1948-يىلى 5-ئاينىڭ 14-كۈنى ئىسرائىلىيە ئۆزىنىڭ دۆلەت قۇرغانلىقىنى جاكارلىغانىدى. ئەتىسى، ئەرەب دۆلەتلىرى بىلەن ئىسرائىلىيە ئوتتۇرىسىدا بىرىنچى قېتىملىق ئوتتۇرا شەرق ئۇرۇشى پارتلىغان بولۇپ، نۇرغۇنلىغان پەلەستىنلىكلەر ئۇرۇشنىڭ بالايىئاپىتىدىن ساقلىنىش ئۈچۈن تۈركۈملەپ باشقا دۆلەتلەرگە كۆچۈپ كېتىپ، مۇساپىرچىلىقتا قالغانىدى. كېيىن پەلەستىنلىكلەر ھەر يىلى 5-ئاينىڭ 15-كۈنىنى مىللەتنىڭ ‹ ئاپەت كۈنى› قىلىپ خاتىرىلەپ كەلگەنىدى.
پەلەستىن مەركىزىي سىتاتىستىكا ئىدارىسىنىڭ ئەڭ يېڭى ئېلان قىلغان سىتاتىستىكا سانلىق مەلۇماتلىرىدا كۆرسىتىلىشىچە، نۆۋەتتە 5 مىليون 300 مىڭدىن ئارتۇق پەلەستىنلىك ئىئوردانىيە دەرياسىنىڭ غەربىي قىرغىقى، غەززا رايونى، سۈرىيە، لىۋان ۋە ئىئوردانىيە قاتارلىق جايلاردىكى بىرلەشكەن دۆلەتلەر تەشكىلاتى قۇرغان كۆچمەنلەر لاگىرىدا ياشاۋاتقان بولۇپ، كۆچمەن بولۇپ ياشاۋاتقان پەلەستىن پۇقرالىرىنىڭ سانى پۈتكۈل پەلەستىن ئاھالىسىنىڭ تەخمىنەن %45 نى ئىگەللەيدىكەن.
