ئەنگىلىيە يېڭىدىن تەتقىق قىلىپ ياسىغان يۇقىرى تېخنىكىلىق ئادەمسىز كۆرۈنمەس ئۇرۇش ئايروپىلانى 12-ئىيۇل بېرمىنھامدا كۆرگەزمە قىلىندى . بۇ ئايروپىلاننىڭ ئىسمى Taranis بولۇپ ، قەدىمكى رىۋايەتلەردىكى <چاقماق مۇئەككىلى> دىن نەقىل ئېلىنغان . مەزكۇر ئايروپىلان راداردىن نىقابلىنىش ، ئاپتوماتىك قوغدىنىش ۋە كۆپ خىل نىشانغا بىرلا ۋاقىتتا زەربە بېرىش قاتارلىق ئالاھىدە ئارتۇقچىلىقلارغا ئىگە . ئۇندىن باشقا يەنە يەر يۈزىدىن تىزگىنلەش بولمىغان ئەھۋال ئاستىدا سۈنئىي ھەمرادىن سىگنال قوبۇل قىلىپ دۈشمەن ئايروپىلانىغا ئاپتوماتىك ھۇجۇم قىلالايدۇ ھەمدە قىتئە ئاتلاپ يەر يۈزىدىكى نىشانلارغا زەربە بېرەلەيدۇ .
بۇ ئايروپىلاننى ئەنگىلىيە BAE سېستىما شىركىتى ، Qinetiq شىركىتى ، Rolls-Royce شىركىتى ۋە GE Aviation تەتقىقات ئورنى قاتارلىق ئورۇنلار بىرلىشىپ 4 يىل ۋاقىت سەرپ قىلىپ تەتقىق قىلىپ چىققان بولۇپ ، ياسىلىش تەننەرخى 143 مىليون فوندتىن ئېشىپ كەتكەن . 2011-يىلى رەسمىي سىناپ ئۇچۇرۇش مۆلچەرلەنمەكتە .
