موتورولا ئالمىنى 18 تۈرلۈك پاتنېت ھوقۇقىغا دەخلى-تەرۇز قىلدى دېدى

چەتئەل ئاخبارات ۋاستىلىرىنىڭ خەۋەر قىلشىچە، موتورولا شىركىتى چارشەنبە كۈنى ئالما شىركىتىگە قارىتا ئۈچ تۈرلۈك ئەرزنامە چىقىرىپ، سىمسىز ۋە كۆچمە ئۈسكۈنىلىرىنىڭ موتورولا شىركىتىنىڭ پاتنېت ھوقۇقىغا دەخلى تەرۇز قىلغانلىقىنى ئېيتقان.

موتورولا شىركىتىنىڭ ئېيتىشىچە، مەزكۇر شىركەت ئاللىقاچان ئامېرىكا سودا كومېتىتى (ITC) ۋە ئىلىنوس شىتاتىنىڭ شىمالى رايون سوتى بىلەن فلورىدا شىتاتىدىكى جەنۇبى رايون سوتىغا ئالما شىركىتىنىڭ پاتنېت ھوقۇقىغا دەخلى-تەرۇز قىلغانلىقى توغرىلىق ئەرزنامە سۇنغانلىقىنى ئېيتقان. ئەرزنامىدە، ئالما شىركىتىنىڭ iPhone، iPad، iTouch ۋە باشقا بىر قىسىم PC مەھسۇلاتلىرىنىڭ موتورولا شىركىتىنىڭ ئانتېنا لايھىسى ۋە باشقا ئەقلىي يانفۇن تېخنىكىسى قاتارلىق ساھەلەردىكى پاتنېت ھوقۇقىغا دەخلى-تەرۇز قىلغانلىقى ئېيتىلغان. بۇ ئەيبلەشكە ئاساسەن، موتورولا شىركىتى ئالما شىركىتىنىڭ ئۆزىنىڭ 18 تۈرلۈك پاتنېت ھوقۇقىغا دەخلى-تەرۇز قىلدى دېگەن.

ئالما شىركىتىنىڭ باش شىتابى

موتورولا شىركىتىنىڭ ئېيتىشىچە، ئۇلار ئامېرىكا سودا كومېتىتىنىڭ بىر تۈرلۈك بۇيرۇق چۈشۈرۈپ، ئالما شىركىتىنىڭ پاتنېت ھوقۇقىغا دەخلى-تەرۇز قىلىنغان مەھسۇلاتلارنى ئىمپورت قىلىش، سېتىش، تىجارەت قىلىش ياكى ئامباردا ساقلىشىنى چەكلەشنى تەلەپ قىلغان.

موتورولا شىركىتىنىڭ بىلىم مۈلۈك ھوقۇقىغا مەسئۇل يۇقىرى دەرىجىلىك مۇئاۋىن مۇدىرى Kirk Dailey مۇنداق دېدى:«ئالما شىركىتى يېقىندا ئالاقە بازىرىغا كىرگەندىن كېيىن، بىز ئۇزۇن سۆھبەتلەشتۇق، لېكىن ئالما شىركىتى ئىزچىل بىزنىڭ قانۇنلۇق ھوقۇققا ئېرىشىشنى رەت قىلدى. بىزنىڭمۇ باشقا تاللىشىمىز يوق، پەقەت ئەرز قىلىش ئارقىلىق ئۇلارنىڭ داۋاملىق دەخلى-تەرۇز قىلىشىنى توسالايمىز. موتورولا شىركىتى داۋاملىق زۆرۈر تەدبىرلەرنى قوللىنىپ ئۆزىنىڭ تەتقىق قىلىپ ياساش ۋە بىلىم مۈلۈك ھوقۇقىنى قوغدايدۇ، بۇ شىركەتنىڭ كەسىپلىرىگە نىسبەتەن ئىنتايىن مۇھىم.»

ئالما شىركىتىنىڭ باياناتچىسى بۇنىڭغا قارىتا تېخى ئىنكاس قايتۇرمىدى.

بۇ يانفۇن پاتنېت ھوقۇقى ماجرالىرى ئىچىدىكى ئەڭ يېڭى بىر ماجرا. ئۆتكەن ھەپتىنىڭ جۈمە كۈنى، مىكروسوفت موتورولاغا قارىتا بىر تۈرلۈك ئەيبنامە چىقىرىپ، ئۇنى Android يانفۇنىنىڭ پاتنېت ھوقۇقىغا دەخلى-تەرۇز قىلدى دېگەن. مىكروسوفت ئامېرىكا خەلقئارا سودا كومېتىتى ۋە ۋاشىنگتون غەربىي رايون سوتىغا ئەرز سۇنۇپ، موتورولا شىركىتىنىڭ 9 تۈرلۈك پاتنېت ھوقۇقىغا دەخلى-تەرۇز قىلغانلىقىنى ئېيتقان، بۇ پاتنېتلار ئېلخەت ماس قەدەملەشتۈرۈش، كالىندار ۋە ئالاقىلاشقۇچىلار دەپتىرى، كۈندىلىك ئورۇنلاشتۇرۇش، سىگنال دەرىجىسى ۋە باتارىيە ئەھۋالىنى مەلۇم قىلىش ئىقتىدارى قاتارلىقلارغا چېتىلىدىكەن.

بۇنىڭدىن ئىلگىرى، ئالما شىركىتى 3-ئايدا خۇڭدا ئېلېكترۇنىغا قارىتا ئەيبنامە چىقىرىپ، ئۇنى iPhone نىڭ ئىشلەتكۈچى يۈزى، ئاساسى قۇرۇلما ۋە قاتتىق ماتېرىياللارغا مۇناسىۋەتلىك 20 تۈرلۈك پاتنېتقا دەخلى-تەرۇز قىلدى دەپ ئەيبلىگەن؛ چىغىناق-تارغاق يېزىقىمۇ 8-ئايدا گوگىلنى ئەرز قىلىپ، Android يانفۇن مەشخۇلات سىستېمىسىنىڭ يۇمشاق دېتال پاتنېتىغا دەخلى-تەرۇز قىلغانلىقىنى ئەيبلىگەن.

( تەھرىر : ئاقيول تورى )