بەدەن ئېغىرلىقىنىڭ ئاران %2 ىچىلىك كېلىدىغان چوڭ مېڭىنىڭ ئوكسىگېن سەرپىياتى بەدەن ئېھتىياجلىق ئوكسىگېن مىقدارىنىڭ %25 ىنى ئىگىلەيدۇ. شۇڭا چوڭ مېڭىگە قان، ئوكسىگېن يېتىشمىگەندە، ئەسنەك تۇتىدۇ.　　تەخمىنەن %70ــ%80 قان ئازلىق خاراكتېرلىق سەكتە بىمارلىرى كېسىلى قوزغىلىشتىن بىر ھەپتە ئىلگىرى چوڭ مېڭىسىدە قان، ئوكسىگېن يېتىشمەسلىك سەۋەبىدىن دائىم ئەسنەيدىغان بولۇپ قالىدۇ. بۇنىڭدىكى سەۋەب ئوتتۇرا ياش ۋە ياشانغانلار، بولۇپمۇ يۇقىرى قان بېسىم، مېڭە ئارتىرىيەسى قېتىشىش كېسەللىكى بىمارلىرىنىڭ ئارتىرىيەسى بوتقىسىمان قېتىش، قان تومۇرى تارىيىش، قان تومۇرىنىڭ ئېلاستىكىلىقى ناچارلىشىش سەۋەبىدىن چوڭ مېڭىسىگە ئاقىدىغان قاننىڭ مىقدارى ئازىيىدۇ، نەتىجىدە چوڭ مېڭىگە ئوكسىگېن يېتىشمەي قالىدۇ.　　شۇڭا ئوتتۇرا ياش، ياشانغانلار، بولۇپمۇ يۈرەك-مېڭە قان تومۇر كېسەللىكى بىمارلىرى تولا ئەسنىسە، ۋاقتىدا دوختۇرغا كۆرۈنۈشى كېرەك…..