شىنخۇا تورى لاگوس 15–سېنتەبىر تېلېگراممىسى : بۇ ھەپتە كىرگەندىن بۇيان ، نىگېرىيەنىڭ غەربىي قىسىم رايونلىرى كەلكۈننىڭ ھۇجۇمىغا ئۇچرىغان بولۇپ ، ئاز دېگەندىمۇ 48 ئادەم قازا قىلىپ ، نۇرغۇن ئادەم يوقاپ كەتكەن .
نىگېرىيە ئاگېنتلىقىنىڭ 15–سېنتەبىردىكى خەۋىرىگە قارىغاندا ، كەلكۈن 23 كەنتنى بېسىپ ، نەچچە مىڭلىغان ئۆي ۋە زور كۆلەمدىكى تېرىلغۇ ئېتىزلارنى ۋەيران قىلىۋەتكەن . نۆۋەتتە ، تەخمىنەن 35 مىڭ ئادەم ئۆي–ماكانىسىز قالغان .
كەلكۈن ئاپىتى بىر قەدەر ئېغىر بولغان گىرونىئو رايونلۇق ھۆكۈمەتنىڭ بىر ئەمەلدارى قازا قىلغانلارنىڭ سانىنىڭ يەنە ئىستاتىستىكا قىلىنىۋاتقانلىقىنى ، ھەمدە بۇ ساننىڭ داۋاملىق ئاشىدىغانلىقىنى ، ئوبلاستلىق ھۆكۈمەت ۋە فېدېراتسىيە ھۆكۈمىتىنىڭ قۇتقۇزۇش ئەترىتى تەشكىللەپ كىشىلەرگە قۇتقۇزۇش ئەسلىھەلىرى تارقىتىپ بېرىپ ، بارار جايى يوقلارنى ئورۇنلاشتۇرۇۋاتقانلىقىنى ئېيتقان .
