ئامېرىكا ئىنژىنېرلىرى يانفۇنغا قول تىلىنى تونۇتۇشنى سىناق قىلدى

چەتئەل ئاخبارات ۋاستىلىرىنىڭ خەۋىرىگە قارىغاندا، ئامېرىكا ۋاشىنگىتون ئۇنۋېرستېتىنىڭ ئىنژىنېرلىرى ھازىر MobileASL ناملىق بىر قورالنى سىناق قىلىۋىتىپتۇ، بۇ قورالدىن پايدىلىنىپ، ھەرىكەت سىنزور تېخنىكىسى ئارقىلىق ئامېرىكىچە ئىما-ئىشارەت تىلىنى پەرقلەندۈرگىلى بولىدىكەن ھەمدە يانفۇندا رەسىم يوللىغىلى بولىدىكەن.

ئامېرىكا لاۋت ئۇنۋېرسىتېتىنىڭ تەتقىقاتچىسى، ۋاشىنگتون ئۇنۋېرسىتېتىدىكى مەزكۇر تۈرنىڭ قاتناشقۇچىسى Tong Song:<<بەزىدە پەقەت يېزىقتىن پايدىلىنىپلا، كىشىلەرنىڭ مەقسىتىنى پۈتۈنلەي چۈشىنىپ كەتكىلى بولمايدۇ. MobileASL ئارقىلىق، كىشىلەر قارشى تەرەپنى كۆرەلەيدۇ، بۇ ئارقىلىق قارىشى تەرەپ ئىپادىلىگەن مەقسەتنى تېخىمۇ ئېنىق چۈشىنەلەيدۇ.>> دېدى.

ۋاشىنگتون ئۇنۋېرسىتېتى ئېلېكترون قۇرۇلۇشى پروفىسسورى Eve Riskin ئىپادە بىلدۈرۈپ، MobileASL كوللىكتىپىنىڭ 11 نەپەر ئوقۇغۇچىغا قارىتا تەتقىقات ئېلىپ بېرىپ، گاس ۋە ئاڭلاش سېزىمى توسالغۇغا ئۇچىرىغانلارنىڭ سۆرەتلىك پاراڭلىشىش مۇلازىمىتىنى قانداق ئىشلىتىدىغانلىقىنى ئېنىقلىغانلىقىنى ئېيتتى. تەتقىقاتچىلار بۇ يىل قىشتا تېخىمۇ كەڭ كۆلەملىك سىناقنى باشلىماقچىكەن.

ئىنژىنېرلار نۆۋەتتە قانداق قىلىپ ئامېرىكا قول ھەرىكەت تىلىنىڭ سۆرەتلىك سىگنالىنى ئەلالاشتۇرۇپ، يۈز قىسىم بىلەن قولنىڭ سۈرەت سۈپىتىنى يۇقىرى كۆتۈرۈشنى ھەمدە يوللانغان ئۇچۇرنىڭ 30kbps غا چۈشۈرۈشنى تەتقىق قىلىۋىتپتۇ. ئەمگەك سەرپىياتىنى ئەڭ تۆۋەن چەككە چۈشۈرۈش ئۈچۈن، يانفۇنغا ھەرىكەت سېنزورى ئىشلىتىش ئارقىلىق قول تىلى ئىشىلىتىۋاتقانلىقىغا ھۆكۈم قىلىنىدىكەن.

HTC Evo بىلەن iPhone 4 قاتارلىق يانفۇنلار ئاللىقاچان سۆرەتلىك يىغىن ئىقتىدارىنى قوللاپ بولدى، شۇنداقتىمۇ، كەڭ بەلباغ مۇلازىمىتى بىلەن تەمىنلىگۈچىلەر نۆۋەتتە يۇقىرى كەڭ بەلباغلىق سۆرەتلىك يىغىن مۇلازىمىتىگە نۇرغۇن چەكلىمە قويدى ھەمدە ئۇچۇر مۇلازىمىتىنىڭ ئىشلىتىش مىقدارىغا قاراپ دەرىجىگە ئايرىپ ھەق ئېلىش ئۆلچىمىنى يولغا قويدى.

ۋاشىنگتون ئۇنۋېرسىتېتىدىكى تەتقىقات گۇرۇپپىسى، MobileASL ئىگىلىگەن كەڭ بەلباغنىڭ ئالما شىركىتىنىڭ FaceTime مۇلازىمىتىنىڭ 10/1 گە تەڭ ئىكەنلىكىنى بايقىدى. شۇ سەۋەبتىن، ئىشلەتكۈچىلەر كۆپ پۇل خەجلەپ iPhone 4 ۋە كەڭ بەلباغ مۇلازىمىتى سېتىۋالمىسىمۇ، MobileASL نىڭ سۆرەتلىك مۇلازىمىتىنى ئىشلىتەلەيدۇ.

Riskin :<<بىز ئامال بار تېخىمۇ كۆپ ئۈسكۈنىلەرنىڭ ئىشلەتكۈچىلەر ئۈستىگە ئالالايدىغان، ئىشەنچىلىك مۇلازىمەت بىلەن تەمىنلىشىنى ئۈمۈد قىلىمىز. بۇ كۆچمە خەۋەرلىشىش تېخنىكىسىنى ئادىل ئىشلىتىشكە مۇناسىۋەتلىك مەسىلە.>> دېدى.

( تەھرىر : ئاقيول تورى )