شىنخۇا ئاگېنتلىقىنىڭ تېلېگراممىسىغا قارىغاندا ، چىلىدىكى سان خوسې مىس كېنى ئاستىغا قاپسىلىپ قالغان ئىشچىلارنىڭ كان ئاستىدا تۇرۇۋاتقىنىغا بىر ئايدىن كۆپرەك ۋاقىت بولدى . ئەنگىلىيە رادىيو شىركىتىنىڭ 14–سېنتەبىردىكى خەۋىرىگە قارىغاندا ، كان ئىشچىسى دېكىنانىڭ ئايالى ساگىۋىيا تۇغۇت ئوپېراتسىيەسىدىن كېيىن بىر قىز بوۋاق تۇغقان . دېكىنا بۇ خەۋەرنى ئاڭلىغاندىن كېيىن ناھايىتى خۇشال بولغان . ئىگىلىنىشىچە ، ئۇلارنىڭ ئىككى ئوغلى بار ئىكەن .
دىكىنانىڭ دادىسى ئەنگىلىيە رادىيو شىركىتىنىڭ مۇخبىرىغا ، كىچىك نەۋرەمنىڭ ئېغىرلىقى ئۈچ كىلوگېرام ئەتراپىدا بولۇپ ھەممە ئىشلار ناھايىتى نورمال ، بىز ھازىر ئوغلۇمنىڭ تېزراق يەر يۈزىگە قايتىپ چىقىشىنى ئۈمىد قىلىۋاتىمىز ، دېگەن .
سان خوسېدا 5 ــ ئاۋغۇست كان گۈمۈرۈلۈپ چۈشۈش ۋەقەسى يۈز بەرگەن بولۇپ ، قۇتقۇزغۇچى خادىملار 22 ــ ئاۋغۇست 33 نەپەر قاپسىلىپ قالغان كان ئىشچىسىنىڭ ئورنىنى بېكىتىپ ، قۇتقۇزۇش خىزمىتىنى ئېلىپ بارغان . فىرانسىيە ئاگېنتلىقىنىڭ بۇ ئاينىڭ بېشىدىكى خەۋىرىگە قارىغاندا ، ئەڭ ئوبېيكتىپ پىلانغا ئاساسلانغاندا ، دېكىنا مۇددەتتىن بىر ئاي بۇرۇن ئائىلىدىكىلىرى بىلەن جەم بولالايدىكەن .
