خەلقئارا لىنيە تورى مەخسۇس خەۋىرى: گېرمانيە «ئەينەك ھەپتىلىكى» نىڭ 16-چېسلادىكى خەۋىرىگە قارىغاندا، برازىلىيە شۇ يەر ۋاقتى 6-ئاينىڭ 16-چېسلا چۈشتىن كېيىن سائەت بىردە گېرمانىيە كوماندىسى بۇ قېتىملىق دۇنيا لوڭقىسىدىكى تۇنجى مەيدان مۇسابىقىسىنى كۈتۈۋالغان بولۇپ، ئەمەلىي كۈچى بىر قەدەر كۈچلۈك بولغان پورتۇگالىيە كوماندىسى بىلەن مەيدانغا چۈشكەن. مۇسابىقە ئەڭ ئاخىرىدا گېرمانىيە كوماندىسىنىڭ نۆلگە قارشى تۆت نەتىجىسى بىلەن ئاياغلاشقان، مۇللېر يالغۇزلا ئۈچ توپ چۈشۈرگەن. مۇسابىقە مەيدانىدىكى توپچىلاردىن باشقا يەنە، گېرمانىيە زۇڭلىسى مېركىلمۇ تاماشىبىنلار ئورنىدا ئولتۇرغان بولۇپ، ئۇنىڭ ھاياجانلانغاندىكى ئىپادىسى ھەرگىزمۇ ئادەتتىكى تاماشىبىنلاردىن قېلىشمىغان.
