_{سىنىپ يىغىنى ئېچىشتا دىققەت قىلىشقا تىگىشلىك نۇقتىلار}

ئەخمەتجان دۆلەت

 

سىنىپ يىغىنى سىنىپ مۇدىرلىق خىزمىتىنىڭ مۇھىم ھالقىلىرىدىن بىرى بولۇپ، سىنىپ يىغىنىدا سىنىپتىكى ساقلانغان مەسىلىلەر ھەل قىلىنىپ، ئوقۇغۇچىلارنىڭ ئاكتىپلىقى قوزغىتىلىدىغان، بۇ ئارقىلىق سىنىپنىڭ خىزمىتىنى ئىلگىرى سۈرۈش مەقسەت قىلىنىدىغان يىغىن بولغاچقا، سىنىپ مۇدىرى سىنىپ خىزمىتىدىكى يولۇققان مەسىلىلەر ۋە تەجرىبىلەرنى ئەستايىدىل يەكۈنلەپ، ئالدىن تەييارلىقنى پۇختا قىلىپ، سىنىپ يىغىنىنى قاراتمىلىققا ئىگە قىلىپ ئېچىش بىلەن بىللە، تۆۋەندىكى نۇقتىلارغا دىققەت قىلىشى كېرەك:

1. سىنىپ مۇدىرى سىنىپ يىغىنىدا يەتمەكچى بولغان مەقسەتنى ئالدىن بېكىتىۋېلىشى كېرەك. سىنىپ مۇدىرى ھەر قېتىم ئېچىلىدىغان سىنىپ يىغىنىنىڭ مەقسىتىنى ئېنىق بېكىتىپ، ئەستايىدىللىق بىلەن تېزىس تەييارلاپ، مەقسىتى ئېنىق بولغان ئاساستا سىنىپ يىغىنىنى ئەستايىدىللىق بىلەن سىستېمىلىق ئېچىشى كېرەك.

2. سىنىپ مۇدىرى سىنىپ يىغىنىنىڭ ئىجابىي قىممىتىنى يۇقىرى كۆتۈرۈشى كېرەك. سىنىپ مۇدىرى سىنىپ يىغىنىدا سىنىپتا ساقلىنىۋاتقان مەسىلىلەرنى تېپىپ، ئۇنى تۈزىتىش توغرىسىدا ئوقۇغۇچىلار بىلەن كېڭەش قىلىشى، ئوقۇغۇچىلارنى رىغبەتلەندۈرۈشنى ئاساس قىلىپ مەسىلىلەرنى ھەل قىلىشى، ئورۇنسىز ھالدا ئوقۇغۇچىلارغا چېچىلماسلىق كېرەك.

3. سىنىپ مۇدىرى ئاچقان سىنىپ يىغىنى بىر سائەتلىك ئىدىيەۋى ئەخلاق دەرس تۈسىنى ئېلىشى كېرەك. سىنىپ مۇدىرى سىنىپ يىغىنىدا ئوقۇغۇچىلارغا ئىدىيەۋى ئەخلاق تەربىيەسى، ئەنئەنە تەربىيەسى، ئۆرپ - ئادەت تەربىيەسى بېرىش ئارقىلىق، ئۇلارغا ئادەم بولۇشنىڭ يوللىرىنى بىلدۈرۈپ، ئوقۇغۇچىلارنى روھىي ۋە جىسمانىي جەھەتتىن ساغلام ئادەم بولۇشقا يېتەكلىشى كېرەك.

4. سىنىپ مۇدىرى غايە تەربىيەسىنى سىنىپ يىغىنىنىڭ مۇھىم مەزمۇنى قىلىشى كېرەك. غايىسىز كىشى نىشانسىز قېيىققا ئوخشايدۇ، ئەگەر ئىنساندا غايە بولمىسا، ئۇنىڭدا يۈكسەك ئىرادە، ئىنسانىيەتكە بەخت يارىتىدىغان بۈيۈك ئارمانلار بولمايدۇ. قايسىبىر ئوقۇغۇچىدا غايە كەمچىل بولىدىكەن، ئۇنىڭ ئۆگىنىشى نەتىجىلىك بولمايدۇ. شۇڭا، ئوقۇتقۇچى سىنىپ يىغىنىدا تارىختا ئۆتكەن مەشھۇر شەخسلەرنىڭ بالىلىق دەۋرىدە ئۇلۇغۋار غايە تىكلەپ، ئۆزىنىڭ غايىسىنى ئەمەلگە ئاشۇرغانلىقى ۋە ئىنسانلار ئۈچۈن تۆھپىلەرنى قوشقانلىقى توغرىسىدا تەربىيە بېرىپ، ئۇلارغا بالىلىق دەۋرىنى قانداق ئۆتكۈزۈشنى ئۆگىتىشى كېرەك. شۇنداق قىلغاندا ئوقۇغۇچىلار غايىلىك، مەدەنىيەتلىك، ئەخلاقلىق، ئىنتىزامچان، ئاقىل، مەرد - مەردانە كىشىلەردىن بولۇپ يېتىشىپ چىقىدىغانلىقىنى بىلدۈرۈشى كېرەك.

ئوقۇتقۇچىلىق ئادەم تەربىيەلەيدىغان ئۇلۇغ ھەم نازۇك خىزمەت. شۇڭا، سىنىپ مۇدىرى بولغان ئوقۇتقۇچىدا مول بىلىم، يۈكسەك ئەخلاق - پەزىلەت، يېتىلگەن تەشكىللەش ماھارىتى بولۇش تەلەپ قىلىنىدۇ. كەلگۈسىنىڭ ئىز باسارلىرىنى تەربىيەلەشتىن ئىبارەت شەرەپلىك بۇرچىنى زىممىسىگە ئالغان ھەر بىر ئوقۇتقۇچى، بولۇپمۇ سىنىپ مۇدىرى ئۆزىگە يۇقىرى تەلەپ قويۇپ، كەسىپنى قىزغىن سۆيۈپ، ھەقىقىي «ئىنسان روھىنىڭ ئىنژېنېرى» بولۇشقا تىرىشىشى كېرەك.

(تەھرىر : admin)

• سىنىپ مۇدىرى ئوقۇغۇچىلارنىڭ ئەڭ يېقىن ئ
• سىنىپ مۇدىرى ئوقۇغۇچىلار ئارىسىدىكى زى
• سىنىپ مۇدىرىنىڭ ئوقۇغۇچىلار بىلەن پارا
• قانداق قىلغاندا سىنىپ مۇدىرلىق خىزمىتى
• قانداق قىلغاندا ئوقۇغۇچىلاردا مەسىلىلە
• قانداق قىلغاندا ياخشى سىنىپ كوللېكتىپى
• سىنىپ مۇدىرلىقنى ئىشلەش جەريانىدا ھېس ق
• سىنىپ يىغىنى ئېچىشتا دىققەت قىلىشقا تىگ
• سىنىپ مۇدىرى ئوقۇغۇچىلار ئارىسىدىكى زى
• سىنىپ مۇدىرلىق خىزمىتىنىڭ سەنئەتلىك ئا
• ئوقۇتقۇچىلار ھېسىيات تەربىيەسىگە سەل ق
• لاياقەتلىك سىنىپ كوللىكتىپى بەرپا قىلى
• سىنىپ مۇدىرى ئەھمىيەت بېرىشكە تېگىشلىك
• ئوقۇغۇچىلارغا بولغان قانۇن – تۈزۈم تەر
• ئوقۇغۇچىلارنىڭ يوشۇرۇن ئىقتىدارىنى قوز
• سىنىپ تەربىيەچىلىرى ھازىرلاشقا تېگىشلى