سىنىپ مۇدىرى ئەھمىيەت بېرىشكە تېگىشلىك نۇقتىلار

   سىنىپ مەكتەپنىڭ ئاساسىي قۇرۇلمىسى ۋە ئىقتىدار بىرلىكى بولۇپ، ئۇ مەكتەپنىڭ ئوقۇتۇش ئىشلىرىنىڭ ئايرىلماس تەركىبىي قىسمى ھېسابلىنىدۇ. سىنىپ مۇدىرى ھازىرقى مائارىپ ئىسلاھاتىنى يەنىمۇ چوڭقۇرلاشتۇرۇپ، ساپا مائارىپىنى دۇنياغا، كەلگۈسىگە، زامانىۋىلاشتۇرۇشقا يۈزلەندۈرۈش، شۇنداقلا سوتسىيالىستىك زامانىۋىلاشتۇرۇش قۇرۇلۇشىنىڭ ئېھتىياجىدىن چىقالايدىغان، بىرگە ماھىر، كۆپكە قادىر ئىزباسارلارنى تەربىيەلەپ چىقىشتا ناھايىتى زور رول ئوينايدۇ. سىنىپ مۇدىرى سىنىپتىكى ئوقۇغۇچىلارنىڭ ئىدىيە، ئۆگىنىش ۋە تۇرمۇشىغا يېتەكچىلىك قىلغۇچى ۋە ئۇنى تەشكىللىگۈچى ھەم باشقۇرغۇچى، شۇنداقلا مەكتەپ، ئائىلە ۋە جەمئىيەتنى ئۆز ئارا ماسلاشتۇرىدىغان كۆۋرۈك. سىنىپ مۇدىرى ئىلمىي ساپاغا ۋە كۈچلۈك مەسئۇلىيەتچانلىققا ئىگە بولۇپلا قالماي، بەلكى باشقۇرۇش، تەشكىللەش، يېتەكلەش قاتارلىق جەھەتلەردە مول بىلىمگە ۋە يۇقىرى ئىقتىدارغا ئىگە بولۇشى كېرەك. بىر سىنىپ كوللېكتىپىنى ھەرقايسى جەھەتلەردىن لاياقەتلىك كوللېكتىپ قىلىپ تەشكىللەپ چىقىش ئۈچۈن، سىنىپ مۇدىرى تۆۋەندىكىلەرگە ئەھمىيەت بېرىشى كېرەك

   1. سىنىپ مۇدىرى ئوقۇغۇچىلارنى ئومۇميۈزلۈك چۈشىنىشى ۋە ئوقۇغۇچىلار ئارخىپىنى تۇرغۇزۇشى، ئۆزىگە قاتتىق تەلەپ قويۇپ، ئوقۇغۇچىلارنىڭ ھەر خىل ئەھۋاللىرىنى، يەنى ئۆگىنىش، تۇرمۇش، ئائىلە ئەھۋالى، قىزىقىشى، ئىجتىمائىي ئالاقىسى قاتارلىقلارنى كۆزىتىش، سۆھبەتلىشىش، تېلېفون بېرىش ئارقىلىق بىلىپ، ئوقۇغۇچىلارنى ئالاھىدىلىكى بويىچە يېتەكلىشى كېرەك. 

   2. سىنىپ مۇدىرى ئەخلاقىي، ئەقلىي ۋە جىسمانىي جەھەتلەردىن بىر قەدەر ئىلغار ھەم بەلگىلىك تەشكىللەش ئىقتىدارىغا ئىگە ئوقۇغۇچىلارنى سىنىپ ھەيئەتلىكىگە تاللىشى، باشقا ئوقۇغۇچىلارنى سىنىپ ھەيئەتلىرىنى ھۆرمەت قىلىشقا يېتەكلىشى، پايدىلىق پۇرسەتلەردىن پايدىلىنىپ، سىنىپ ھەيئەتلىرىنىڭ ياخشى ئوبرازىنى تىكلىشى، سىنىپ ھەيئەتلىرىنىڭ خىزمىتىگە يېقىندىن يېتەكچىلىك قىلىشى كېرەك.

   3. سىنىپ مۇدىرى دەرس ئوقۇتقۇچىلىرى بىلەن ئوقۇغۇچىلار ئوتتۇرىسىدىكى مۇناسىۋەتنى ياخشىلاشقا ئەھمىيەت بېرىشى كېرەك.

   4. سىنىپ مۇدىرى مېھرىبانلىقىنى ھەر بىر ئوقۇغۇچىغا يەتكۈزۈشى، ھەر بىر ئوقۇغۇچىنىڭ ساغلام ئۆسۈپ يېتىلىشىگە يېتەرلىك شارائىت يارىتىپ بېرىشى، ئوقۇغۇچىلارنى ئىززەتلىشى، ئۇلارنى غەلىبىگە قاراپ ئىلگىرىلەشكە رىغبەتلەندۈرۈشى كېرەك. ئۇنىڭدىن باشقا، سىنىپ مۇدىرى ئوقۇغۇچىلارنى ئومۇميۈزلۈك تەرەققىي قىلدۇرۇشنى ئاساسىي نىشان قىلغان ھالدا ئۇلارغا قارىتىلغان ئىدىيەۋى – سىياسىي تەربىيە خىزمىتىنى كۈچەيتىشى كېرەك.
 

(تەھرىر : admin)

• سىنىپ مۇدىرى ئوقۇغۇچىلارنىڭ ئەڭ يېقىن ئ
• سىنىپ مۇدىرى ئوقۇغۇچىلار ئارىسىدىكى زى
• سىنىپ مۇدىرىنىڭ ئوقۇغۇچىلار بىلەن پارا
• قانداق قىلغاندا سىنىپ مۇدىرلىق خىزمىتى
• قانداق قىلغاندا ئوقۇغۇچىلاردا مەسىلىلە
• قانداق قىلغاندا ياخشى سىنىپ كوللېكتىپى
• سىنىپ مۇدىرلىقنى ئىشلەش جەريانىدا ھېس ق
• سىنىپ يىغىنى ئېچىشتا دىققەت قىلىشقا تىگ
• سىنىپ مۇدىرى ئوقۇغۇچىلار ئارىسىدىكى زى
• سىنىپ مۇدىرلىق خىزمىتىنىڭ سەنئەتلىك ئا
• ئوقۇتقۇچىلار ھېسىيات تەربىيەسىگە سەل ق
• لاياقەتلىك سىنىپ كوللىكتىپى بەرپا قىلى
• سىنىپ مۇدىرى ئەھمىيەت بېرىشكە تېگىشلىك
• ئوقۇغۇچىلارغا بولغان قانۇن – تۈزۈم تەر
• ئوقۇغۇچىلارنىڭ يوشۇرۇن ئىقتىدارىنى قوز
• سىنىپ تەربىيەچىلىرى ھازىرلاشقا تېگىشلى