كورىيە بىرلەشمە ئاخبارات ئاگېنتلىقىنىڭ خەۋىرىگە قارىغاندا، كورىيە دۆلەت مۇداپىئە مىنىستىرلىكىنىڭ 2012- يىلدىكى سانلىق مەلۇماتىدا كۆرسىتىلىشىچە، چاۋشيەن يادرو قورالى تەتقىقاتى ئۈچۈن 1 مىليارد 100 مىليون دوللاردىن، 1 مىليارد 500 مىليون دوللارغىچە خىراجەت سەرپ قىلغان.

    كونكرېت قىلىپ ئېيتقاندا نىڭبيەندە يادرو يېقىلغۇ ماتېرىيالى زاۋۇتى ياساش، يادرو ئەخلەتلىرىنى بىر تەرەپ قىلىش ئەسلىھەسى ۋە يادرو رىئاكسىيە قازىنى قاتارلىق ئەسلىھە قۇرۇلۇشى ئۈچۈن 600~700 مىليون دوللار سەرىپ قىلىنغان؛ قويۇقلاندۇرۇلغان ئۇران سېنترىفۇگ قاتارلىق يادرو قويۇقلاشتۇرۇش ئەسلىھەسى ياساش ئۈچۈن 200~400 مىليون دوللار سەرىپ قىلىنغان؛ يادرو قورالى تەتقىقاتى ۋە يادرو سىنىقى ئۈچۈن 160~230 مىليون دوللار سەرپ قىلىنغان. يادرو بېرىكىش رىئاكسىيەسىگە مۇناسىۋەتلىك ئۇل ئەسلىھە تەتقىقاتى ئۈچۈن 100~200 مىليون دوللار سەرىپ قىلىنغان.

   ئەينى ۋاقىتتىكى كۆممىقوناق باھاسىغا سۇندۇرۇپ ھېسابلىغاندا، چاۋشيەننىڭ يادرو تەتقىقاتى ئۈچۈن خەجلىگەن پۇلى پۈتكۈل چاۋشيەن خەلقىنىڭ بىر يېرىم يىللىق ئاشلىق ئېھتىياجىنى قامدىيالايدىكەن. ئەمما يۇقرىقى خىراجەتلەر 2013- يىلى ئېلىپ بېرىلغان 3- قېتىملىق يادرو سىنىقى ۋە بۇ يىلقى 4- قېتىملىق يادرو سىنىقى ئۈچۈن سەرىپ قىلىغان خىراجەتلەرنى ئۆز ئىچىگە ئالمايدىكەن.