئۆركەشلىك قۇملار دولقۇنى.
كېسىلگەن ،تاشلاندۇق بىر ھالەتتىمۇ ،
ئۇ مانا مۇشۇنداق گۇللەيدۇ يەنە .
يېشىل بىخ سۇرۇدۇ خۇددى تىرىكتەك ،
ھاياتى كۇچىنى قىلىپ تەنتەنە .
ئۇنىڭ بۇ ئاجايىپ گۇللەشلىرىدە ،
يارىدار جەڭچىنىڭ كۇلۇشلىرى بار .
ئولىمى ئالدىدىن ئاخىرقى قىتىم ،
قىلىچقا تايىنىپ يۇرۇشلى بار .
ئۇ گويا ھاۋادا ئوق يىگەن لاچىن ،
بۇلۇتلار باغرىدا ياڭرىتار سادا .
ئۇ گويا زۇلمەتتە ئوچكەن بىر يۇلتۇز ،
نۇرلانغان ئاخىرقى مىنۇتلىرىدا .
مەن ئاڭا تىكىلدىم مۇھەببەت بىلەن ،
تۇغۇلدى قەلبىمدە مەغرۇر بىر قوشاق .
ئۆلمەس بىر خەلىقنىڭ تىمسالى بولۇپ ،
كۇرۇندى كۆزۇمگە كىسىلگەن توغراق .
1967-يىلى 7-ئاي (كورلا )
- خۇشخۇي: بۇ بۆلەكتىن بىلىشىمچە ياخشى چىققان رومانكەن. ھەزرەتئىلىنىڭ ت
- غازى: ئۆزلۈك پايانىغا سەپەر قىلدىم
- Adeline K. Sampson: رەھمەت ئاكا، «يىگىرمە پارچە مۇھەببەت لېرىكىسى ۋە بىر ئۈمىدسى
- خۇشخۇي: ئالدى بىلەن «چۈشتاق تور پۈتۈكلىرى»تورى ئۇسلۇبىنىڭ يېڭىلانغان
- تۈركزات: شائىر ئوسمانجان ساۋۇتنىڭ ئانا تىل ھەققىدىكى شېئىرىنى ئوقۇپ ي
- ئاتىلار، خەنجەر ئوسمانجان ساۋۇت، ئانا تىل ئىجادىيەت، خاسلىق ئىجادىيەت، يازغۇچى ئىجادىيەت، يازغۇچى، قەلەم ئىمىن تۇرسۇن، شېئىر ئۆز، رومكا، شامال ئۆزلۈك ئۈندىدار ئەدەبىيات، ئىستىل ئەدەبىيات، بىمەنە ئەدەبىيات، نادىر، ئالىيجاناب باغنا، يايلاق باھار، شېئىر بۇلاق، سۆيگۈ بېي داۋ، تۇيغۇ بەخت، فىلىم تار كوچا، پوۋېست تارىم تارىم، ئەدەبىيات تۇلپار، ئەسەر، پوۋېست تېڭىرقاش، ياشاش، ھېكمەت تەرجىمە، شېئىر تەنقىد، بايقاش تەنھالىق، ئالۋۇۇن جىبران، شەپە جەننەت، ئەما خازان، كىتاب دادام رومان، ۋاڭ ئەنيى رىيۇ ئەنكىم زاھىر ئابدۇراخمان سايە، تەنھالىق، يېتىم سوسۇر، ئانا تىل سوسۇر، ئەدەبىيات شائىر، ئاۋام، قەلب شۈ جىمو، شېئىر، تەبىئەت شېئىر، ئانا، ۋاقىت شېئىر، تەرجىمە شېئىر، شامال، ئۆلۈم شېئىر، ماكان شەھەر، غېرىبلىق غوجىمۇھەممەد غېرىپ، ساراڭ قار، يار قىسمەت، مۇھەببەت كاتلىن راينى، شېئىر كۆز، دادام كۆز، گۈل كۆكلەم، چىمەن مويەن، نوبېل مۇھەممەد خېۋىر مېھىر، ئىران نەسىر، تەرجىمە نەسىر، تەرجىمە، سىرلىق يالعۇز يايلاق، خاتىرە يۇرتۇم، بەشكېرەم پابلو نېرۇدا، شېئىر پەرھات تۇرسۇن چۈشتاق گوركى، ۋاقىت ۋىسال، ھىجران، پەسىل، ئەركەم