ئاناتىلىم تورتۇراسى

版权声明：转载时请以超链接形式标明文章原始出处和作者信息及本声明
logs/37283185.html

بلوگباس ۋە بلوگسپوت سۇپىلىرىدا ئۇيغۇرچە بلوگلار باش كۆتۈرگەندىن تارتىپلا ئاز بولمىغان قېرىنداشلىرىمىز بۇ بلوگلارنى بىر يەرگە يىغىپ كەڭ بلوگ ھەۋەسكارلىرىنىڭ تېخىمۇ قولايلىق ھالدا ئىزدەپ تېپىۋىلىشى ئۈچۈن بلوگ ئۇلىنىش بلوگلىرىنى ئارقا– ئارقىدىن ياساپ كېلىۋاتىدۇ. بۇلارنىڭ ھەرقايسىسىنىڭ ئۆزىگە خاس ئارتۇقچىلىقى ۋە يېتەرسىزلىك تەرەپلىرى بار. بۇ ھەم بلوگلارنى ئومۇملاشتۇرۇشتا كەم بولسا بولمايدۇ. بۇ خۇددى ئۇلىنىش تور بەتلىرىنىڭ مەيدانغا كېلىشى تېخىمۇ كۆپ تور بەتلەرنىڭ مەيدانغا كېلىشى ۋە تورداشلارنىڭ تېخىمۇ كۆپ تور بەتلەرنىڭ مەۋجۇتلۇقىنى قىينالمايلا بىلىۋېلىشىدا ئەھمىيەتكە ئىگە بولغاندەكلا ئىش. پېقىر مۇشۇ مۇناسىۋەت بىلەن ئىزچىل ھالدا قانداق قىلىپ بلوگباس سۇپىسىنىڭ چەكلىك ئىقتىدارىدىن پايدىلىنىپ قولايلىقراق بولغان بلوگ ئۇلىنىش بېتى ياساپ كۆرۈش ھەققىدە ئىزدىنىپ كەلمەكتە.
 
بلوگسپوت سۇپىسىدا ئۇلانمىلار ۋە بلوگلىرىمىز بلوگى قۇرۇلغاندىن كېيىن ئاز بولمىغان قېرىنداشلىرىمىزنىڭ ياقتۇرىشىغا ئېرىشكەن، ۋە پېقىر ئاناتىلىم بلوگى بىلەن ئالدىراش بولۇپ كېتىپ يۇقىرىقى ئىككى بلوگنى تاشلاپ قويۇپ يېڭىلىمىغىلى بىر ئايدىن ئاشقان بولسىمۇ  ئۇلارنىڭ زىيارەت مىقدارى يەنىلا بەلگىلىك ساننى ساقلاپ كېلىۋاتىدۇ. كەڭ قوللىغۇچىلارغا ياخشى جاۋاپ قايتۇرۇش ئۈچۈن بۇ ئىككى بلوگ ئۇلىنىش تور بېتىدىكى يېتەرسىزلىكلەر بىر قۇر تەھلىل قىلىپ چىقىلغان:
1. ھەر ئىككىلىسى بلوگسپوت سۇپىسدا قۇرۇلغان بولۇپ، بلوگسپوت سۇپىسىنىڭ تۇراقسىزلىقى يۇقىرى. نورمال ئېچىلىدىغان ۋاقتىدىن ئېچىلمايدىغان ۋاقتى كۆپ. باش مۇلازىمىتىرى ئامېرىكىدا بولغاچقىمىكىن ھەتتا بەزى رايونلاردا، مائارىپ مەخسۇس تور بېكەتلىرىدە پەقەتلا زىيارەت قىلغىلى بولمايدۇ.
2. ئۇلانمىلار بلوگى يالغۇز ئۇلىنىش تور بېتىلا بولماستىن يەنە ئۈستىدە ماقالىلەر ئېلان قىلىنغان ، شۇ سەۋەبتىن بلوگلارنىڭ تۈرلىرى يان بەتكە قويۇلغان. ھەربىر بلوگ تۈرلىرىدىكى بلوگلار بىر تېمىغا قويۇلغان، ئوخشىمىغان تۈردىكى بلوگلارنى كۆرۈش ئۈچۈن بىر يېڭى تېمىنى ئېچىشقا توغرا كېلىدۇ(ئەمەلىيەتتە ھەربىر تۈردىكى بلوگلارمۇ كۆپ ئەمەس). شۇڭا بارلىق تۈرلەر بىرلا بەتتە رەتلىك كۆرۈنىدىغان قولايلىق ھالدىكى ئۇلىنىش بېتى قىلىپ ياسىلىشقا موھتاج.
3. بلوگلىرىمىز بلوگىدا  ئۇيغۇرچە بلوگلار ئىنگىلىزچە 26 ھەرپ تەرتىپى بويىچە تىزىپ چىقىلغان، بۇنىڭدا ئۇيغۇرچە ھەرپ تەرتىپى بويىچە تىزىش كېرەكمۇ– يوق؟ بلوگلارنىڭ ئۇيغۇرچە ئىسمىنىڭ ئۇچۇرىنىمۇ كۆرسىتىدىغان ، بلوگ تۇغلىرىنىمۇ كۆرسىتىدىغان قىلىپ مۇكەممەللەشتۈرگىلى بولامدۇ– يوق؟ دىگەن مەسىللەر ئىزچىل ھەل قىلىنماي كەلگەن ئىدى.

«مىڭ ئاڭلىغاندىن بىر كۆرگەن ئەلا»دىگەن گەپ بار. يۇقىرىقى ئۈچ مەسلىنى ئورتاق نەزەرگە ئالغان ئاساستا ئۇلانمىلار بلوگى بىلەن بلوگلىرىمىز بلوگىنىڭ مەزمۇنلىرىنى قوشۇپ تۇرۇپ، بلوگباسنىڭ قانال ئىقتىدارىدىن پايدىلانغان ئاساستا ئاناتىلىم بلوگلار توپلىمى دەسلەپكى قەدەمدە تۈزۈپ چىقىلىپ تورداشلارنىڭ پايدىلىنىشى ئۈچۈن سۇنۇلدى. ئەلۋەتتە بۇنىڭدىمۇ يېتەرسىزلىكلەرنىڭ بولۇشى تەبئىي، كۆپچىلىكنىڭ قىممەتلىك تەكلىپ– پىكىرلەرنى بېرىپ داۋاملىق مۇكەممەللەشتۈرۈپ مېڭىشقا ياردەم قولىنى سۇنىدىغانلىقىغا ئىشەنچىم كامىل. ئاناتىلىم بلوگلار توپلىمىنىڭ ئادرىسى:
http://anatilim.u.blogbus.com

تەشۋىقات رەسىمى:

ئالاھىيدە ئەسكەرتىش: ئۇلىنىش قىلىشنى ئىلتىماس قىلغان بلوگلار ئۇدۇللۇق ئۇلىنىشقا قوشۇلمايدۇ. بۇ ئۇلىنىش بېتى يۇمشاق دىتالدا تىزىش، تور بەتكە كۆچۈرۈپ تەھرىرلەش ئاخىرىدا بلوگ بېتىگە كۆچۈرۈش قاتارلىق جەريانلار بىلەن بىر تەرەپ قىلىنغاچقا مەزمۇننى يېڭىلاش بىر قەدەر قولايسىز، شۇڭا بلوگلار سىتاستىكىسى ھەر 10 يېڭى بلوگ بايقالغاندا بىر قېتىم نەشىر يېڭىلىنىپ قوشۇپ تولۇقلاش ئېلىپ بېرىلىدۇ. ئەگەر بلوگىڭىز ئۇيغۇرچە بلوگلار توپلىمىدىكى تۈرلەرگە ماس كەلسە(شۇ تۈرگە ماس مەزمۇنلار مول، خاسلىقى يۇقىرى بولسا) ئەھۋالغا قاراپ دەرھال تۈرلەر ئورنىغا قوشۇپ قويۇلىدۇ.ئەگەر قوشۇلمىسا بلوگىڭىزنى داۋاملىق راۋاجلاندۇرغايسىز.بىز سىزنىڭ يېتەرسىزلىكىڭىزنى كۆرسىتىپ بەرگىنىمىزگە ئوخشاش، بىزگىمۇ باھالىنىشتىكى يېتەرسىزلىكلىرىمىزنى كۆرسىتىپ بېرىشىڭىزنى قىزغىن قارشى ئالىمىز. ھەمكارلاشقىنىڭىزلارغا كۆپتىن كۆپ رەھمەت!