9 ئاي تەقەززالىق بېلەن كۈتكەن ئەزىز مىھمىنىم ئاخىرى يىتىپ كەلدى .
ئۇنى كۈتىۋېلىشنىڭ ئالدى ۋە كەينىدىكى ئىشلار بېلەن تور خاتىرىمىزنى يېڭىلىيالماي قالدىم .
بۇ خوش خەۋەرنى باھانە قىلىش بېلەن تور خاتىرىمىزنىڭ ئەزىز ئىشتىراكچىللىرى ئالدىدا ئۆزرىلىكمەن .
بىر يىل توپتوغرا بىريىل غايىبانە ئۇچۇرلۇق ھەم ئۇچۇرسىز ھالدا ئارزۇ قىلىپ كۈتۈپ كەلگەن ئىدىم ، 9 ئاي بۇرۇن ئۇنىڭدىن كىلىش ئۇچۇرلىرى كەلدى شۇندىن بۇيان تەقەززارلىق ئىچىدە ئۇنىڭ ساق سالامەت كىلىشى ئۈچۈن دۇئالار قىلدىم ۋە كۈتتۈم .
توپتوغرا 9 ئاي 9 كۈن بولغاندا مەن كۈتكەن ئەزىز مىھمان ، ھاياتىمدىكى دىلىمنى مىۋىسى بولغان پەرزەنتىم دۇنياغا كۆز ئاچتى ، ھاياتىمدىكى بايلىقىم بولغان پەرزەنتىم تۇغۇلدى . مان ئاخىرى دادا بولدۇم ، مەن ئاتا بولدۇم . ………….
ئۇنى تۇنجى قېتىم قۇلۇمغا ئالغاندا « ئەسسالامۇ ئەلەيكۇم قىزىم خۇش كەپسىز ، سىزنى ئېلىپ كەلگەن خوش خەۋىرىڭىزگە رەھمەت ! ئاللاھدىن سىزگە ئىمان ، ئىنساپ ، ساقلىق ۋە ئۆمۈر تىلەيمەن . » دەپ پىشانىسىگە سۆيدۈم ۋە دۇئالەر قىلدىم .
ياتاققا ئېلىپ كەلگەندىن كىيىن دادامنىڭ يېتەكلىشىدە ئوڭ قۇلىقىغا ئەزان ، سول قۇلىقىغا تەگبىر ئېيتىپ دۇئالار قىلدۇق . شۇنداق قىلىپ ئىككى كۈندىن بۇيان تولغاق يەۋاتقان ئاپىسى ۋە باشقا ھەممەيلەننىڭ چىرايى خوشاللىققا چۆمدى .
بۇ 9 ئاي جەريانىدا نۇرغۇن ئىشلار بۇلۇپ ئۆتتى ، بىر ئانا بولغۇچىنى بىر بالىنى قانداق جاپادا تۇغىدىغانلىقىنى ئۆز كۈزۈم بېلەن كۈرۈپ يەتتىم ، « جەننەت ئانىلارنىڭ ئايىقى ئاستىدا » ئىكەنلىكىنى تېخىمۇ تۇنۇپ يەتتىم .
خۇدانىڭ « ئاناڭنى رازى قىل ، ئاناڭنى رازى قىل ، ئاناڭنى رازى قىل » دەپ ئۈچ قېتىم تەكرارلىغانننىڭ مەنىسىنى ھېس قىلغاندەك بولدۇم .
سىزىك باشلانغان مەزگىللەردە تولا ياندۇرۇپ تارتقان قىيىنچىلىقلار ، كىچىلەردە ئۇخلىيالماي تۈننى تاڭغا ئۇلاشلار ، ھەركەتلەرنىڭ قىيىنلىشىشى ، پات پات كىلىپ تۇرىدىغان كالتە تولغاقلار ، كەينى كەينىدىن 9 ئاي داۋاملاشتى .
ھەرقېتىم بالا قورساقتا مىدىرلىغاندا ئاپىسى مىنى چاقىرىدۇ ، مەن بالامنىڭ قورساقتا تۇرۇپ مىدىرلىغىنىنى ، يۇرەك سۇقۇشلىرىنى ، تىپچەكلەشلىرىنى ئاڭلايمەن . بۇچاغلاردىكى سىزىم شۇ قەدەر تاتلىق . شۇنداق تاتلىق . بۇ لارنى تۇنجى دادا بولغۇچىلا ھېس قىلىپ يېتەلەيدۇ .
مەن پەرزەنت سەۋەپلىك ھەققە سېغىنىپ قىلغان دۇئالىرىمدا قەلبىم تۇنجى قېتىم ئىرىدى . ئۆزۈمنى ۋە ھەقنى تۇنۇش ئۈچۈن تېخىمۇ يېقىنلاشقانلىقىمنى ھېس قىلىپ يەتتىم . تاشتەك ئىرىگەن قەلبىم خۇدانىڭ بۇ ئۇلۇغ ئىرادىسى ئالدىدا ئىرىگەندەك بولدى .
ئەمدىكى ئىشىم پەرزەنتىمگە ئىمان ، ئىنساپ ، ساقلىق ۋە ئۆمۈر تىلەش بېلەن ئۇنى ياراملىق قىلىپ تەربىيەلەپ چىقىش ئۈچۈن تىرىشىش .

ئاخىردا باھارلىق ئانىلارغا ۋە ئانا بولغۇچىلارغا چەكسىز ھورمىتىمنى ۋە رەھمىتىمنى بىلدۇرىمەن .
باھارلىق ئاتىلارغا ۋە ئاتا بولغۇچىلارغىمۇ ھۆرمىتىم ۋە تەبرىكىمنى بىلدۇرىمەن .

ھۆرمەتتە : م .ئى . خۇدۇيۇم
باي دادام تورخاتىرىسى