ئىز تورى-爱智网

　　  جۇڭگو ئۇيغۇرچە رادىيو تورى 23-نويابىر بېيجىڭ خەۋىرى:  ئارگېنتىنا دۆلەتلىك ئىستاتىستىكا ئىدارىسى 22-نويابىر ئېلان قىلغان دوكلاتتا مۇنداق دېيىلدى: بۇ يىل 1-ئايدىن 10-ئايغىچە جۇڭگو بىلەن ئارگېنتىنانىڭ ئىككى تەرەپلىك سودا سوممىسى 14 مىليارد 570 مىليون ئامېرىكا دوللىرىغا يېتىپ، ئىككى دۆلەتنىڭ يىللىق ئىككى تەرەپلىك سودا سوممىسى 14 مىليارد 400 مىليون ئامېرىكا دوللىرىلىق رېكوردىدىن ئېشىپ كەتتى. جۇڭگونىڭ ئارگېنتىنادا تۇرۇشلۇق ئەلچىخانىسىنىڭ سودا مەسلىھەتچىسى ياڭ شىدى مۇنداق دېدى: دۇنيا ئىقتىسادى ۋە سودىسىدا تۆۋەنلەش كۆرۈلگەن ئەھۋالدا، جۇڭگو بىلەن ئارگېنتىنانىڭ ئىككى تەرەپلىك سودىسىدا داۋاملىق ئېشىش ۋەزىيىتى ساقلىنىپلا قالماستىن، بەلكى تارىخىي يېڭى رېكورت يارىتىلدى. بۇ كىشىنى ئىنتايىن روھلاندۇرىدۇ، بۇ جۇڭگو بىلەن ئارگېنتىنانىڭ ئىقتىسادىنىڭ مۇقىم، ساغلام ئەسلىگە كەلگەنلىكىنىڭ ئىنكاسى بولۇپلا قالماستىن، بەلكى ئىككى دۆلەت ھۆكۈمىتىنىڭ ئىككى تەرەپلىك سودىنىڭ مۇقىم تەرەققىي قىلىشىنى ئىلگىرى سۈرۈشتە قولغا كەلتۈرۈلگەن ئىجابىي نەتىجىسى.