جۇڭگو ئاخبارات تورى 31- ئىيۇل خەۋىرى:
چەتئەل تاراتقۇلىرىنىڭ خەۋىرىگە قارىغاندا، شۇ جاي ۋاقتى 31- ئىيۇل ئىككى نەپەر تۈركىيە خەلق ساقچىسى مەزكۇر دۆلەتنىڭ جەنۇبىي قىسىمىدىكى رايوندا قوراللىق ھۇجۇمغا ئۇچراپ قازا قىلغان. يەرلىك ساقچىلار قاتىلنى قوغلاپ تۇتۇشقا ئاتلانغان. ئىگىلىنىشىچە، بۇ ۋەقەنى كورد قوراللىقلىرى پەيدا قىلغان بولۇشى مۇمكىن ئىكەن.
تۈركىيە ئارمىيە تەرەپ 30- ئىيۇل بايانات ئېلان قىلىپ: تۈركىيە كورد ئىشچىلار پارتىيىسى قوراللىقلىرى شۇ كۈنى تۈركىيەنىڭ جەنۇبىي قىسىمىدا مەزكۇر دۆلەتنىڭ بىخەتەرلىكىنى ساقلاش قىسىمىغا ھۇجۇم قىلىپ، ئۈچ نەپەر تۈركىيە ئەسكىرىنىڭ ئۆلۈشىنى كەلتۈرۈپ چىقاردى، دېدى.
تۈركىيەدە يېقىندىن بۇيان كۆپ قېتىم تېررورلۇق ھۇجۇم قىلىش ۋەقەسى يۈز بەردى، مۇشۇ ئاينىڭ 20- كۈنى سۈرىيە-تۈركىيە چېگرىسىغا يېقىن سۇلۇك بازىرىدا پارتلاش ۋەقەسى يۈز بېرىپ، 30 ئادەمنىڭ ئۆلۈشى، 100 دىن ئارتۇق ئادەمنىڭ يارىلىنىشى كەلتۈرۈپ چىقاردى. تۈركىيە ئەمەلدارى: تېررورلۇق ھۇجۇمى قوزغىغۇچى 20 ياشلىق بىر تۈركىيەلىك ئەر، ئۇنىڭ IS بىلەن مۇناسىۋىتى بولۇشى مۇمكىن، دېدى.
22- ئىيۇل تۈركىيەنىڭ شەرقىي-جەنۇبىي قىسىمىدىكى بىر كىچىك بازاردا ھۇجۇم قىلىش ۋەقەسى يۈز بېرىپ، ئىككى نەپەر تۈركىيە خەلق ساقچىسى ئۆلدى.
23- ئىيۇل تۈركىيەنىڭ شەرقىي قىسىمىدىكى شەھەر دىيارباكىردا ئىككى ساقچى قوراللىق ھۇجۇمغا ئۇچراپ، بىر ساقچى ئۆلۈپ، بىر ساقچى ئېغىر يارىلاندى، كورد قوراللىقلىرى بۇ ۋەقەگە مەسئۇل بولىدىغانلىقىنى جاكارلىدى. ئارقىدىنلا تۈركىيە زۇڭلى ئىشخانىسى تۈركىيە ھۆكۈمىتىنىڭ 13 ئۆلكىدە جەمئىي 251 ئادەمنى قولغا ئالغانلىقىنى، بۇ كىشىلەرنىڭ « شام ئىسلام دۆلىتى » رادىكال تەشكىلاتى ياكى كورد قورللىقلىرى بىلەن مۇناسىۋىتى بارلىقىنى جاكارلىدى.