قەدىمكى ھىندىلار «0» نى ئۆز ئىچىگە ئالغان رەقەم بەلگىسىنى ، شۇنداقلا يەنە ساننىڭ ئورنىنى بەلگىلەشنىڭ ھازىر ئاساسەن ئومۇميۈزلۈك ئىشلىتىلىۋاتقان ئونلۇق سېستېما بويىچە ساناش ئۇسۇلىنى ئىجاد قىلغان . ئورۇن بەلگىلەش ، ساناشتا ، ئوخشاش بىر  رەقەم بەلگىسىنىڭ ئورنى ئوخشاش بولمىسا ئۇ بىلدۈرىدىغان سانلىق قىممەتمۇ ئوخشاش بولمايتتى. ئەگەر مەلۇم بىر ئورۇندا سان بولمىسا، بۇ ئورۇنغا « 0 » يېزىپ قويۇلاتتى. «0» نىڭ ئىشلىتىشى ئونلۇق سېستېما بويىچە ساناش ئۇسۇلىنى تېخىمۇ مۇكەممەللەشتۈردى ، ئۇنىڭ ئەھمىيتى زور ئىدى . ئون رەقەم بەلگىسى كىيىن ئەرەبلەر ئارقىلىق ياۋروپاغا تارقالغاچقا ، ياۋروپالىقلار ئۇنى خاتا ئالدا ئەرەب رەقىمى دەپ ئاتىدى . ساناشتا ئونلۇق سېستېما بويىچە ساناش ئۇسۇلى قوللىنىلغاچقا ، ئۇنىڭ ئۈستىگە ئەرەب رەقىمى ئاددىي بولغاچقا ، ئۇنى يېزىش ئوڭاي ئىدى ، رەقەممۇ ئېنىق كۆرۈنەتتى، بولۇپمۇ ئۇ يازمىچە ھېسابلاشقا بەكمۇ قولايلىق ئىدى . شۇڭا ، تارىخ تەرەققىياتىغا ئەگىشىپ ، ئەرەب رەقىمى تەدىرىجى ھالدا ھەر قايسى دۆلەتلەردە كەڭ ئىشلىتىلىپ ، دۇنيادىكى ھەر قايسى دۆلەتلەر ئومۇميۈزلۈك قوللىنىلىدىغان رەقەمگە ئايلاندى .