قازاقىستان تاراتقۇسىنىڭ خەۋەر قىلىشىچە، ياۋروپا گۈللىنىش تەرەققىيات بانكىسىنىڭ ئاسىيا ئىقتىسادشۇناسى ئاگرىس 2016-يىلى قازاقىستاننىڭ پۇل پاخاللىقى نىسبىتى %10 كە يېتىدۇ دەپ قارىغان.

       ئاگرىس ياۋروپا گۈللىنىش تەرەققىيات بانكىسىنىڭ 2015-2016-يىللىق ئۆتكۈنچى مەزگىلگە مۇناسىۋەتلىك دوكىلاتىنى تونۇشتۇرغان ۋاقىتتا:« بۇ يىل بىزنىڭ مۆلچەرلىگەن پۇل پاخاللىقى نىسبىتىمىز ئەڭ يۇقىرى بولغاندا %10 كە يېتىدۇ، ئەمما كېلەر يىلى قازاقىستان مەركىزى بانكىسىنىڭ پۇل پاخاللىقى نىسبىتىنىڭ %6-8 لىك دائىرىگە قايتىپ كېلىدىغانلىقىغا ئىشىنىمەن، ئۇنىڭ ئۈستىگە ئۇزۇن مۇددەتتىن قارىغاندا، پۇل پاخاللىقى نىسبىتى تېخىمۇ تۆۋەنلەيدۇ.» دېگەن.

     ئاگرىس «2015-يىلى قازاقىستاننىڭ ئىقتىسادى ئېشىشى %1.2 بولىدۇ. بۇمۇ بىزنىڭ مۆلچەرىمىز دائىرىسىدە. 2014-يىلى قازاقىستاننىڭ ئىقتىسادى ئېشىش نىسبىتى %4.3 بولدى. بىز 2016-يىلى خام نېفىت ئوتتۇرچە باھاسى ھەر باكى 30-40 دوللار بولغان ئەھۋالدا، قازاقىستاننىڭ ئىقتىسادى ئېشىش سۈرئىتى %1.5 بولىدۇ دەپ مۆلچەرلىدۇق.» دېدى.

     ئاگرىس ئەڭ ئاخىرىدا:« ئىقتىسادنىڭ ئومۇميۈزلۈك ئېشىشى ئاساسلىق ئەمەس، ماشىنا ياساش ساھەسىدەك ئىنتايىن كۆپلىگەن ساھە بار، ئالدىنقى يىلى ئالدىنقى يېرىم يىلدا زىيانغا ئۇچرىدى، شۇ سەۋەبتىن %1.5 ئېشىش نىسبىتى كونكىرت ساھە ۋە كونكىرت ئادەم توپىنى قىيىنچىلىققا دۇچار قىلىدۇ.» دېدى.