ئەسسالامۇ ئەلەيكۇم ، مۇئەللىم بىلوگىغا كىرگەن ئەزىز ئوقۇرمەن ، كەلگەن قەدىمىڭىز قۇتلۇق بولسۇن !
كۆچمە ئۈسكۈنىلەرنىڭ تەرەققىياتى ۋە ئەقلى ئىقتىدارلىق تېلېفۇنلار ئېلىپ كەلگەن تور ئازادىلىكى نۇرغۇنلىغان بېكەت ۋە بىلوگلارغا كۆچمە ئۈسكۈنلەرگە ماسلاشتۇرۇش تەلىپىنى قويدى . كۈندىلىك تۇرمۇشتا تېلېفۇن بىز ئىھتىياجلىق بولغان سۇ ، ھاۋا ، ئوزۇقلۇققا ئوخشاش مۇھىم تەركىبى قىسمىمىزغا ئايلاندى ۋە ئايلىنىۋاتىدۇ . مەيلى تۇرمۇش ، ئۆگىنىش ، خىزمەت بولسۇن ، قولىمىزدىن تېلېفۇن چۈشمەيدىغان بولدى . بۇرۇن تېلېفۇن پەقەت ئاددى ھالدىكى ئالاقىلىشىش ئىشلىرىغىلا ئىشلىتىلگەن بولسا ، ئەمدىلىكتە بۇر تار دائىرىدىن ھالقىپ ، چەكلىمىلىكتىن چەكسىزلىككە قاراپ يۈزلىنىپ ، تېخىمۇ قولاي ، ئەپلىك بولغان ، كۆپ خىللاشقان ئۇچۇر مۇھىتى ۋە كۆڭۈل ئېچىش ، مەدەنىيەت ئالماشتۇرشتىكى ۋاستىگە ئايلاندى ....
كومپىيۇتىر ۋە كومپىيۇتىر تورى تېخى ئومۇملىشىشنىڭ دەسلەپكى باسقۇچىدا تۇرغان ، جۇغراپىيىلىك شارائىتىنىڭ چەكلەش كۈچىدىن ھالقىيالمايۋاتقان بۇ ۋاقىتتا ، سىمىسىز تورنىڭ ئەقلى ئىقتىدارلىق تېلېفۇن ئارقىلىق بۇ بوشلۇقنى تولدۇرۇشى تېلېفۇننىڭ كەڭ كۆلەمدە ئىشلىتىلىشى ۋە ئومۇملىشىشىنى ئىلگىرى سۈردى . دېمىسىمۇ ، مەيلى تەرەققى قىلغان شەھەرلەر بولسۇن ، ياكى چەت ، يىراق ، تاغلىق رايۇنلار بولسۇن ، سىمىسىز تېلېفۇن سېگىنالى بار جايلاردا ، مەيلى بايۋەتچە ياكى ئاددى دېھقان بولسۇن ، ھەممەيلەننىڭ قولىدا ، ھەر بىر ئائىلىدە ئەقلىي ئىقتىدارلىق تېلېفۇن بار بولدى . بۇنىڭ تۈرتكىسىدە ئۈندىدار ۋە تېلېفۇندا تور ئارىلاش مودا بولدى .
ئەسلى مەقسەتكە كەلسەك ، نۆۋەتتە يىڭىدىن ياساپ چىقىلغان بىلوگ ئۇسلۇبلىرى ماسلىشىشچانلىقنى ئاساس قىلىپ ياسالماقتا ، بۇنىڭدىكى ئاساسلىق سەۋەپ يەنىلا كۆچمە ئۈسكۈنىلەر ، بۇ خىل ئۇسلۇبلار كومپىيۇتىر ۋە كۆچمە ئۈسكۈنىلەرگە ماسلاشتۇرۇلغان بولۇپ ، قىستۇرما ئىشلىتىلمەيدۇ ، پەقەتلا ئىككى قۇر كود ئارقىلىق بېكەتنى زىيارەت قىلىغۇچى ئۈسكۈنىنى ئانالىز قىلىپ ، بېكەتنى زىيارەت قىلىدىغان ئۈسكۈنە تېپىغا ھۆكۈم قىلىش ئارقلىق ، ئۇسلۇبنى شۇ خىل ئۈسكۈنىگە ماس ھالدا كۆرسىتىپ بېرىدۇ .
مۇئەللىم بىلوگى ئۇسلۇبى توغرىسىدىكى يازمىدا ئوتتۇرغا قويۇلغان سۇئاللار :

بۇ سۇئاللارغا كەلسەك ، مۇئەللىم بىلوگى نۆۋەتتە ئىششلىتىۋاتقان ئۇسلۇب ، تېگىدىن ماسلىشىشچان قىلىپ لايىھەلەنمىگەن ، شۇنداق بولغاچقا ، تېلېفۇن ئۇسلۇبىغا ئايرىم ئۇسلۇب ئىشلىتىلدى . تېلېفۇن ئۇسلۇبى قاچىلىنىش جەھەتتە باش ئۇسلۇب بىلەن ئوخشاش مۇندەرىجىگە قاچىلىنىدۇ . كۆرسىتىلىش جەھەتتە بىر تال قىستۇرما ئارقىلىق(سالھى بەگ ئىنكاسىدا ئوتتۇرغا قويغان يازمىسىدا نامى تىلغان ئېلىنغان قىستۇرما ) زىيارەت قىلغۇچى ئۈسكۈنە تېپىغا ماس ھالدا كۆرسىتىش ئەمەلگە ئاشۇرۇلغان . بۇ قىستۇرمىدا ئىككى خىل تاللاش بار .
1. كومپىيۇتىردا قايسى ئۇسلۇبنى كۆرسىتىسىز ؟ (رامكىدا سىز تاللايدىغان قاچلىنىپ بولۇنغان ئۇسلۇب نامى بار بولۇپ ، تاللاپ قويسىڭىزلا بولىدۇ) ، قايسى ئۇسلۇبنى تاللاپ قويسىڭىز ، كومپىيۇتىردا زىيارەت قىلسىڭىز ، بۇ قىستۇرما سىز تاللاپ بەرگەن ئۇسلۇبنى ئىجرا قىلىپ بېرىدۇ .
2.كۆچمە ئۈسكۈنىدە قايسى ئۇسلۇبنى كۆرسىتىسىز ؟ ئوخشاشلا سىز تاللاپ بەرگەن ئۇسلۇبنى ئىجرا قىلىپ بېرىدۇ .
دېمەك ، مۇئەللىم بىلوگى ئۇسلۇبى ۋە مۇئەللىم بىلوگى يانفۇن ئۇسلۇبى كۆرۈنمە يۈزى ئوخشاش بولمىغان ئىككى مۇستەقىل ئۇسلۇب . كۆچمە ئۈسكۈنە ۋە كومىيۇتىردا كۆرسىتىش جەھەتتە قىستۇرمىغا تاينىدۇ .
قىستۇرمىغا تايانغاندا بېكەتنىڭ ئېچىلىش سۈرئىتى ئاستا بولۇپ قالمامدۇ ؟ بۇ مەسلىگە قارىتا ، تېلېفۇندا ۋە كومىيۇتىردا زىيارەت قىلىش ئارقىلىق جاۋابىنى ئۆزىڭىز يەكۈنلەڭ ......

كۆچمە ئۈسكۈنە ئىشلەتكۈچىلەر ئۈچۈن
بىلوگ يازمىلىرى ئىككىلىك كودى !