يازدا مۇسكۇل تىقىلمىسى كېسەللىكى ياشانغانلاردا  كۆرۈلۈپلا قالماي ، ياشلاردىمۇ كۆپ كۆرۈلۈشكە باشلىدى . چۈنكى يازدىكى ئىسسىقنىڭ يۈرەك كېسلى ئاغرىقلىرىغا بولغان تەھدىتى قىشتىكىدىن  قېلىشمايدىكەن .تەتقىقاتلاردىن مەلۇم بولۇشىچە ، تېمپىراتۇرا 33سېلسىيە گىرادۇستىن ئاشقاندا ،ئادەم بەدىننىڭ مېتابولىزىم ئىقتىدارى كۆرۈنەرلىك  تېزلىشىپ ، قان ئايلىنىش سىستېمىسىغا بولغان تەسىرى چوڭ بولدىكەن .

تېمپىراتۇرنىڭ ئۆرلىشىگە ئەگىشىپ ، تېرە ئاستىدىكى قان تومۇرلار كېڭىيدىكەن ، بۇنىڭ بىلەن تېرىدىكى قاننىڭ ئېقىشى ئادەتتىكىدىن  ئۈچتىن بەش ھەسسىگىچە ئېشىپ ، قان تەن يۈزىگە مەركەزلىشۋالدىكەن ، بۇنىڭ بىلەن يۈرەك مېڭىنىڭ  قان  بىلەن تەمىنلىنشى تۆۋەنلەپ ، يۈرەك ، مېڭە -قان تومۇر ئاغرىقلىردىكى قان كەمچىلىكنى  ئېغىرلاشتۇرۋېتىدىكەن ھەم ئوكسېگىن يېتىشمەسلىكنى كەلتۈرۈپ چىقىردىكەن .

شۇڭا يۈرەك كېسلى ئاغرىقلىرى يازدا ئىسسىقتىن ساقلىنشى ، ئۇيقۇنىڭ نورماللقىغا كاپالەتلىك قىلىپ ، تويغۇچە يەپ-ئىچمەسلىكى كېرەك ئىكەن . ئۆيدە تۇز سۇيى ، مېۋە شىرنىسى قاتارلىقلارنى ساقلىشى كېرەك ئىكەن .يازدا ئادەم كۆپ تەرلىگەچكە ، قاننىڭ يېپىشقاقلىقنى  ئاشىدىكەن . بۇنداق ئەھۋالدا يۈرەك ، مېڭە -قان تومۇر كېسەللىكى كۆپ قوزغىلدىكەن . شۇڭا سۇنى كۆپ ئىچىش ، لېكىن قايناق سۇ ۋە شېكەر سۈيىنى ھەددىن زىيادە ئېچىۋەتمەسلىك كېرەك ئىكەن . ئەڭ ياخشىسى تۇز سۇيى ياكى تەركىبىدە ناترىي ،كالىي مىقدارى تۆۋەن بولغان ئىچىملىكلەرنى نەچچە قېتىمغا بۆلۈپ مۇۋاپىق ئىچىش كېرەك ئىكەن .