شىنخۇا تورى كارىباكاس 13–سېنتەبىر تېلېگراممىسى : ۋېنسۇئېلا بولىۋار ئىشىتاتىنىڭ باشلىقى گومېزنىڭ 13–سېنتەبىر دەلىللىشىچە ، شۇ كۈنى ئايروپىلان چۈشۈپ كېتىش ۋەقەسى يۈز بەرگەن بولۇپ ، 15ئادەم قازا قىلىپ ، 36 ئادەم يارىلانغان .
گومېز ئاخبارات ئېلان قىلىش يىغىنىدا مۇنداق دېدى : شۇ جاي ۋاقتى چۈشتىن بۇرۇن سائەت 10:30 ئەتراپىدا ، ۋېنسۇئېلا ئاۋىياتسىيە گۇرۇھىنىڭ 51 ئادەم ئولتۇرغان يولۇچىلار ئايروپىلانى پورلامار شەھىرىدىن ئورداز شەھىرىگە ئۇچۇۋېتىپ ، بولىۋار ئىشىتاتىنىڭ گۋىئانا شەھىرىگە كەلگەندە چۈشۈپ كەتكەن . ئىگىلىنىشىچە ، ئايروپىلاندا 47 يولۇچى ۋە تۆت ئايروپىلان خادىمى ئولتۇرغان ئىكەن .
گومېز مۇنداق دېدى : ئايروپىلاننىڭ ھادىسىگە ئۇچراش سەۋەبى تېخى ئېنىق ئەمەس ، لېكىن ئايروپىلان باشلىقى ۋەقە يۈز بېرىشتىن بۇرۇن گۋىئانا شەھىرىدىكى كونتروللاش مۇنارىغا ئايروپىلاننىڭ كونتروللىقىنى يوقاتقانلىقى توغرىسىدا دوكلات بەرگەن .
