سىزدە تېلېفوندىن قورقۇش كېسىلى بارمۇ ؟

بۈگۈنكى كۈندە تېلېفۇن كىشىلەرنىڭ ئالاقە ئىشلىرىغا ئىنتايىن زور قولايلىقلارنى ياراتتى،ئەمما بەزى كىشىلەردە تېلىفۇندىن قورقۇش كېسىلى مەۋجۇت.ناۋادا ئۇلار تېلېفون بەرمەكچى بولسا ياكى باشقىلاردىن تېلېفون كەلسە شۇ ھامان ئېسىنى يوقىتىپ جىددىيلىشىپ كىتىدۇ، قىلماقچى بولغان گەپلىرى ئاغزىدىن چۈشۈپ قالىدۇ.ئەمەلىيەتتە تېلېفۇندىن قورقۇش كېسىلىگە گىرىپتار بولغان ئادەمنىڭ قورقىدىغىنى تېلېفون ئەمەس،بەلكى تېلېفوننى قوبۇل قىلىشنىڭ كەينىدىكى يوشۇرۇن ئىشلاردۇر.

پىسخولوگلار مۇندەق دەيدۇ: <<يۈز تۇرانە سۆزلەشكەندە  بىر تەرەپ يەنە بىر تەرەپنىڭ تۈرلۈك ئىپادىسى ۋە روھىي ھالىتىگە قاراپ،ئۇنىڭ نېمە ئويلاۋاتقانلىقىغا تەخمىنىي بولسىمۇ ھۆكۈم چىقىرالايدۇ،بىراق تېلېفوندا سۆزلىشىش بۇ خىل ئەۋزەللىكنى مەلۇم دەرىجىدە سۇسلىتىدۇ،شۇڭا ئادەمدە بىر خىل روھىي جىددىيلىك ئالامىتى كۆرۈلىدۇ.چۈنكى ئۇلاردا قارشى تەرەپتە تۇرغان ئادەمگە نىسبەتەن ئېنىق بىر چۈشەنچە بولمىغاچقا ،ئۇلار تەشەببۇسكارلىق بىلەن تېلېفون بەرمەكچى بولغاندا كىشىلىك مۇناسىۋەتتىكى بۇ خىل ئېنىقسىزلىق تۈرلۈك ئەندىشە ۋە خىياللارنى پەيدا قىلىپ،ئۇلارنى<ئەگەر قارشى تەرەپ ھەقىقەتەن ئالدىراش بولسا قانداق قىلغۇلۇق؟ قارشى تەرەپ تەكلىپىمگە قىزىقمىسا مەنە يەنە نېمە دەيمەن؟ قارشى تەرەپ مېنى ئىنكار قىلىپ قالسا قانداق ھالەتكە چۈشۈپ قالارمەن؟>دېگەندەك ئەندىشىگە مۇپتىلا قىلىدۇ>>.

مۇتەخخەسىسلەر ئاخىرىدا مۇنداق دېيىشتى: <<بولۇپمۇ باشلىق ياكى ئالاھىدە مېھمانلارغا تېلېفون بەرگەندە،بۇ خىل يوشۇرۇن ھالەتتىكى ئەندىشە ئادەمنى ئارىسالدى قىلىپ قويىدۇ،بۇ ھال ئېشىرلاشسا،تۈرلۈك روھىي كېسەللىكلەرنى پەيدا قىلىدۇ. بۇنىڭدىن باشقا،مىجەز-خاراكتېرگە تەسىر كۆرسىتىدىغان تەسىرىمۇ ئىنتايىن چوڭ بولىدۇ. مەسىلەن،.توخۇ يۈرەك،نومۇسچان ۋە تايىنىۋېلىش پىسخىكىسى كۈچلۈك كىشىلەردە تېلېفوندىن قورقۇش كېسىلى تېخىمۇ كۈچلۈك بولىدۇ>>.

(ئامانگۈل مەمەت تەرجىمىسى)

( تەھرىر : ئاقيول تورى )