ئەمگەك كۈچى ئەۋەتىش بىلەن ئەمگەك كۈچى ۋاسىتىچىلىكىنىڭ قانداق پەرقى بار؟
ۋاقتى: 2016-07-28
ئاۋاتلىقى: 520 قېتىم
يانفوندا كۆرۈش
ئەمگەك كۈچى ئەۋەتىش بىلەن ئەمگەك كۈچى ۋاسىتىچىلىكىنىڭ قانداق پەرقى بار؟
جاۋاب: ئەمگەك كۈچى ئەۋەتىش ئەمگەك كۈچى ۋاسىتىچىلىقىغا ئوخشىمايدۇ، ئۇلارنىڭ تۈپ پەرقى ئەمگەك كۈچى ئەۋەتىش ئورگىنى چوقۇم ئەمگەك كۈچى شەكلىدە ئەۋەتىلىدىغان خادىملار بىلەن ئەمگەك توختامى تۈزۈپ، ئەمگەك مۇناسىۋىتى ئورنىتىشى كېرەك. ئەمگەك كۈچى ئەۋەتىش ئورگىنى بىلەن ئەمگەكچى خادىملار كارخانا بىلەن خىزمەتچىنىڭ مۇناسىۋىتىدە بولىدۇ، ئۇلارنىڭ ئۆزئارا مۇناسىۋىتىنى تەڭشەشتە «ئەمگەك قانۇنى» تەدبىقلىنىدۇ.
ئەمگەك كۈچى ۋاسىتىچى ئورگىنى كارخانا ۋە ئەمگەكچىلەرنى ئەمگەك ئۇچۇر مۇلازىمىتى بىلەن تەمىنلەپ مۇئەييەن ئەمگەك ۋاسىتىچىلىك ھەققى ئالىدۇ. ئەمگەكچى ئەمگەك ۋاسىتىچى ئورگىنى بىلەن ئەمگەك توختامى تۈزمەيدۇ، شۇڭا ئەمگەك مۇناسىۋىتىمۇ مەۋجۇت بولمايدۇ، ئۇلارنىڭ ئۆزئارا مۇناسىۋىتى «ئەمگەك قانۇنى» ۋە مۇناسىۋەتلىك قانۇنلارنىڭ قوغدىشىغا ئۇچرىمايدۇ.