ئىز تورى-爱智网

　　  جۇڭگو ئۇيغۇرچە رادىيو تورى 26-نويابىر بېيجىڭ خەۋىرى: ياپونىيە تاشقى ئىشلار ۋازارىتىنىڭ ئاخبارات باياناتچىسى يۇيوكويى تۈنۈگۈن مۇنداق دېدى: ياپونىيە ھۆكۈمىتى ياپونىيەنىڭ كورىيەدە تۇرۇشلۇق باش ئەلچىخانىسى ئارقىلىق كورىيەنىڭ تاكاشىما ئارىلىغا دولقۇن توسۇش دامبىسى ياساش پىلانىغا ئېتىراز بىلدۈردى ھەمدە كورىيەدىن بۇ پىلانىنى دەرھال توختىتىشنى تەلەپ قىلدى. ياپونىيە ئېقىم مەسەللىرى ئاگېنتلىقىنىڭ خەۋىرىگە قارىغاندا، يۇيوكويى شۇ كۈنى مۇخبىرلار يىغىنىدا مۇنداق دېگەن: ياپونىيەنىڭ تاكاشىما ئارىلىغا ئىگىلىك ھوقۇقى بارلىقىدەك مەيداننى كۆزدە تۇتۇپ، ياپونىيە بۇ پىلاننى پۈتۈنلەي قوبۇل قىلمايدۇ. ئۇنىڭ ئاشكارىلىشىچە، كورىيە تەرەپ: كورىيە ھۆكۈمىتى ھازىرقى باسقۇچتا بۇ پىلان ھەققىدە ھىچقانداق قارار چىقارمىدى، دېگەن. كورىيە تاراتقۇلىرىنىڭ خەۋىرىگە قارىغاندا، كورىيە زېمىن دېڭىز-ئوكيان مىنىستىرلىقى تاكاشىما ئارىلىغا دولقۇن توسۇش دامبىسى ياساش ئىقتىدارىغا ئىگە پرېستان ۋە ساياھەت قىلىش ئەسلىھەلىرى ياساش پىلانىنى تېزلەتمەكتىكەن.   تەرجىمان: ئامانگۈل ھەبىبۇللا