بېيجىڭ شەھەرلىك قاتناش كومىتېتىنىڭ يېقىندا ئېلان قىلغان تەكشۈرۈش دوكلاتىدا كۆرسىتىلىشىچە بېيجىڭ شەھىرىدە ئالدىنقى يېرىم يىل ئىچىدىلا 345 مىڭ ئاپتوموبىل كۆپىيىپ , كۆپىيىش مىقدارى شىجياجۇاڭ شەھىرىنىڭ پۈتۈن يىللىق ماتورلۇق قاتناش ۋاستىلىرى ئومۇمىي سانىدىن ئېشىپ كەتكەن . شۇنىڭ بىلەن بىر ۋاقىتتا يەنە پايتەختتىكى ئاممىۋى قاتناش ۋاستىلىرىنىڭ ئىشلىتىلىش نىسبىتى مۇقىم سۈرئەتتە ئېشىپ , ئېشىش نىسبىتى %39.3 كە يەتكەن .
نۆۋەتتە بېيجىڭ شەھىرىدە ئېيىغا 57500 يېڭى ئاپتوموبىل كۆپىيىدىغان بولۇپ , قاتناش قىستاڭچىلىقى تارىختىكى ئەڭ يۇقىرى سەۋىيىگە يەتكەن . بولۇپمۇ ماشىنا توختىتىش ئورۇنلىرىنىڭ قىسلىقى نۆۋەتتىكى ئەڭ ئېغىر مەسىلىلەرنىڭ بىرى بولۇپ , بىر قىسىم مۇتەخەسىسلەر ئاپتوموبىلارنىڭ سېتىلىش مىقدارىغا بەلگىلىك دەرىجىدە چەك قويۇشنىڭ زۆرۈرلىكىنى تەكىتلىدى .
خەۋەر ئورتاقلاشقاندا تەرجىمە ئورگىنال مەنبەسىنى ئەسكەرتىشنى ئۇنۇتماڭ، رەھمەت!
