ئۆي ئىشىنى قىلىش، تاماق ئېتىش، چوڭلارنىڭ، بالىلارنىڭ ھالىدىن خەۋەر ئېلىش ئاياللارغا بېسىم ئېلىپ كېلىدۇ، ئۇلارنىڭ زىممىسىدىكى يۈك ئېغىرلاشقانسېرى باشقىلاردىن دائىم قاقشايدىغان بولۇپ قالىدۇ. لېكىن كۆپ قاقشايدىغان ئاياللار تۆۋەندىكىدەك كېسەللىكلەرگە گىرىپتار بولۇپ قېلىشى مۇمكىن:
كۆپ خالتىلىق تۇخۇمدان ئۇنىۋېرسال كېسەللىكى تۇغۇت يېشىدىكى ئاياللاردا كۆپرەك ئۇچرايدۇ. بۇنىڭدا كۆپىنچە ھەيز ئاز كېلىش، ھەيز توختاپ قېلىش، تۇغماسلىق، يۈزى سارغىيىپ قېلىش، سەمرىپ كېتىش قاتارلىق ئالامەتلەر كۆرۈلىدۇ. قالقانبەز جىددىي خاراكتېرلىك كېسەللىكىمۇ ئاياللاردىكى ئىچكى ئاجرالما كېسەللىكى، بۇنىڭدىن سىرت بۆرەك ئۈستى بېزى كېسەللىكىمۇ ئاتىلىق ھورمۇن ئاجرىلىپ چىقىشنى كۆپەيتىپ، ئاياللاردا ئەرلەردە بولۇشقا تېگىشلىك خۇسۇسىيەتلەر پەيدا بولۇپ قالىدۇ. شۇنىڭ ئۈچۈن ئاياللار تۇرمۇشتىن بەك زارلىنىپ كەتمەسلىكى، كۆپرەك كۈتۈنۈپ ئۆزىنى ئاسراشنى ئالدىنقى ئورۇنغا قويۇپ، يېمەكلىك، ساغلاملىققا كۆپرەك ئېتىبار بېرىشى كېرەك.