چەت ئەل تاراتقۇلىرىنىڭ خەۋىرىگە قارىغاندا، ئەنگلىيە ئاساسلىق مەنزىرە نۇقتىسى جەمئىيىتى (ALVA) يېڭىدىن تۇرغۇزغان ئەنگلىيەدىكى ساياھەتچىلەرنى ئەڭ جەلپ قىلىدىغان ئون ساياھەت ئورنى تەرتىپىگە قارىغاندا، لوندوندىكى بۈيۈك ئەنگلىيە مۇزىيى داۋاملىق تۈردە بىرىنچى ئورۇندا تۇرغان.
ئىككىنچى ئورۇندا تۇرىدىغىنى ئەنگلىيە دۆلەت گۈزەل سەنئەت سارىيى بولۇپ، لوندون تېمس دەرياسى بويىدىكى جەنۇبىي ساھىل مەدەنىيەت مەركىزى ئۈچىنچى بولغان. ئالدىنقى ئون ئورۇندا تۇرىدىغان مەنزىرە نۇقتىسى ئىچىدە، لوندون شەھىرىنىڭ سىرتىدىمۇ بىرسى بار بولۇپ، ئۇ ئونىنچى ئورۇندا تۇرىدىغان بىرمىڭخام كۈتۈپخانىسى. 2013-يىلى سېلىنغان بىرمىڭخام كۈتۈپخانىسى ئالدىنقى يىلى 2414860 (ئادەم \ قېتىم ) ساياھەتچىنى قوبۇل قىلغان بولۇپ، بۈيۈك ئەنگلىيە كۈتۈپخانىسىنىڭ 1627599 (ئادەم \ قېتىم ) ساياھەتچى سانىدىن ئېشىپ چۈشكەن.
ئەنگلىيەدىكى ساياھەتچىلەرنى ئەڭ جەلپ قىلىدىغان ئون ساياھەت نۇقتىسى ئايرىم-ئايرىم ھالدا : بۈيۈك ئەنگلىيە مۇزىيى، ئەنگلىيە دۆلەت گۈزەل سەنئەت سارىيى، جەنۇبىي ساھىل مەدەنىيەت مەركىزى، تەتى ھازىرقى زامان گۈزەل سەنئەت سارىيى، تەبىئەت تارىخى مۇزىيى، پەن-تېخنىكا مۇزىيى، ۋىكتورىيە ۋە ئالبېرت مۇزىيى، لوندون مۇنارى، سومېرسېت ئوردىسى ۋە بىرمىڭخام كۈتۈپخانىسى.

بۈيۈك ئەنگلىيە مۇزىيى