دادا بۇلغاندىن بۇيانقى ئازكەم 4 ئاي ۋاقىت بوۋىقىمنى توختىماي ئۆزگىرىپ تۇرىۋاتقان قىلىقلىرىغا ، يىغىسىغا ۋە كۈلكىسىگە قاراپ ئۈتۈپ كىتىپ قاپتۇ . بۇ جەرياندا نۇرغۇن يېڭى ئىشلارنى ئۆگەندىم ، نۇرغۇن ئىشلارغا كۆندۈم ، يەنە نۇرغۇن ئىشلاردا گاڭگىراپ قايمۇقۇپ تۇرۇپمۇ قالدىم ، قىسقىسى ئاتا بۇلۇپ پىشىپ يىتىلىۋاتاتتىم .
بوۋىقىمنىڭ ساق سالامەت چوڭ بۇلىشى ئۈچۈن نۇرغۇن دۇئالارنى قىلدىم ، ھەمدە ئۆزۈم قىلىشقا تىگىشلىك سەۋەپلەر ئۈستىدە توختىماستىن ئىزدەندىم ، ئويلاندىم ، نۇرغۇن سۇئاللار كاللامدا توختاۋسىز پەيدا بۇلۇپ تۇردى ، بۇنىڭ بەزىللىرىگە جاۋاپ تاپقانمۇ بولدۇم ، يەنە جاۋاپسىز مۇ قالدى ، لىكىن ئويلىنىش ۋە ئىزدىنىشنى تورختاتمىغايمەن .
يېقىندا بىرنەچچە باشقا مىللەتتىن بولغان خىزمەتتاشلىرىم بېلەن مۇشۇ بوۋاقلارنى كۈتۈش توغرىسىدا سوزلىشىپ كىلىپ مۇشۇ بوۋاقلارغا يىمەكلىك بىرىش جەھەتتە ئازىراق تالاش تارتىش كىلىپ چىقتى ، يەنى : بىزنىڭ ئۇيغۇرلارنىڭ بوۋاقلارغا تاماق قاتارلىق يىمەكلىكلەرنى بەرگەندە چايناپ بىرىشىمىزنىڭ بالىنىڭ سالامەتلىكىگە زىيانلىق ياكى ئەمەسلىكى توغرىسىدا تالىشىپ قالدۇق . شۇ قېتىمقى تالاش تارتىشتىن كىيىن مەن ئىزچىل مۇشۇ توغرىسىدا ئويلىنىپ قېلىۋاتىمەن .
بىزنىڭ بوۋاقلارنى مۇشۇنداق چايناپ تاماقلاندۇرىشىمىز توغرىمۇ خاتا؟
ئەلۋەتتە مەنمۇ ھەم كىچىكىمدە ئاتا ئانامنىڭ ئاشۇنداق چايناپ بىرىشىدە قۇۋەت تېپىپ چوڭ بولغان ، ھەممىز شۇنداق . لىكىن مىنى ئويلاندۇرۇپ قويغىنى ئۇلار كۆرسەتكەن سەۋەپلەر .
ئەمەلىيەتتە ، ئۇلارنىڭ كۆرسەتكەن سەۋەپلىرىمۇ خاتا ئەمەس ئىدى ، ئۇلار دەيدۇ : بوۋاق بالىنىڭ ئىمۇنىت كۈچى ئىنتايىن ئاجىز بولغان بۇلىدۇ ، ھەرگىزمۇ بىز چوڭلارنىڭكىدەك كۈچلۈك كېسەلگە قارشى تۇرۇش كۈچى بولمايدۇ ، مۇشۇنداق ئەھۋالدا چوڭلار ئېغىزى ئارقىلىق يىمەكلىكنى چايناپ بەرگەندە ئېغىزدىكى كېسەللىك مىكروپلىرى بالىغا كۈچىدۇ دە، بالا يۇقۇملىنىدۇ . ھەرقانداق ئەھۋالدا چوڭ ئادەملەرنىڭ ئاغزىدا نۇرغۇنلىغان كېسەللىك مىكروپلىرى بولغان بۇلىدۇ ، چوڭلار ئاللا قاچان بۇ مىكروپلارغا قارشى تۇرۇش ئىقتىدارىنى ھازىرلاپ بولغان ، لىكىن بوۋاق بالىدا بۇ خىل ئىقتىدار تېخى ھازىرلانمىغان ، شۇنىڭ ئۈچۈن بوۋاق بالا ئىنتايىن تېزلا كېسەللىك مىكروبى بېلەن يۇقۇملىنىپ كېسەل بۇلۇپ قالىدۇ .

بۇ سۇئال توغرىسىدا مەن جىق ئىزدىنىپ بۇلاماي قالدىم ، شۇنداقتىمۇ دوسلار بېلەن مۇشۇ سۇرۇندا بىر مۇنازىرە قىلىپ توغرا تاپتىم ، قېنى بىر پىكىرلىشىپ باقايلى زادى قايسىسى توغرا ؟

بوۋاقلارغا يىمەكلىكنى چايناپ بىرىش توغرىمۇ خاتا ؟