WP7 دا ئىقتىدار تولۇق ، يېڭىلىق كەم ئىكەن

   WP7 دا ئىقتىدار تولۇق ، يېڭىلىق كەم ئىكەن

چەتئەل ئاخبارات ۋاسىتىلىرىنىڭ خەۋىرىدە مۇنداق دېيىلدى : Windows Phone 7 Microsoft نى تارقىتىش خىزمىتى ئەمدىلىكتە << تېخنىكا كۆرۈكى >> باسقۇچىغا قەدەم قويدى . Microsoft ئارقىدىنلا ئۆزلەشتۈرگۈچىلەرگە بىر قىسىم ئەسلى تىپتىكى يانفونلارنى ئەۋەتىپ بېرىشى مۇمكىن ، ئەمما بۇ مەشغۇلات سىستېمىسىنىڭ تەييار بولغانلىقىدىن دېرەك بەرمەيدۇ . ئوخشاش ۋاقىتتا ، Microsoft  تېخنىكا كۆرۈكى نۇسخىسىدىكى مەشغۇلات سىستېمىسىنىڭ ئىقتىدارلىرى ھەرگىز كەمچىل ئەمەس .

بىر قىسىم پەن - تېخنىكا تور بېكەتلەر مەسىلەن  Engadget، Gizmodo قاتارلىق تور بېكەتلەرنىڭ ھەممىسى ئەسلى تىپتىكى يانفوننى تاپشۇرۇپ ئالغان بولۇپ ، ئۇلارغا Windows Phone 7 مەشغۇلات سىستېمىسىنى قاچىلانغان . يېڭى سىستېما  تېگىشىش كۆرۈنمە يۈزنى << Metro >> دەپ ئاتىغان بولۇپ ، Microsoft ھازىر KIN تىپىدىكى ئاللىبۇرۇن توختىتىپ بولدى . ھەرقايسى تەرەپتىن كەلگەن ئۇنىۋېرسال خەۋەرلەرگە  قارىغاندا : يېڭى سىستېمىغا << يېڭىلىق كەمچىل ، چۈشىنىشلىك ، سۈرئىتى تېز ، سەزگۈر >> دېگەندەك باھالار بېرىلدى .

ئېلخەت ،  Office ئىشخانا يۇمتاللىرىنىڭ  قوللىنىشىدىن ئىبارەت بۇ ئىككى چوڭ تېخنىكا كەڭ ئابونىتلارنىڭ قىزغىن ماختىشىغا سازاۋەر بولدى . ئاخباراتتا مۇنداق دېيىلدى : Exchange ، POP3/IMAP4 ياكى Gmail قاتارلىق ئىقتىدارلار سەپلەنگەن بولۇپ ، بۇ ئىشلىتىشكە ناھايىتى ئەپلىك . Engadget تا مۇنداق يېزىلدى : ئومۇمىي گەۋدىسىدىن قارىغاندا ، يانفوندا ئېلخەتنىڭ نورمال ئشلىشى ناھايىتى ياخشى ئەھۋال ، ئۇ بىر ناھايىتى روشەن ئورۇنلاشتۇرۇش بىلەن تەمىنلىدى . بىر قىسىم قوللىنىشچان ئىقتىدارلارنى ئەڭ ئالدىغا قويدى .

ئۇنىڭدىن باشقا ، Windows Phone 7 تور كۆرگۈچ ۋە مىدېئالىق ۋاسىتىلەر بىلەن بىرىكىشى ناھايىتى قالتىس بولدى . مەزكۇر مەشغۇلات سىستېمىسىنىڭ ئىچكى قىسمىغا IE7 تور كۆرگۈچى سەپلەنگەن بولۇپ ، بەزىلەر ،  ئۇ iPhone ۋە Android نىڭ ئاساسىي بولغان قارا بۆلجۈرگەن تور كۆرگۈچىگە تاقابىل تۇرالايدۇ ، دېدى .

Microsoft نىڭ Zune تېخنىكىسى پىشىپ يېتىلگەنلىكى سەۋەبىدىن ئۇنىڭ يېڭى سىستېمىسىنىڭ ئىپادىسى ناھايىتى ياخشى بولدى .

Windows Phone 7 دىكىOutlook بىلەن People نىڭ ئىچىگە سەپلەنگەن Facebook  نۇرغۇن ئابونىتلارغا تېخىمۇ كۆپ قۇلايلىقلارنى ئېلىپ كەلدى .

Windows Phone 7 نىڭ مەۋھۇم كۇنۇپكىسىغا قارىتا ھەرقايسى تور بېكەتلەر پىكىرلەرنى بەردى .

Engadget باھا بېرىپ مۇنداق دېدى : بىز ئۇنى ئەڭ ئالدىغا قويىمىز ، چۈنكى Windows Phone 7 كۇنۇپكىسى ، ئەڭ ، ئەڭ ياخشى ،مەن بۇ جەھەتتە بۇنى iPhone بىلەن ئوخشاش دەرىجىدە ياخشى دەپ قارايمەن . ئەمما Android سېلىشتۇرغاندا مۇتلەق ياخشى . ئۇ ئېنىقكى مەن ھازىرغىچە ئىشلەتكەن ھەرقانداق سۇپىدىكى كۇنۇپكىلار ئىچىدىكى ئەڭ ياخشىسى . iPhone ئۆزىنىڭ مەۋھۇم كۇنۇپكىسىنى ئوتتۇرىغا چىقارغاندا ، نۇرغۇن ئادەم بۇ خىل QWERTY يۇمتال كۇنۇپكىسىنىڭ ئارقا كۆرۈنۈشىدىن گۇمانلانغانىدى . ئەمما ھازىرقى ۋەزىيەتتىن قارىغاندا قۇرۇلمىلار ئۆلچەملىشىش سەۋىيىسىگە يەتكەن .

يىغىنچاقلىغاندا ، ھەرقايسى ئاخبارات ۋاسىتىلىرىنىڭ ئىنكاسىدىن قارىغاندا ، Windows Phone 7 غا بولغان باھالار ناھايىتى ياخشى .

يېڭىلىق يارىتىش كەم

Gizmodo مۇنداق دېدى : Windows Phone 7 ھەقىقەتەن ياخشى ، ئۇ ئۇنىڭغا ئورۇنلاشتۇرۇلغان سەپلىمىلەرمۇ ناھايىتى ياخشى . ھەتتا ئۇ 2009 - يىلنىڭ ئاخىرىغا كەلگۈچە ئەڭ ياخشى ئەقلىي يانفوننىڭ بىرى بولۇپ كەلدى . ئەمما بۇ يېتەرلىكمۇ ؟ ھازىر Android بىلەن iPhone بولسا بىر يېڭى دەۋر ئاچتى ، ئۇلار مىڭ خىلدىن ئارتۇق ئىلغار سەپلىمىگە ئىگە .

Engadget مۇنداق دېدى : نۇرغۇن تەرەپتىن قارىغاندا ، Microsoft ئېلىپ كەلگەن بۇ سىناق بىر مۇكەممەل مەشغۇلات سىستېمىسىدىن دېرەك بەرمەيدۇ . Windows Phone 7 نىڭ مەلۇم قىسمى رومكىغىلا ئوخشايدۇ ، ئۆزگىچە تەتقىق قىلىش ، ئۇ كېيىنكى بىر ئەۋلاد يانفون سۇپىسىنىڭ نەمۇنىسى . بۇ ھەم ياخشى ئىش ھەم يامان ئىش . بىر تەرەپتىن ، Metro قوللىنىشقا بولىدۇ ، ئېنىقكى كۆچمە سۇپىسى ئۇلاش ئېغىزىدا سىناق قىلىنىدۇ . بىز بۇنىڭدىن ھاياجانلانماي تۇرالمايمىز . بۇ ئەقلىي يانفون ساھەسىدىكى بىر ئۇلۇغ ئىلگىرىلەش ھېسابلىنىدۇ . يەنە بىر تەرەپتىن Microsoft ئىشلىتىشكە بولىدىغان مەھسۇلاتلىرىنى ئالماشتۇرۇشى زۆرۈر . ئۇ قىسقىغىچە بىر نەچچە ئاي ئىچىدە ، ناھايىتى كۈچلۈك رىقابەتكە دۇچ كېلىدۇ . بۇ جەرياندا بەزى ئېغىر مەسىلىلەرنى ھەل قىلىشقا توغرا كېلىدۇ . سەمىمىيلىك بىلەن ئېيتقاندا ، بۇلار ناھايىتى ۋەھىمىلىك !

ئەڭ ئاخىردا ، Boy Genius خۇلاسىلەپ مۇنداق دېدى : Windows Phone 7  بىرىنچى iPhone دۇنياغا كۆز ئاچقاندىن تارتىپ ، نۆلدىن باشلاپ ياسالغان ۋە تاھازىرغىچە بازارغىچە كىرمىگەن يانفون بولۇش سۈپىتى بىلەن  ئۇنىڭدا ساقلانغان بەزى يېتەرسىزلىك بولسا بىر بەختسىزلىك ھېسابلىنىدۇ . ئۆتكۈر كۆز بىلەن Windows Phone 7 غا قارىغاندا ، بىز ئۇنىڭدا ئالاھىدە يېڭىلىقنىڭ يوقلۇقنى كۆرىمىز . ئۇ مۇنداقچە ئېيتقاندا ، ھازىرغىچە نامايان بولۇپ بولغان بىر قاتار ئىلغار تېخنىكىلارنىڭ يۇغۇرۇلمىسى ، مەسىلەن ، ئالاقىلاشقۇچى ، ئېكران بەلگىلەش ، يانفون ئەمەلىي قوللىنىشى ۋە مۇزىكا قويغۇچىسى قاتارلىقلار .  ئالاھىدە يېڭىلىق كەم بولغان WP7 يانفونىنىڭ << ئۈچ چوڭ خوجايىن >> غا رەھبەر بولۇش ياكى بولالماسلىقنى بىز ئانچە مۇتلەقلەشتۈرەلمەيمىز .