تەۋسىيە يازمىلار
ئاۋات يازمىلار
ئەڭ يېڭى يازمىلار
كۆپ باھالىق يازمىلار
يازما ئىزدەش
Tag لەر رېتى
دوستانە ئۇلىنىشلار

يەككە تىجارەت قىلىش ياكى خوجايىن بولۇش ئىگىلىك تىكلىگەنلىك ھېسابلانمايدۇ

يەككە تىجارەت قىلىش ياكى خوجايىن بولۇش ئىگىلىك تىكلىگەنلىك ھېسابلانمايدۇ

ۋاقتى: 2016-07-24 ئاۋاتلىقى: 2315 قېتىم

يانفوندا كۆرۈش

يەككە تىجارەت قىلىش ياكى خوجايىن بولۇش ئىگىلىك تىكلىگەنلىك ھېسابلانمايدۇ


ئەلۋەتتە بىزنىڭ تەھلىلىمىز پەقەتلا كۆلەم جەھەتتە بولسا،ئۇنداقتا بىزنىڭ بۇ تېمىدا سۆزلىشىشىمىز ھاجەتسىز.

قىياس قىلىپ باقايلى :  سىز ھازىر ئۆيدە ئولتۇرۇپ خىزمەت قىلىۋاتىسىز.بالىلىرىڭىز ئەتراپىڭىزدا ئوينىماقتا،ئايالىڭىز ياكى يولدىشىڭىز بالىلارغا سىزنىڭ خىزمىتىڭىزگە دەخلى قىلماسلىق توغرىسىدا گەپ قىلدى.لېكىن بالىلىرىڭىز يەنىلا ئۆز ئويۇنلىرى بىلەن مەشغۇل بولدى.بالىلارغا نىسبەتەن خىزمەت قىلىش ناھايىتى مەنىسىز بىر ئىش،چۈنكى چوڭلارنىڭ خىزمەت قىلىشى بالىلارغا ھەمراھ بولالمايدىغانلىقىنى بىلدۈرىدۇ.ئۇلارچە بولسا چوڭلارنىڭ خىزمىتى تىراكتور ھەيدەش،ماللارغا يەم بېرىش،چىملىقلارنى پەرۋىش قىلىش،ماشىنا رېمونت قىلىش قاتارلىقلار بولۇپ بۇ خىزمەتلەر ئۇلارنىڭ نەزىرىدە پۇل تېپىپ جان باققىلى بولىدىغان ئىشلار.بىراق سىزنىڭ ئۆيدە ئولتۇرۇپ قىلىۋاتقان ئىشلىرىڭىز ئوخشىمايدۇ،بىر بالىغا نىسبەتەن سىزنىڭ قىلىۋاتقىنىڭىز مەنىسىز بىر ئىش.

 - تىرىكچىلىك ئۈچۈن تىرىشىش؟ ئۇ نېمە دېگەن گەپ؟

 - ئەخمەق،ئۇ دېگەن پۇل تېپىش دېگەن گەپ.

 - ھە.

بۇ چاغدا بالىڭىز مۇنداق ئويلايدۇ؛

مەنمۇ چوڭ بولۇپ ئاپام دادامنىڭ يېشىغا بارغاندا ئۇلارغا ئوخشاش مەنىسىز ئىشلارنى قىلىپ ھاياتىمنىڭ ئاخىرىغىچە تىرىكچىلىك ئۈچۈن تىرىشىمەنمۇ ؟

يۇقىرىقى ئەمەلىيەتكە ئاساسەن مەزكۇر كىتاب تۆۋەندە بىر نەچچە نۇقتىنى ئوتتۇرىغا قويىدۇ،دەل مۇشۇ نۇقتىلار سىزنىڭ بۇ كىتابنى تاللىشىڭىزدىكى سەۋەبدۇر.

ئەھمىيەتلىك ئىجادىيەت يولى ئۈستىدە ئىزدىنىڭ.ئىزدىنىشىڭىزنىڭ ئەھمىيىتى پەقەتلا تىرىكچىلىك،كۈن ئۆتكۈزۈش،ياكى ئۆز ئالدىڭىزغا خوجايىن بولۇش ئۈچۈن بولمىسۇن.

تېخىمۇ ئۇلۇغۋار بولغان ئىشنى ۋۇجۇدقا كەلتۈرۈڭ. تەسەۋۋۇر كۈچىڭىزنى بېيىتسىڭىز،ئۆزىڭىز ئويلاپمۇ باقمىغان نەتىجىلەر مەيدانغا كېلىدۇ.

تەسەۋۋۇر قىلىپ باقايلى:

قىلىۋاتقان ئىشىڭىزنى 10مىڭ ھەسسە چوڭايتىپ باقايلى،يەنى سىز ئىگە بولىدىغان نەرسىلەر ھازىرقىدىن 10مىڭ ھەسسە كۆپىيىدۇ. 10 مىڭ يۈرۈش ئىشخانا،10مىڭ مو مېۋىلىك باغ،10مىڭ دۇكان.بۇ چاغدا سىز نېمە ئىشلارنى قىلىسىز؟ بىز ئالدى بىلەن كارخانا قۇرۇشتىن باشلايلى.

ھەر قانداق ئىشنىڭ باشلىنىشى بولىدۇ. بىز ھازىر دەسلەپكى ئىش باشلاش باسقۇچىدا تۇرۇۋاتىمىز.قىلماقچى بولغان ئىشىمىز 10 مىڭ ھەسسىلىك زورىيىدىغان،تەرەققىيات يوشۇرۇن كۈچىگە ئىگە بولغان كارخانا قۇرۇش.بۇنداق قىلىشىمىزدىكى سەۋەب ئەگەر مەغلۇپ بولساق كارخانىمىز تەرەققىي قىلىش ئىقتىدارى بولمىغانلىقتىن ھەقىقىي كارخانا بولۇپ ھېسابلانمايدۇ.بۇنىڭ ئۈچۈن بىز 10 مىڭ ھەسسىلىك تەرەققىيات ئىدىيەسىنى شەكىللەندۈرۈشىمىز كېرەك. بۇنىڭغا ئىشەنمىسىڭىز ئەتراپىمىزدىكى سىز بىلىدىغان كارخانىلارغا قاراپ باقايلى.

مىسال : جون ئۆز ئالدىغا ئىگىلىك تىكلىگەن ماشىنا رېمونتچىسى.ئۇ ھەر كۈنى ئەتىگەندە ئىشقا كېلىدۇ.ئۇنىڭ بىر خىزمەت فورمىسى بار،بۇ خىزمەت فورمىسى قارىماققا ئۇزۇن ۋاقىت كىيىلگەندەك ، ئالدى كەينى داغ بولۇپ كەتكەن. ئۇ ھەر كۈنى شۇ خىزمەت فورمىسىنى كىيىپ ئوخشاش بىر ئىشنى- ئۇزۇن يىل داۋاملاشتۇرۇپ كېلىۋاتقان ماشىنا رېمونتچىلىقىنى قىلىدۇ.

ئۇ بىر ياخشى رېمونتچى،تەجرىبىلىك رېمونتچى. ھەر كۈنى نۇرغۇنلىغان ماشىنىلار ئۇنىڭ رېمونت قىلىشىنى كۈتۈپ تۇرىدۇ، ئۇ ئەستايىدىللىق بىلەن ھەر بىر ماشىنىنى تەكشۈرۈپ،سەۋرچانلىق بىلەن رېمونت قىلىدۇ. كۈنلەر ئۆتۈپ جونمۇ قېرىدى. لېكىن ئۇنىڭ تۇرمۇش رىتىمى يەنىلا بۇرۇنقىدەك. ئۇ يەنىلا كۈندە نۇرغۇن ماشىنىلارنى رېمونت قىلىش بىلەن ئالدىراش.بەلكىم سىز ئۇنىڭ ھاياتىغا قاراپ ئۇنى بەختلىككەن دېيىشىڭىز مۇمكىن.چۈنكى ئۇنىڭ قىلىدىغان خىزمىتى بار.

لېكىن ئوخشىمىغان نۇقتىدىن ئۇنىڭ ھاياتىغا قارايدىغان بولساق،جون ئۇزۇن يىللار ئىلگىرىلا ئۆز ئورنىدا توختاپ قالغان،قىلىۋاتقان ئىشىنى تەرەققىي قىلدۇرۇشنى ئويلاپ باقمىغان.ئۇنىڭ ھەر كۈنى قىلىۋاتقان ئىشى پەقەت ئۇنىڭ ئادىتىگە ئايلىنىپ كەتكەن ھەرىكەتنى تەكرار قىلىشتۇر.

بىز جوننىڭ ھېكايىسىدا بىر نەرسىنىڭ كەملىكىنى ھېس قىلىمىز. ئۇ بولسىمۇ جوننىڭ خىزمىتىدىن، جوننىڭ تىرىكچىلىكىدىنمۇ مۇھىم بولغان،ئادەمنى ئالغا باستۇرىدىغان،ھاياتى كۈچكە ئىگە قىلىدىغان،رىقابەت كۈچىگە ئىگە بولغان ئىدىيە ــــ قىلىۋاتقان ئىشنى 10 مىڭ ھەسسە زورايتىش. يەنى «تەرەققىي قىلىش» دۇر.

ھازىر بۇ خىل ئىدىيەگىمۇ ئىگە بولدۇق. ئەمدى كارخانىنى قۇرۇشتىكى ئۇچرايدىغان بىرىنچى مەسىلىنى ھەل قىلايلى ــ  كارخانا قۇرۇلغاندىن كېيىن قايسى خىل شەكىلدە بولىدۇ؟

ئەلۋەتتە بىز يەڭنى تۈرۈپ ئىش باشلاشتىن بۇرۇنلا بۇ مەسىلىنىڭ جاۋابىنى تېپىپ بولغان. ئۇ بولسىمۇ بىزنىڭ قۇرماقچى بولغان كارخانىمىز 10 مىڭ ھەسسىلىك تەرەققىيات يوشۇرۇن كۈچىگە ئىگە بولغان،مۇكەممەل بىر سەنئەت ئەسىرىگە ئوخشايدىغان كارخانا بولۇپ قۇرۇپ چىقىلىدۇ.

بەلكىم سىز ئىش باشلاشتىن بۇرۇن مۇنداق ئويلايسىز:

قىلالماسلىقىم مۇمكىن، چۈنكى ئەتراپىمدىكى مەبلىغى تولۇق،ئىقتىدارلىق،مۇناسىۋەت دائىرىسى كەڭرى بولغان كىشىلەرنىڭ مەغلۇپ بولغانلىقىنى كۆردۈم. مەن يەنىلا ئاز پۇل تاپساممۇ تۇرمۇشۇمنى خاتىرجەم ئۆتكۈزەي.

بۇ سوئاللىرىڭىزنىڭ جاۋابى : ئالدى بىلەن سىز ئۆزىڭىزنىڭ نېمىگە ئېرىشمەكچى ئىكەنلىكىڭىزنى ياخشى ئويلاڭ.ئاندىن ئۆزىڭىزدە ئىشەنچ تۇرغۇزۇڭ.

ئۆزىگە ئىشىنىش،ئۆزىنى قالتىس ھېسابلاش مۇۋەپپەقىيەت قازانغۇچىدا بولۇشقا تېگىشلىك ساپانىڭ بىرى. مەن ھەر دائىم بالىلىرىمغا ئۆزىگە ئىشىنىش توغرىسىدا تەربىيە قىلىمەن.ئ ۆزىگە ئىشىنىش چوقۇم مۇۋەپپەقىيەت قازىنىشتىن دېرەك بەرمەيدۇ. لېكىن ئۆزىگە ئىشەنمىگەن ئادەمنىڭ مۇۋەپپەقىيەت قازىنىش پۇرسىتىمۇ بولمايدۇ. مۇۋەپپەقىيەت قازانغۇچىلارنىڭ ھەممىسى ئۆزىگە ئىشىنىدىغانلاردۇر. ئۇلار ئۆزلىرىنى قالتىس دەپ ئويلايدۇ. ئۇلارچە دۇنيادا قىلالمايدىغان ئىش يوق. باشقىلار قىلالىغان ئىشنى ئۇلارمۇ قىلالايدۇ.باشقىلار قىلالمىغان ئىشلارنى ئوخشاشلا قىلالايدۇ.

بايانات

ئۇيغۇر خەلقى ئەزەلدىن يېمەك-ئىچمەكلەرنى پىششىقلاپ ئىشلەشكە ئالاھىدە ئەھمىيەت بېرىپ ، باشقا ساھەلەردە ئىنسانىيەتنىڭ تەرەققىيات تارىخغا ئۆچمەس تۆھپىلەرنى قوشقانغا ئوخشاش ، يېمەك - ئىچمەك مەدەنىيىتى جەھەتتىمۇ پارلاق نەتىجىلەرنى ياراتقان . يېمەك - ئىچمەكلەرنىڭ قورساق تويغۇزۇش ، ئۇسسۇزلۇقنى قاندۇرۇش تەرىپىگىلا ئەمەس ، ئۇنى پىششىقلاپ ئىشلەشتە سالامەتلىككە ، كېسەللەرنىڭ ئالدىنى ئېلىش ، داۋالاش ، چىراي گۈزەللەشتۈرۈش قاتارلىق تەرەپلەرگىمۇ ئالاھىدە ئەھمىيەت بەرگەنلىكتىن ، ئۇيغۇرلارنىڭ يېمەك -ئىچمەكلىرى ئوزۇقلۇق قىممىتىنىڭ يۇقىرلىقى ، دورىلىق ئۈنۈمىنىڭ ياخشىلىقى ، تەمىنىڭ لەززەتلىكلىكى ، پۇرىقىنىڭ خۇش بۇيلۇقى بىلەن ئالەمدە داڭق چىقارغان . يېمەك-ئىچمەك ئىنسانىيەتنىڭ مەۋجۇت بولۇپ تۇرۇشى ۋە جەمئىيەتنىڭ تەرەققىي قىلىشىنىڭ ماددىي ئاساسى ، خەلق ئىگىلىكىنىڭ مۇھىم بىر قىسمى ، يېمەك -ئىچمەك ۋە ئۇنى پىششىقلاپ ئىشلەش سانائىتىنى تەرەققىي قىلدۇرۇش بەدەننىڭ ئوزۇقلۇق قۇرۇلمىسى ۋە سالامەتلىكىنى ياخشىلاپ ، كىشىلەرنىڭ تۇرمۇش سەۋيىسىنى يۇقىرى كۆتۈرۈشكە بىۋاسىتە تەسىر كۆرسىتىپلا قالماستىن ، بەلكى قالاق ، ئەنئەنىۋىي يېمەك-ئىچمەك ئادىتىنى ئۆزگەرتىپ ، دېھقانچىلىق ، باغۋەنچىلىك ، چارۋىچىلىق قاتارلىق كەسىپلەرنىڭ ئومۇميۈزلۈك راۋاجلىنىشىنى ئىلگىرى سۇرۇپ ، ماددىي بايلىق ۋە تۈرلۈك ئېنېرگىيە مەنبەلىرىدىن تولۇق پايدىلىنىپ ، مول خام ئەشيالارنى قىممىتى يۇقىرى پىششىق تاۋارغا ئايلاندۇرۇش ئارقىلىق بازار رىقابىتىدە ئۈستۈنلىككە ئېرىشىش ، ئېكسپورت مىقدارىنى ئاشۇرۇپ ، بازار ئىگىلىكىنىڭ تەرەققىياتىغا ماسلىشىش جەھەتلەردە ئىنتايىن مۇھىم ئەھمىيەتكە ئىگە . شىنجاڭدا يېمەك - ئىچمەكلەرنىڭ خام ئەشيا مەنبەسى ناھايىتى مول ، بۇ موللۇقنى " توخۇ سۈتىدىن باشقا ھەممىسى تېپىلىدۇ "دەپ تەرىپلەشكە بولىدۇ ، ئەمما خېلى ئۇزاق يىللاردىن بۇيان ، ھەر خىل " سول " سىياسەتلەرنىڭ كاشىلىسى ، پىلانلىق ئىگىلىكنىڭ بەزى چەكلىمىلىكلىرى تۈپەيلىدىن ، بىز يىمەك -ئىچمەك جەھەتتىكى مول خام ئەشيا بايلىقىنى تولۇق ئاچالمىدۇق . ئۇنىڭدىن تولۇق پايدىلىنالمىدۇق . ئۇنى ئۆزىمىز ئۈچۈن پۇختا ئاساسلىنىدىغان پىششىق ، يۇقىرى قىممەتكە ئىگە ماددىي بايلىققا ئايلاندۇرالمىدۇق . ھەددى -ھېسابسىز ئاشلىق ، گۆش ، مېۋە -چىۋە ، قوغۇن -تاۋۇز...لار بىھۇدە ئىسراپ بولۇپ كەتتى . ئىسلاھات ئېچىۋېتىش ۋە بازار ئىگىلىكىنىڭ كۈچلۈك شەرق شامىلى ئەمدىلىكتە بىزگە بۇ بايلىقتىن تولۇق پايدىلىنىش ئىمكانىيىتىنى يارىتىپ بەردى . يېمەك -ئىچمەك سانائىتىنى تەرەققىي قىلدۇرۇشتا ، كېرەكلىك بايلىق مەنبەلىرىدىن تولۇق پايدىلىنىش بىلەن بىر ۋاقىتتا ، يېمەك - ئىچمەكلەرنى پىششىقلاپ ئىشلەش ، ساقلاش ئۈسكۈنىلىرى ۋە شارائىتلىرىنى ياخشىلاش زۆرۈر . يېمەك - ئىچمەكلەرنى پىششىقلاپ ئىشلەش ۋە ساقلاشقا دائىر ئاساسىي بىلىم ۋە مەشغۇلات تېخنولوگىيەسنى ئومۇملاشتۇرۇش ، كەسپىي خادىملارنىڭ تېخنىكا سەۋىيەسىنى ۋە خىزمەت سۈپىتىنى يۇقىرى كۆتۈرۈش ، دۆلەت ئىچى ۋە خەلقئارادىكى ئىلغار تېخنىكا ۋە تەتقىقات نەتىجىلىرىدىن پايدىلىنىش ، يېڭى ئۈسكۈنىلەرنى تەتقىق قىلىپ ياساپ چىقىش لازىم . شۇ ئارقىلىق يېمەك - ئىچمەكلەرنى پىششىقلاپ ئىشلەش جەھەتتە مەملىكەت ۋە خەلقئارادىكى ئىلغار سەۋىيەگە يېتىشىپ ، بۇ جەھەتتىكى پارلاق ئەنئەنىمىزنى زامانىۋى تېخنىكا بىلەن بىرلەشتۈرۈپ ، سۈپىتى ئەلا ، بازىرى ئىتتىك ، ئوزۇقلۇق ۋە دورىلىق قىممىتى يۇقىرى ، رىقابەتتە ئۈستۈنلۈكتە تۇرالايدىغان يېمەك - ئىچمەكلەرنى ئىشلەپچىقىرىپ ، ئۆزىمىزنىڭ ۋە بازارنىڭ كۈندىن - كۈنگە ئېشىپ بېرىۋاتقان ئېھتىياجىنى قاندۇرىشىمىز كېرەك . شىركىتىمىزنىڭ مۇلازىمەت دائىرسى ھەققىدە شىنجاڭ دىلدوسىت كارخانا باشقۇرۇش مەسلىھەتچىلىك چەكلىك شىركىتى شىركەت ئەنگە ئالدۇرۇش ،تاۋار ماركىسى ، پاتېنت ھوقۇقىنى ئەنگە ئالدۇرۇش ، سودا ئوچۇرلىرىدىن مەسلىھەت بېرىش ، شىركەت تور بېتى ياساش ، ئۈندىدار سالونىنى تىزىمغا ئالدۇرۇش ، ياساش ۋە ۋاكالىتەن باشقۇرۇش ، ھەرخىل يېمەكلىك زاۋۇتى قۇرۇش رەسمىيەتلىرىنى ۋاكالىتەن بېجىرىش (QS بېجىرىش )، سېخ لايىھەلەش ، ئۈسكۈنە كىرگۈزۈش ، ئىشلەپچىقىرىشنى ئۆلچەملەشتۈرۈش ، ھەر خىل كۈندىلىك تۇرمۇش بۇيۇملىرى زاۋۇتى قۇرۇش رەسمىيىتىنى بېجىرىش ، يېمەكلىك ئۆتكۈزۈش ئىجازەتنامىسى بېجىرىش ، يېمەك - ئىچمەك ۋە سېتىش ئىجازەتنامىسى بېجىرىش ، ساغلاملىق مەھسۇلاتلىرى ئىجازەتنامىسى بېجىرىش ، داۋالاش سايمانلىرى ئىجازەتنامىسى بېجىرىش ، كارخانا يېمەكلىك ئىشلەپچىقىرىش ئىجازەتنامىسى بېجىرىش ،يىللىق تەكشۇرۇتۇش ، كىنىشكا ئالماشتۇرۇش ، خەلقئارا سۈپەت باشقۇرۇش سىستېما ئىجازەتنامىسى ئىلتىماس قىلىش ( ISO 9001 ) ،خەلقئارا يېمەكلىك بىخەتەرلىك باشقۇرۇش سىستېما ئىجازەتنامىسى ئىلتىماس قىلىش (ISO 22000 )، يېمەكلىك بىخەتەرلىك ئانالىزى ۋە لىمىت كونترول نۇقتىسى ئىجازەتنامىسى ئىلتىماس قىلىش (HACCP ) ، يېشىل يېمەكلىك ئىجازەتنامىسى ئىلتىماس قىلىش ، ئورگانىك يېمەكلىك ئىجازەتنامىسى ئىلتىماس قىلىش ، مۇسۇلمانچە يېمەكلىك ئىجازەتنامىسى ئىلتىماس قىلىش ، ھالال يېمەكلىك ئىجازەتنامىسى ئىلتىماس قىلىش ، سىزىقلىق كود كىنىشكىسى ۋە سىزىقلىق كود ئىلتىماس قىلىش قاتارلىقلارنى بىر گەۋدە قىلغان سودا مۇلازىمەت شىركىتى . شىركەت 2015 يىلى 6- ئاينىڭ 23- كۈنى قۇرۇلغان بولۇپ ، شىنجاڭدىكى مىللىي شىركەت ۋە كارخانىلارنىڭ قىيىنچىلىقىنى ھەل قىلىپ ، ھۆكۈمەت بىلەن كارخانىلار ئوتتۇرىسىدا كۆۋرۈكلۈك رول ئويناپ ، خېرىدارلارنى ئەڭ ئەتراپلىق ، ئەڭ كەسپىي بولغان مۇلازىمەت بىلەن تەمىن ئېتىمىز . ئادرېسى :شىنجاڭ ئۈرۈمچى شەھىرى تەڭرىتاغ رايونى جەنۇبى ئازاتلىق يولى 358-نومۇر جىلى ئاستانە 1- كورپۇس 13- قەۋەت 1306-ئىشخانا (سەنشىىاڭزا ئاق مەسچىت ئۇدۇلىدىكى سەردار رېستۇرانى ئېگىز بىناسى ) تېلېغۇن نومۇرى : 8555830-0991 15026000904 ئۈنددار : 15026000904

تەلەي قاپىقىدىن چىققان يازمىلار

باھالار

ئىسمىڭىز:

باھالار رېتى