ئامېرىكا تاراتقۇلىرىنىڭ خەۋىرىگە ئاساسلانغاندا، ئامېرىكا لوس ئانجىلىستا شۇيەر ۋاقتى 13-دېكابىر بىر قاۋاقخانىدا كىشىلەر ئۇرۇشۇپ كەتكەن بولۇپ، ئارقىدىنلا بۇ «مۇشلىشىش» قوراللىق ئېتىشىشقا ئايلانغان، 4 كىشىگە ئوق تېگىپ، بىرەيلەن قۇتقۇزۇش ئۈنۈم بەرمەي ئۆلۈپ كەتكەن.

      ئېگىلىنىشىچە، شۇيەر ۋاقتى سەھەر سائەت 2 دىن 40 لار ئۆتكەندە، ساقچىلار بىر توپ كىشىلەرنىڭ ئۇرۇشۇپ كەتكەنلىكى توغرىسىدا خەۋەر تاپشۇرىۋالغان بولۇپ، ئارقىدىنلا شۇجايدا قوراللىق ئېتىشىش ۋەقەسى يۈزبەرگەنلىكى توغرىسىدا دېلو تاپشۇرىۋالغان.

      ساقچىلار نەق مەيداندىن ئىككى زىيانكەشلىككە ئۇچرىغۇچىنى ئۇچراتقان بولۇپ، قاۋاقخانىغا يېقىن جايدىن يەنە بىر كىشىنى تاپقان. يەنە بىر زىيانكەشلىككە ئۇچرىغۇچىنىڭ تېپىلغان ئورنىنى ئېلان قىلمىغان بولۇپ، بۇ تۆت كىشىگە ئوق تەگكەن ھەمدە بىرەيلەن دوىتۇرخانىغا بارغاندا قۇتقۇزۇش ئۈنۈم بەرمەي ھاياتىدىن ئايرىلغان، باشقا ئۈچ كىشىنىڭ يارىسى ئېغىر ئەمەس ئىكەن.

      بۇ قېتىملىق ۋەقەنىڭ ئاساسلىق سەۋەبى تېخى ئېنىقلانمىغان، لېكىن ساقچىلار بۇ ۋەقەنىڭ قاۋاقخانىدا ئۆتكۈزۈلگەن تۇغۇلغان كۈنى ئولتۇرىشىغا كەلگەن كىشىلەرنىڭ سوقۇشۇپ قىلىشى بىلەن سادىر بولغانلىقىنى جەزملەشتۈرگەن.

      ساقچىلار ھازىرغىچە جىنايەتچىلەرنى قولغا چۈشۈرمىگەن بولۇپ، ئۇلارنىڭ سالاھىيىتىنى ئېلان قىلمىغان، زىيانكەشلىككە ئۇچرىغانلارنىڭ سالاھىيىتىمۇ ئاشكارىلانمىغان.