ئوقۇغۇچىلارنىڭ روھىي ساغلاملىقىنى قوغداشنى ئۇنتۇپ قالمايلى

    ياشلار، ئۆسمۈرلەر تەنتەربىيىسىنى كۈچەيتىش، ياشلار،ئۆسمۈرلەر ساغلاملىقىنى ياخشىلاش توغرىسىدىكى پىكىرنىڭ روھىنى ئىزچىللاشتۇرۇش ۋە ئەمەلىيلەشتۈرۈش ئۈچۈن، ئاپتونوم رايونلۇق سەھىيە نازارىتى، مائارىپ نازارىتى بىرلىشىپ ھۆججەت تارقىتىپ، بۇنىڭدىن كېيىن ئوتتۇرا، باشلانغۇچ مەكتەپتىكى ئوقۇغۇچىلار ئارىسىدا يىلدا بىر قېتىم سالامەتلىك تەكشۈرۈشنى يولغا قويۇش، بۇنىڭ ئىچىدە مەجبۇرىيەت مائارىپى باسقۇچىدىكى ئوقۇغۇچىلارنى ھەقسىز تەكشۈرۈشنى ئوتتۇرىغا قويدى.

   كىشىلەرنىڭ كۆڭلىگە ياقىدىغان ئەلرايى قۇرۇلۇشى توغرىسىدىكى بۇ خەۋەر تارقالغاندىن كېيىن، كۆپلىگەن ئاتا – ئانىلارنىڭ قارشى ئېلىشى ۋە قوللىشىغا ئېرىشتى. بىراق بەزى ئاتا – ئانىلار ئوقۇغۇچىلارنىڭ سالامەتلىكىنى تەكشۈرۈش نەتىجىسىنىڭ مەخپىيەتلىكىنى ساقلاش كېرەكمۇ – يوق؟ دېگەن سوئالنى ئوتتۇرىغا قويدى.

   بىر ئائىلە باشلىقى مۇنداق دېدى: ‹‹بالام مەكتەپتە ئوقۇۋاتىدۇ، ئۆگىنىش نەتىجىسى ئەلا، مىجەزى ئوچۇق، بىراق كىچىك ئۈچ مۇسبەتلىكＢ تىپلىق جىگەر ياللۇغى كېسىلى بار، ھازىر جىگەر ئىقتىدارى نورمال، داۋالاتمىساممۇ بولىدۇ. لېكىن مەكتەپ بىر تۇتاش سالامەتلىك تەكشۈرۈشكە تەشكىللىسە، سالامەتلىك تەكشۈرۈش نەتىجىسىنى باشقا بالىلار ۋە ئاتا – ئانىلار بىلىپ قالسا، بالامغا سەلبىي تەسىر كۆرسىتىدۇ، بۇنىڭ بىلەن باشقا ئوقۇغۇچىلار بالامدىن ئۆزىنى قاچۇرىدىغان ئەھۋاللارنىڭ كېلىپ چىقىشىدىن ساقلانغىلى بولمايدۇ، مەن بالامنىڭ روھىي جەھەتتە زەربە يەپ قېلىشىدىن ئەنسىرەيمەن، شۇڭا سالامەتلىك تەكشۈرۈش نەتىجىسىنى، ئەڭ ياخشىسى، مەخپىي تۇتۇش كېرەك››.

   ئىگىلىنىشىچە، يېڭىلا ئېلان قىلىنغان ‹‹ئوتتۇرا، باشلانغۇچ مەكتەپ ئوقۇغۇچىلىرىنىڭ سالامەتلىك تەكشۈرۈشىنى باشقۇرۇش چارىسى››دە مۇنداق بەلگىلەنگەن: سالامەتلىك تەكشۈرۈش ئاخىرلاشقاندىن كېيىن، سالامەتلىك تەكشۈرگۈچى ئاپپاراتلار سالامەتلىك تەكشۈرۈش نەتىجىسىنى ئوقۇغۇچىلار، ئاتا – ئانىلار ۋە مەكتەپكە شەخسىي سالامەتلىك تەكشۈرۈش نەتىجىسى شەكلىدە ئېلان قىلىشى، مەكتەپ ۋە مائارىپ مەمۇرىي تارماقلىرى ئوقۇغۇچىلارنىڭ سالامەتلىك ئارخىپى تۇرغۇزۇپ، يىلدا بىر قېتىم سالامەتلىك تەكشۈرتۈش ئەھۋالىنى تىزىملاپ مېڭىشى كېرەك. ئادەتتىكى سالامەتلىك تەكشۈرۈش تۈرلىرى ئىچكى كېسەللەر بۆلۈمىدە تەكشۈرۈش، كۆز كېسىلى بۆلۈمىدە تەكشۈرۈش، ئېغىز بوشلۇقى كېسىلى بۆلۈمىدە تەكشۈرۈش، تاشقى كېسەللەر بۆلۈمىدە تەكشۈرۈش، بەدەننىڭ تاشقى كۆرۈنۈش كۆرسەتكۈچىنى تەكشۈرۈش، فىزىئولوگىيىلىك كۆرسەتكۈچنى تەكشۈرۈش، باشلانغۇچ، تولۇقسىز ئوتتۇرا مەكتەپكە يېڭىدىن قوبۇل قىلىنغان ئوقۇغۇچىلارنىڭ تۇبېركۇليوز ئەھۋالىنى تەكشۈرۈش، ياتاقتا يېتىپ ئوقۇيدىغان ئوقۇغۇچىلارنىڭ، زۆرۈر تېپىلغاندا، جىگەر ئىقتىدارىنى تەكشۈرۈش قاتارلىقلارنى ئۆز ئىچىگە ئالىدۇ.

   يەنە بەزى ئاتا – ئانىلار مۇنداق قارىدى: سالامەتلىك تەكشۈرۈش نەتىجىسىنى جەزمەن ئاشكارىلاش كېرەك. چۈنكى بالىلار بىرگە ئويناشنى، نەرسىلەرنى تەڭ يېيىشنى ياخشى كۆرىدۇ. ئەگەر بالىلارنىڭ بىرەرسى ئۆپكە تۇبېركۇليوز كېسىلى،Ｂ تىپلىق جىگەر ياللۇغى قاتارلىق يۇقۇملۇق كېسەلگە گىرىپتار بولغان بولسا، ناۋادا ئۇچۇرنى ئاشكارىلىمىغاندا، بۇ كېسەل باشقا بالىلارغا يۇقۇپ قالمامدۇ؟

   ھازىر ئوتتۇرا، باشلانغۇچ مەكتەپ ئوقۇغۇچىلىرىنىڭ سالامەتلىك تەكشۈرۈشنى باشقۇرۇش خىزمىتى ئەمدىلا باشلاندى، كونكرېت يولغا قويۇش لايىھىسى تېخى چىقىرىلمىغان ئەھۋالدا بىر قىسىم ئاتا – ئانىلار ئەندىشە قىلىۋاتىدۇ، بۇنداق ئەنسىرەشنىڭمۇ ئاساسى بار. شۇڭا مۇناسىۋەتلىك تارماقلارنىڭ يولغا قويۇش لايىھىسىنى تەتقىق قىلىپ تۈزگەندە، بۇ ئىنچىكە نۇقتىلارغا ئەھمىيەت بېرىشىنى ئۈمىد قىلىمىز. بىز ئوقۇغۇچىلارنىڭ تەن ساغلاملىقىغا ئەھمىيەت بېرىش بىلەن بىللە، روھىي ساغلاملىقىنى قوغداشنىمۇ ئۇنتۇپ قالماسلىقىمىز كېرەك.

(تەھرىر : ئىزدەن)

• سىنىپ مۇدىرى ئوقۇغۇچىلارنىڭ ئەڭ يېقىن ئ
• سىنىپ مۇدىرى ئوقۇغۇچىلار ئارىسىدىكى زى
• سىنىپ مۇدىرىنىڭ ئوقۇغۇچىلار بىلەن پارا
• قانداق قىلغاندا سىنىپ مۇدىرلىق خىزمىتى
• قانداق قىلغاندا ئوقۇغۇچىلاردا مەسىلىلە
• قانداق قىلغاندا ياخشى سىنىپ كوللېكتىپى
• سىنىپ مۇدىرلىقنى ئىشلەش جەريانىدا ھېس ق
• سىنىپ يىغىنى ئېچىشتا دىققەت قىلىشقا تىگ
• سىنىپ مۇدىرى ئوقۇغۇچىلار ئارىسىدىكى زى
• سىنىپ مۇدىرلىق خىزمىتىنىڭ سەنئەتلىك ئا
• ئوقۇتقۇچىلار ھېسىيات تەربىيەسىگە سەل ق
• لاياقەتلىك سىنىپ كوللىكتىپى بەرپا قىلى
• سىنىپ مۇدىرى ئەھمىيەت بېرىشكە تېگىشلىك
• ئوقۇغۇچىلارغا بولغان قانۇن – تۈزۈم تەر
• ئوقۇغۇچىلارنىڭ يوشۇرۇن ئىقتىدارىنى قوز
• سىنىپ تەربىيەچىلىرى ھازىرلاشقا تېگىشلى