سىنىپ باشقۇرۇش ۋە مۇدىرلىق-سىنىپ مۇدىرى ۋە پەن ئايرىمىسىنىڭ ئ

نۆۋەتتىكى ئورنىڭىز : باش بەت > ئوقۇتۇش > ئوقۇتۇش تەتقىقاتى > سىنىپ باشقۇرۇش ۋە مۇدىرلىق > تولۇق مەزمۇنى

سىنىپ مۇدىرى ۋە پەن ئايرىمىسىنىڭ ئ

ۋاقىت : 2010-10-31 18:40 | مەنبەسى : 未知 | ئاپتۇر : بەشتاش | تەھرىر : admin | كۆرۇلىشى : قېتىم

سىنىپ مۇدىرى ۋە پەن ئايرىمىسىنىڭ ئوقۇغۇچىلارغا بولغان تەسىرى

سىنىپ مەكتەپنىڭ ئوقۇتۇش، تەلىم-تەربىيە خىزمىتىنى ئىلىپ بارىدىغان ئاساسى ئورۇن. سىنىپ مۇدىرى، سىنىپ كوللىكتىپىنى تەشكىللىگۈچى، تەربىيىلىگۈچى ۋە مەكتەپ رەھبەرلىگىنىڭ ئوقۇتۇش، تەلىم تەربىيەخىزمىتىنى ئىلىپ بىرىشتىكى كۈچلۈك ياردەمچىدۇر.

سىنىپ مۇدىرى مەكتەپ خىزمەتلىرىنىڭ ئوڭۇشلۇق ئىلىپ بىرىلىشىدىكى تايانچ كۈچ. ئۇ مەكتەپ رەھبەرلىگى بىلەن ئوقۇغۇچىلار ئوتتۇرسىدىكى، باشقا پەن ئوقۇتقۇچىلىرى بىلەن ئوقۇغۇچىلار ئوتتۇرسىدىكى كۆۋرۈك بولۇپ ھىساپلىنىدۇ. سىنىپ مۇدىرىنىڭ كىشىلىك پەزىلىتى ئوقۇغۇچىلارغا نىسبەتەن ئەڭ كونكىرىت، ئەڭ بىۋاستە، ئەڭ چوڭقۇر تەسىر كۆرسىتىدۇ .

سىنىپ مۇدىرى ئوقۇغۇچىلارنىڭ قەلبىدە مەلۇم ئورۇن ئىگەللىگەن بولغاچقا ئوقۇغۇچىلارنىڭ سىنىپ مۇدىرى كىرگەن دەرىسكە تۇتقان پوزىتسىيىسى بىلەن باشقا پەن ئوقۇتقۇچىلىرىنىڭ كىرگەن دەرىسكە تۇتقان پوزىتسىيىسى قىسمەن جەھەتلەردە پەرىقلىق بولۇشى مۇمكىن.

مەن بىر قىتىملىق سىنىپ يىغىندا بەزى ئوقۇغۇچىلارنىڭ تەبى پەندە ئاجىز بولۇپ قىلىشنىڭ سەۋەپلىرى ئۈستىدە ئوقۇغۇچىلار بىلەن سۆھبەت ئىلىپ بارغىنىمدا بىر ئوقۇغۇچى مۇنداق دىدى. "مىنىڭ باشلانغۇچ مەكتەپتىن تارتىپ تا ھازىرغىچە بولغان سىنىپ مۇدىرىمنىڭ ھەممىسى ئىجتىمائى پەن ئوقۇتقۇچىسى ئىكەن شۇنداق بولغاچقىمىكىن ئۆزۈمنىڭ تەبى پەنلەردە ئاجىز بولۇپ قىلىشىمنى سىنىپ مۇدىرىنىڭ ئىجتىمائى پەن ئوقۇتقۇچىسى ئىكەنلىگىدىن بولغان دەپ قارايمەن" دىدى. مىنىڭچىمۇ شۇنداق بولىشى مۇمكىن . بىراق بۇنى مۇتلەقلەشتۈرۋىتىشكىمۇ بولمايدۇ. چۈنكى سىنىپ مۇدىرى ھەممىنىن بەلگۈلىگۈچى ئەمەس. لىكىن سىنىپ مۇدىرىنىڭ دەرىسدە دەرىسخانا ئىنتىزامىنى ياخشى ساقلىسا باشقا دەرىسلەرگە ئوخشاش، ئوخشاش مۇئامىلىدە بولمايدۇ.

سىنىپ مۇدىرىدا سىياسى جەھەتتە ساغلام بولغان، دەۋىر بىلەن تەڭ ئىلگىرلەش ئىختىدارىغا ئىگە، ئىلىم پەننى، ۋەتەننى، خەلىقنى قىزغىن سۆيىدىغان، ئىزدىنىش روھىغا باي ئوقۇغۇچىلار روھىنى يارتالايدىغان ئىختىدار بولسا، ئۇ ئوقۇغۇچىلارنىڭ قەلبىدىكى مەڭگۈ چاقنايدىغان گۆھەر بولالايدۇ. شۇنداق بولغاچقا ئوقۇغۇچىنىڭ ئوقۇتقۇچىغا بولغان ھۆرمىتى تەبئى ھالدا سىنىپ مۇدىرىنىڭ دەرسىگە بولغان قىزىقىشىنى پەيدا قىلىدۇ. شۇنىڭ بىلەن سىنىپ مۇدىرنىڭ دەرسى باشقا دەرىسلەرنىڭ ئىچىدە ھۆكۈمران ئورۇنغا چىقىپ قالىدۇ. بۇ ئەھۋال ئۇزارغانسىرى ئوقۇغۇچىلاردا بەزى پەنلەرگە نىسبەتەن ئاجىز بولۇپ قىلىشىنى كەلتۈرۈپ چىقىرىدۇ.

بۇنىڭدىن باشقا يەنە ئوقۇغۇچىلارنىڭ بەزى پەنلەردە ئاجىزبولۇپ قىلىشىنى ئۇلارنىڭ تەربىيىلىنىش ئەھۋالى، مەكتەپ شارائىتى، دەرىس ئوقۇتقۇچىسىنىڭ ساپاسى، ئۇلارنىڭ ئۆز دەرسىگەئوقۇغۇچىلارنى قانچىلىك قىزىقتۇرىشى، يىراقنى كۆرەرلىكى قاتارلىق تەرەپلەردە بىلەنمۇ زىچ مۇناسىۋەتلىك. شۇڭا سىنىپ مۇدىرى ئوقۇغۇچىلاردا يۇقۇردا دىيىلگەندەك ئەھۋاللارنى بايقىسا ئوقۇغۇچىلارغا ئەستايىدىل تەربىيە ئىشلىشى، ئۇلارنىڭ ئۆز ئارزۇسىغا ھۆرمەت قىلغان ئاساستا دەرىسلەرگە تۇتقان پوزىتسىيسىنى ئۆزگەرتىشكە ياردەم بىرىش كىرەك.

(تەھرىر : admin)

ئېسىلكەن

(0)

ناچاركەن

(0)