ئىلى دىيارى بلوگى

مەنمۇ ئىنسان

مەنمۇ ئىنسان ئىمانىم بار مۆمىن بەندە،

ئەمما تەغدىر قىلدى مىنى بەك دەپسەندە.

دەرتلىرىمنى ئاڭلار كىملەر؟

كىملەر كۈلەر؟

ئاڭلىغانلار شۇندا دەركىن:" راس دەپسەندە!"

ئۇيقۇدىكى ساھىبجامال

 ۇيقۇدا ياتىدۇ بىر ساھىبجامال،

قايغۇدىن بىھۇشتەك يانغا قىيسىيىپ .

ئاي نۇرى يۈزىنى غۇۋا يورۇتقان،

 تۆكۈلگەن كىرپىكى مەھكەم كىرىشىپ.

تۇرساق

ئەجداتىمىز قالدۇردى ئىز،بىزمۇ قەدەم تاشلاپ تۇرساق،

ئەۋلاتلارنى جۇت- بوراندا سەپەرلەرگە  باشلاپ تۇرساق.

ئىلىم –پەننى قۇرال قىلىپ، ئەتەئۈچۈن چاشلاپ تۇرساق،

يولىمىزنى توسسا دۈشمەن، كۆزلىرىنى ياشلاپ تۇرساق،

گۈللەنمەمدۇ ئەزىز دىيار ،يېڭىلىققائاتلاپ تۇرساق؟

سۆيگۈمگە مىھرىڭدىن بەرگىنەمەدەت

سىھىرلەپ ئالدىڭمۇ ئەركىمنى مىنىڭ،

باغلاندى تىلىممۇ باقىمەن ئۈنسىز.

كۆندۈم مەن نەئىلاج بىمارىڭ سىنىڭ،

سېنىڭدۇر بارلىقىم ،شىپا يوق سەنسىز.

ھەسرەت چېكىپ ياتمىغىن

ئالتە كۈنلۈك ئالەم بۇ،ۋىجدان بىلەن ياشىغىن،

قويساڭ قەدەم ھەق ئۈچۈن ، جان تىك، ھەرگىز يانمىغىن.

كۆزيېشىم

كۆزۇڭ  ياش دىمە ئۇ-كۆزدىكى ئاچچىق،

كۆزۇڭ  ياش دىمە ئۇ-دىلدىكى ھەسرەت.

كۆزدىكى- تومۇردا ئۇرغىغان غەزەپ،

كۆزۇڭ  ياش دىمە ئۇ-قەلبدىكى نەپرەت.

ئەلەملىك تولغانما

(تورداش شاتئاينىڭ"ئەلەملىك سۆيگۈ"ناملىق شېئىرىغا مۇشائىرە)

ئەلەملەر قوينىدا تولغانما ئەمدى،

كۆزيېشىڭ ئېقىۋەرسە تۈگەر بىر كۈنى.

نەپرىتىڭ تېگىدە چىن سۆيگۇ بولغاچ،

قىيناركەن ھىجىران ئوتلىرى ھەر تۈنى.

ئوغلۇم

بالاچۈن ئاتىغا قىلسىمۇ زۇلۈم،

مىننەتسىز،جاپاكەش،ئەجىرى بىر تۇلۇم.

ئەر يېتىپ دىسەڭمۇ تاپتىممەن يولۇم ،

سەن ئۈچۈن جان بېرەر گەركەلسە ئۆلۈم.

شۇئاتاڭ تارتقاننى تارتىپ باق ئوغلۇم!

بەرگىن چىداشلىق

بۇ دۇنيانىڭ قىسمىتى كۆپتۈر بەرگىن چىداشلىق،

بەخىت قۇشى ھە بۈگۈن قونسا ئەتە جۇدالىق.

بىلەلمەيسەن بۈگۈنكى يايرىڭ ئەتە ئۆزگىنىڭ،

شۇنداق دۇنيا بۇسىرلىق ،تەڭسىز،ئازاپ-كۇلپەتلىك.

بىكار ئەمەس

(شەخلانىڭ"ئەمەس" دىگەن شېئىرىغا مۇشائىرە)

يار يولىدا تەشنا بولۇپ كۈتكەن سەنمۇ،

چۈشلىرىدە ھەمرا بولدۇڭ يالغان ئەمەس.

چاڭقاپ كەلسە شەربەت بەرگەن چىن قەلبىڭدىن،

بۇ قىسمەتتىن قاچماق بوپسەن مۇمكىن ئەمەس.