شىنخۇا تورى خىيلۇڭجىياڭ يىچۈن 25–ئاۋغۇسىت تېلېگراممىسى : يىچۈن شەھىرىنىڭ باشلىقى ۋاڭ ئەيۋىننىڭ تونۇشتۇرۇشىچە ، يىچۈندىكى ‹‹24–ئاۋغۇست›› يولۇچىلار ئايروپىلانى ھادىسىگە ئۇچراش ۋەقەسىدە 42 ئادەم قازا قىلغان ، 54 ئادەم يارىلانغان . بۇنىڭ ئىچىدە 7 ئادەمنىڭ يارىسى ئېغىر ئىكەن . نۆۋەتتە ، يارىلانغانلار يىچۈن شەھىرىدىكى تۆت دوختۇرخانىدا داۋالىنىۋېتىپتۇ .
24–ئاۋغۇسىت سائەت 21دىن 36 مىنۇت ئۆتكەندە ، خاربىندىن يىچۈنگە قاراپ ئۇچقان يولۇچىلار ئايروپىلانى يىچۈن لىندۇ ئايرودرومى ئەتىراپىدا ھادىسىگە ئۇچرىغان . ئەينى ۋاقىتتا ئايروپىلاندا جەمئىي 96 ئادەم بار بولۇپ ، بۇنىڭ ئىچىدە 91نەپىرى يولۇچى ، 5 نەپىرى ئايروپىلان خادىمى ئىكەن .
25–ئاۋغۇست سەھەر سائەت 6:15 دە ، شىنخۇا ئاگېنتلىقىنىڭ مۇخبىرى ئۈچ دانە دەپنە ئىشلىرى مۇلازىمىتى ئاپتوموبىلىنىڭ ھادىسە يۈز بەرگەن نەق مەيدانغا كېلىپ ، قازا قىلغانلارنىڭ جەسىتىنى يۆتكەۋاتقانلىقىنى كۆرگەن . ئىگىلىنىشىچە ، جەسەتلەر دەپنە ئىدارىسىغا ئېلىپ بېرىلىپ ، قازا قىلغانلارنىڭ ئائىلە تاۋابىئاتلىرىنىڭ جەسەتلەرنى تونۇۋېلىشىغا قۇلايلىق يارىتىلىدىكەن .
