قايسى خىلدىكى كىشىلەر ئىگىلىك تىكلەشكە ماس كەلمەيدۇ ؟
ئەلۋەتتە ھەممە كىشى ئىگىلىك تىكلەشتكى پەزىلەتلەرنى ھازىرلىغان بۇلىشى ناتايىن .ئۇنداقتا ، قايسى خىلدىكى كىشىلەر ئىگىلىك تىكلەشكە ماس كەلمەيدۇ؟ ئامرىكىدىكى بەزى ئىگىلىك تىكلەشكە مەبلەغ سېلىشنى تەتقىق قىلىدىغان ئالىملار تۆۋەندىكى كىشىلەرنى شىركەت قۇرۇشقا مۇۋاپىق ئەمەس ، دەپ قارايدۇ :
‹1› كەسپى ئېڭى كەمچىل كىشىلەر .كەسپى ئاڭ كىشىلەرنىڭ ئىشلەۋاتقان كەسپىگە نىسبەتەن ئېتىراپ قىلىش تۇيغۇسىدىن ئىبارەت ، ئۇ كىشىلەرنىڭ ھاياتى كۈچى ۋە ئىجاد قىلىش كۈچىنى ئەڭ زور دەرىجىدە قوزغايدۇ ، شۇنداقلا كەسىپكە ئىشتىياق باغلاشنىڭ ئالدىنقى شەرتى .
‹2› ئەۋزەللىك تۇيغۇسى ئارتۇقچە كۈچلۈك كىشىلەر . ئۇلار ئۆزىگە تەمەننا قۇيۇپ ، ئۆزى بىلگەن سەنەمگە دەسسەپ ، كوللىكتىپ بېلەن سىغىشالمايدۇ.
‹3› قارغۇلارچە ئىتائەت قىلىدىغان ، پەقەت ‹ ماقۇل ›نىلا بىلىدىغان كىشىلەر. بۇ خىلدىكى كىشىلەردە مۇستەقىللىق ، تەشەببۇسكارلىق ، ۋە ئىجادچانلىق كەمچىل بۇلىدۇ .
‹4› ھۇرۇن كىشىلەر . بۇنداق كىشىلەر ‹مائاش ئوغرىسى› دەپ ئاتىلىدۇ .
‹5› بىر تەرەپلىمە ۋە ھاكاۋۇر كىشىلار . بۇنداق كىشىلەر ھامىنى ئۆزىنى كۈچلۈك سانايدۇ ، باشقىلارنىڭ ئارتۇقچىلىقى ، كەمچىللىكلىرىنى كۆرەلمەيدۇ .
‹6› قاتمال كىشىلەر . بىرەر ئىشتا جانلىقلىق كەمچىل . جانلىق تەدبىقلاشنى بىلمەيدۇ . ئۆزگەرمەس قانۇن قىلىشقا ئادەتلەنگەن .
‹7› ھېسياتقا تايىنىپ ئىش قىلىدىغان كىشىلەر . ھەر قانداق بىر ئىشنى قىلغاندا ھېسياتقا تايىنىپ قىلىدۇ، ئەقىل پاراسەت بېلەن ئۆزىنى ۋە ھەركىتىنى كونتۇرۇل قىلالمايدۇ .
‹8› ‹‹مەمەدان ھەممە گەپكە لوقما سالىدىغان ›› ۋە تەرسا جاھىل كىشىلەر .
‹9› قورقۇنچاق ئۆزىنىڭ مۇستەقىل پىكرى يوق ، دەرەخ ئۈستىدىن يۇپۇرماق چۈشسە بېشىنى يېرىپ قۇيىشىدىن ئەنسىرەيدىغان كىشىلەر .
‹10› ئۆز پايدا زىينىنىڭلا غېمىدە يۈرۈيدىغان ھەم ئۆز ئۆزىدىن ئاسان قانائەتلىنىدىغان كىشىلەر .

دۇنيادىكى ھەممە شەيئى ئۆزگىرىپ تۇرىدۇ ، ئۆزگەرمەيدىغان نەرسە يوق . ئالىملار : مىجەز خارەكتىرنى ئۆزگەرتكىلى بۇلىدۇ ، ھەرقانداق بىر ئادەم ئەمەلىيەت داۋامىدا مىجەز خارەكتىر جەھەتتىكى ئىللەتلەر ئۈستىدىن غالىپ كىلىپ ، ئۆزىنى ئۆزلۈكسىز بېيىتىپ ، تاكامموللاشتۇرۇشقا تامامان بۇلىدۇ ، دەپ قارايدۇ . بىر ئادەم ئىگىلىك تىكلەش يۇلىغا ماڭغان ئىكەن ، مىجەز خارەكتىر جەھەتتە يۇقىرقىدەك ناچار ئىللەتلەر بولسىمۇ ، لىكىن ئىختىساسلىقلارنى ئەتىۋارلاپ ئىشلىتىشنى ئۆگىنىۋالسىلا ، ئۇلارنىڭ ئەقىل-پارەسىتى بېلەن ئۆزىدىكى يېتەرسىزلىكلەرنى تۇلۇقلاپ كېتەلەيدۇ ، شۇ ئاارقىلىق مەغلۇبىيەتتىن ساقلىنىدۇ .
پايدىلىنىڭ ، لىكىن ، روخسەتسىز باشقا يەرگە كۈچۈرۇپ ئېلان قىلماڭ .

ھەممىڭلارغا ئۇتۇق تىلايمەن. ئاراڭلاردىن تېزرەك كارخانىچىدىن يەنە بىرسى چىقىشىنى تىلەيمەن. خۇدايىم بىزنى كارخانىچىسى جىق مىللەتلەردىن قىلغاي.بىزمۇ ھەم شۇنىڭغا تىرىشقايمىز!

تېخمۇ كۆپ ئىقتىسادى بىلىملەر ، پۇل تېپىش تۇرلىرى ۋە يوللىرى باي دادام تور خاتىرىسىدە بار.

مەنبە : باي دادام تور خاتىرىسى